قلب من الحجر ما اقساه من قلب

[سيدرا الاموره]

قرارات بالحياة بدها قلب قاسي .. مثلاً أنك تقتل شخص يعني إزهاق روح بدها قلب قاسي ..

:


انك تدخل أبوك لدار العجزة بدها قلب قاسي .. انك تعمل حجر صحي على والدتك أو أخوك بدها قلب قاسي ..

:

بصراحة ما بعرف كيف بدي احكي لساتني مصدومة .. في شخص مريض نفسي .. مؤخراً أخوته عملو عليه حجر صحي و دخلوه مشفى ابن سينا ..

بالبداية كان يروح ع الدكتور و ياخذ أدوية .. بس صاروا أخوته يستفزوه .. و كـ رد طبيعي كان يعصب .. يمكن لو كان واحد تاني كنا اعتبرنا غضبه طبيعي .. بس لأنو زيارة الطبيب النفسي تهمة صار مصدر خطر و قلق ..

كيف و مين بيقرر أنو هاد الإنسان فاقد الأهلية أو مانو قادر يقرر حياته ؟؟؟؟؟؟؟؟..

و ليش الحجر الصحي بيكون بس لوضع وصي على المال .. يمكن هو بحاجة لوصي عطوف و صبور و محب .!.

تخيلت شعوره بعد ما رموه بالمشفى .. مين أقرب الناس له .. ليش الكل صار يخاف منه ما هو بالنهاية إنسان مو وحش ..

يا الله صايرة الدنيا بتخوف .. بس أد ما كان أنا معه لو مهما عمل لأنو الضربة اللي بتجي من أقرب الناس إلك موجعة .. و الحجر الصحي شغلة كتير سهلة صايرة عنا .. متل مو صاير دار العجزة شغلة عادية ..
__________________