@شنطه رمضان @

[انتهينا]

بسم الله الرحمن الرحيم


"وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً& نَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاء وَلَا شُكُوراً & إِنَّا نَخَافُ مِن رَّبِّنَا يَوْماً عَبُوساً قَمْطَرِيراً "


صدق الله العظيم



قال رسول الله صلى الله عليه وسلم

" أحبُّ الأعمال إلى الله ثلاثة : إشباع جوعة المسلم، وقضاء دينه، وتنفيس كربته "

صدق رسول الله صلى الله عليه و سلم



رمضان كريم ... الله أكرم

زى كل سنه ... بنستعد لرمضان قبلها بشهر

نلحق نخزن شويه رز وزيت وسمن

ولحمه مشان هاتغلى فى رمضان

وطبعا مش هاننسى المكسرات

و سكر احسن ما نلاقيه

وووووو

حاجات كتير كتير بنعملها كل رمضان

بس انا مش جايه اقولك لا

ماتعملش كده

لا خالص

انا بس عاوزاك تفتكر انه فيه اسر كتيره بتدعيلك كل رمضان

على الشنطه اللى بتبعتهالها

ايوه انت

انت وجارك وزميلك فى الشغل وصاحبك واخوك

شنطه رمضان فيها ايه غير شويه مستلزمات لرمضان للفقراء والمحتاجين من اخوانك المسلمين اللى بتعرفهم

متخيل الفرحة اللى بتدخل مع كل شنطه فى بيت الفقراء

انت عارف ....

فى الوقت اللى انت بتفكر فيه كيف راح ترتب ميزانية رمضان مشان تجيب

للبيت كل الطلبات الضروريه والغير ضروريه كمان

اصل رمضان شهر كريم

فى الوقت ذاته فى ناس بتفكر يا ترى انت ها تبعتلها ايه

مستنياك

بتحاول تتخيل

ويمكن تكون بتقول يا رب يزودوا السكر شويه

اصله اهم من المكرونه

يا سلام لو يبقى بدل 2 كيلو زيت يبقى كيلو سمن

ويمكن ما يطمعوش فى مجرد التفكير فى كيلو لحمه


تصدق ان فى ناس مش بتاكل اللحمه الا فى رمضان والعيد

يا ريت تفتكرهم وانت بتستعد لرمضان

اكيد راح يبقى لهم نصييييييييب كبير فى حساباتك

واللى اكيد اكتر ... انك هاتلاقى كل هاد مستنيك

ويمكن سابقك كمان

يوم القيامه

يوم ما تكون فى أمس الحاجه لحسنه واحده تقربك خطوه للجنه

كل سنه وانت طيب

ورمضان كريم