| الإهداءات |
|
|||||||
|
|
أدوات الموضوع | انواع عرض الموضوع |
08-18-2009, 05:47 AM
|
#1 | |
|
I ♥ ISLAM
قوة السمعة: 24
 |
أرضـ الـطـهـر . . زيارة لاتنسى . . } بعـدسـتـيـ {
 رح احكي بدون مقدمات ولا شي رح نفوت لصلب الموضوع متل مابقولوا طبعاً أنـا تغيبت فترة عن المنتدى ومافتلو لـأني سافرت على السعودية . . يعني عملنا عمرة وبنفس الوقت حبينا نتفرج على السعودية يعني عمرة ومع سياحة الـ . . مهمــ يلا خلينا نبدأ بالصور هي الصورة ونحن بطريقنا لـ السعودية * *  * وحبيت اصور هالمنظر  * وهي صورة للصحراء  * وهلا بعد ماوصلنا ق عنا لحدود و وصلنا على حدود السعودية طبعا انا ماسترجيت صور بس يومها ضلينا 3 ساعات على حدود السعودية ومابكفي الشوب والرطوبة لا كمان الحدود يعني ال شو اعطو بابا بطاقات يعبيهم لانو نحنا رايحين عمرة وبعد ماعباهم قلو الشرطي لبابا لا شو هاد الرقم مو واضح صار يخترع اشياء لحتى يحكي مع صاحبو ولما شاف بابا ضاق خلقوا ترك بابا ومشى ناس تانية هفففففف والله انا يوميتها كنت بدي ازل اضرب الشرطي ولحتى راح بابا مشان يصورو يعني هي نظام جديد عاملينو  وبيبصم على الجهاز وطبعاً هاد كلو وقت ولحتى اجا دور الحريم هههههــ ال بالسعودية بقولو عن المراة حرمة المهم ونزلو الحريم يعني نحنا رحنا صورونا للذكرى هههههههـ وبصمنا ع الحدود . . . واخيرا خلصنا الحمدلله وبس خلصصنا ولا واحد جاي ع بالو يحكي مع التاني بس بدنا نفش تعبنا ببعض من التعب  وهلا صار لازم نستريح شوي شفنا ونحنا ع الطريق راعي بيرعى الجمال وقفنا عندو مشان نشرب حليب جمل وهي صور للجمال والزلمة يلي باخر الصورة هاد الراعي   وهي القبيلة  وهي حلب الجمل للامانة هي الصورة من النت بس هيك شكل حليب الجمل لما بكون فرش  وبعد مارتحنا ورحنا ع الميقات مشان نحرم رحنا احرمنا ونوينا العمرة وهي صورة لمكة المكرمة جبتها من النت لانو التصوير ممنوع يعني الواحد وين مالتفت بلاق شرطي بوجهو واله بياخدو الكاميرا ومابرجعوها فجبت هالصورة من النت  وبعد ما اعتمرنا وخلصنا رحنا ع جدة مشان نروح ع المدينة لانو من مكة للمدينة طويل المشوار فرحنا من مكة للمدينة وقبل مانتوجه للمدينة قعدنا كم يوم بجدة لانو خالي عايش هونيك ورحنا واجينا ولعبنا وهي صورة لجبل  وطبعا ونحنا بجدة زرنا اماكن كتيرة ومن هالاماكن هي رحنا ع الطائف ورحنا ع الهدا والشفا هدول الامكان موجودة بالطائف بس يا الله ما احلا هالهويات والله احلى بكتير من هوى بلادو وبكفي بين جبال يعني الهوا باااارد المهم رحنا ع مكان بالشفا وسهرنا صباحي وعملنا مشاوي وهادكلو وخالي معنا كان مرشد سياحي لانو مامنعرف شي بالبلد وبعد ماخلصنا الحفلة رحنا نمنا بفندق لانو الصبح كان بدنا نروح ع المدينة والله وطلع الصبح فقلنا لبابا خلينا نروح ع الهدا نودع البردات والنسمات الحلوين قال اوك وخالي معنا . . اي والله رحنا ع الهدا وهي صور ل العاب مائية كبيرة مابينراحلهة الا بالتل فريك   وطبعا ركبن بالتل فريك بس كانت الكاميرا خالص شحنها فما صورت وقبل مانركب التل فريك بقولو انو بالسعودية بهي المناطق في قرود وصارت مشاكل كتير سمعتا بالاخبار انو كتير قرود هجمت ع العالم وع السيارات من الجوع ومابعرف شو بس لما رحنا ع منطقة الشفا هونيك قارضين القرود بس في بمنطقة الهدا يلي رحنالها والقرود هي مابتطلع اللا الصبح بكير والعصر واحيانا المسا ولحسن حظنا رحنا لوقت العصريات ونحنا ماكنا نعرف بهشي اجت بالبركة المهم مارح طول و شفنا شوفات شايفين هي الصورة لما مرقنا من جنبها انا فكرتها صخور ماخطر ببالي ابدا بس اخي قال قرود قرود والله بابا وقف ونزلنا نتفرج وطلع هيك العام واقفة هي هيا بس هي الصورة صورتها اختي بس اخدتها منها بعلمها طبعا  وكمان هي  وكمان هي من اختي  طبعا نحنا كنا جايبين فواكه قبل مانوصل فجبنا شوية فواكه وطعمينا القرود مشان يجو لعنا وكمان هي من اختي  وهي لما القرود كانت ع الجبل من بعيد في منهم اجوا لعنا وعند غيرنا بدهم ياكلوا وفي واحد راح مايندعس من سيارة بس هي من اختي  ولما خلصنا ركبنا بالسيارة صارت القرود تجي لعنا وباب صار يزتلها فواكه والقبائل صارت تجي لعنا انا اخر شي خفت لانو هي قورد مو اي شي وباب فتح الشباك ع الاخر واختي يارسلام كلو فتح الشبابيك عدا انا خفت لانو مرة سمعت القرود هي هجمت ع ناس بالسيارة الهم وهاد واحد وهو واقف ع السيارة  ولما خلص بدنا انروح القرد دبق ع السيارة بطل ينزل قام باب مشا قال انو يعني بركي بيرتعب وبينزل بس لا مانزل ماشفنا الا الزعيم تبع القرود نط ع السيارة انا قلبي وقع من مكانو اخر شي حسيت حالي صرنا نتخانق مو نلعب معهم المهم لحقت اختي اتصور القرد يلي نط ع السيارة لانو كان بدو يدافع عن الفرد يلي معهم لانو القرد كلها بدافع عن بعض انا خفت يعمل شي ولما نط المرايا الجانبية زاحها يعني فعلا قرد وهاد هو  اتذكرت هي الشغلة مرة خالتة ماما راحو من هي المنطقة وماكانو بيعرفو بهالوقت في قرود وابنها ماشاء الله شب المهم اتظل دائما تقلو قرد ينطك قرد يشليلك ومابعرف شو اخ مرة قالتلو قرد ينطك كان فاتح شباك السيارة وما لقا الا القرد يلي بحظنو وصار يصرخ وشو صار بعد هيك مابعرف وصورت كمان تل فريك قبل مانركبها   وبعد مارجعنا ع جدة صورت اكم صورة للفجر      والان بعد ماخلصنا من جدة رحنا ع المدينة ورحنا لعند الرسول (ص) بس ماقدرت اصور لانو ممنوع بس صورت من برا انا اول مافتت وشفت وين مدفون الرسول قشعر بدي ودعيت وسلمت ع الرسول هلا عند هي القبة الخضراء هون قبر الرسول ( ص )   [COLOR="black"]وهلا هي صورة لمقبرة شهداء احد طبعا هني مو عاملين قبور تاركين المكان متل ماهو[/COLOR  وهاد كلو جبل احد كبير كتير صورت شوي منو  وهاد جبل الرماة  ال بقولو والله اعلم انو جبل الرماه كان اكبر من هيك بس الشيعيين على قد مابياخدو من الجبل صار صغير المهم انا اخد حجرين بس من جبل الرماة كذكرى وهي مسجد قباء رحنا صلينا فيو في حديث للرسول (ص) انو من صلى به ركعتان كان له اجر عمرة نحنا رحنا وقت ظهر صليت الظهر وضليت اصلي اصلي وهي صورة من النت ماكان معي كاميرا لانو يومها   وهاد مسجد القبلتين من النت لانو صورت وماطلعو زابطين   وهي الصورة انا صورتها كاتبين ممنوع التصوير وصورت هههههه  وهلا لما رحنا ع سوق التمر مشان نشتري تمر من المدينة   وبعد ما انتهينا من رحلتنا  رجعنا سالمين غالمين وهي اكم صورة للغروب هي لاختي  وهي انا   بس كانت رحلة سعيدة وحلوة كتير والله يطعم كل واحد بنفسو يزور بيت الله وبلد الرسول والان انتهينا     حلوة السمايلات الجديدة |
|
|
||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري