| الإهداءات |
|
|||||||
|
|
أدوات الموضوع | انواع عرض الموضوع |
09-05-2009, 10:07 AM
|
#1 | ||||
|
I ♥ PALESTINE
قوة السمعة: 107
 |
خواطر 5 // وحكآية كوكب آخر .. فيه بشر من نوع آخر !!!!
السلام عليكم ورحمة الله وبركاته
شغلوا السماعات  هادا نقاش لازمه دعم بكل الوسائل !!  لأنه مهم ولعله وعسى يكون محفز للتغيير : : قبل ماا أدخل في الموضوع خليني احكيلكم حكاية  بجامعتي كان في دكتور عنا .. كان عايش باليابان وبعديها ترك واجى يعيش في البلاد العربية طبعاً هادا كان ذلنا وذل أهالينا عاشي اسمه يابانيين مش انهم متطورين .. لأ هادا اشي مفروغ منه انما ذلنا .. عأدبهم واخلاقهم .. عاحترامهم للغير بيقلنا التلميذ مابسترجي يرفع راسه فوجه معلمه ليقله اجلي امتحان بيقلنا طلاب السنة الاولى بنادوا طلاب سنة رابعة باسم معين بدل عاحترامهم الهم يعني احترام انا عنفسي ماكنت اصدقه وكنت افكر انه دخيل الله عشو بذل فينا عـ "شوية" تطور همي عايشين فيه لكن بعد خواطر 5 واللي راح احكي عنه الحين انا بجد بجد بجد مستغربة  كيف قدر يتأقلم مع العالم العربي !! حكاية خواطر 5 // والكوكب الآخر  يعني مش عارفة من وين أبدا !! خواطر 5.. ينقل تجارب الآخر للارتقاء بالمجتمع المسلم نصيحةٌ يقدمها شاب عربي إلى أبناء جيله من الشباب والفتيات، تبتعد عن طابع الوعظ والخطابة، وتعتمد أسلوبا بسيطا وميسرا ينفذ إلى القلوب والعقول بسرعة ويسر، // يمكن بعضكم مابعرف عن شو أنا بحكي ؟! وهدول بقلهم فاتكم الكثير  برنامج خواطر 5 يعرض طيلة ايام رمضان عقناة mbc بتقدروا تحضروا الحلقات اللي فاتتكم عيوتيوب او عموقع mbc.net وماتفوتوا عليكم ولا حلقة  وهالمرة البرنامج جاي عالوجع جاب نموذج للمجتمع المثالي نموذج مجتمع وصل فيه مرحلة مش الاكتفاء الذاتي فالاساسيات ((اللي للحين ماقدروا العرب يوصلوله)) لكن وصل مرحلة البحث عن الكمال وصل مرحلة البحث عن ادق التفاصيل اللي بتضمن للانسان شو ماكان حياة كريمة وفوق كل هادا لاتخلى عن قيم ولا مبادئ يعني مش عارفة عن شو ولا شو احكي ؟! عن اهتمامهم بالقراءة ومافي انسان كبير ولا صغير الا بتلاقيه بقرا يافي الباص يا وهو ماشي ولا عن مكتبة المكفوفين اللي فيها 70 الف كتاب مابتلاقي متلها هان لغير المكفوفين ولا عالطرق المصممة بطريق تخلي المكفوف يقدر يمشي بدون مساعدة غيره ؟؟ عشو احكي ؟! عنظام كراج السيارات ولا عحماماتهم!! عاحترام الوقت و لا عافشاء السلام ولا عمحافظتهم على عاداتهم وتقاليدهم !! بجد اشي بوجع القلب بتعرفوا ليش ؟؟! لأنو كل اللي بعملوه همي وحريصين عليه اسلامنا امرنا فيه ؟؟ اسلامنا قالنا ووصانا وكرر .. في القران .. في السنة واحنا شو بنعمل بحياتنا ؟! احنا الشباب اللي بعد 20 سنة هنصير عجايز و نتحمل خطيئة انوماغيرنا امتنا للافضل تركنا كل هادا وعشو بنجري قالها حد مو متذكرة مين "هم المسلمون فعلاًوعملاَ ونحن المسلمون قولاً" هالموضوع هان انا منزلته لاناقشكم .. شو اللي خلاهم هيك وخلانا هيك وبرايكم شو السبيل لأنو نصير متلهم .. اكيد مش بيوم وليلة هنصير هيك  لكن في خطوات للوصول ومشوار الألف ميل يبدأ بخطوة فشو هيي هاي الخطوات برأيكم ؟! وهل في يوم من الأيام هيتغير حالنا ؟ وانتا او انتي .. مامدى استعدادك لتغيير نفسك لتحسن حالنا ؟؟ والله ياجماعة اللي بعملوه مش مستحيل ولاهو بده قوة خارقة ..كل اللي بعمله هو اساس عقيدتنا اساس عقيدتنا .. الاخلاص بالعمل .. احترام الانسان .. الدقة والابداع آخ .. شو بدي احكي لأحكي !! سمعونا آراءكم وياريت اللي مابعرف البرنامج رجاءً تشوفوه وسامحونا عالاخطاء الاملائية .. |
||||
|
|||||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري