زواجنا فهالايام

[مبروك ما اجاكم]

زواج الشب والبنت
البنت بدها الزواج والستيرة
والشب بدو الزواج والعفة

وأبو البنت بدو المصاري

وأم البنت بدها المفاخرة

وابو الشب بدو السمعة

وام الشب بدها المديح

كلهم سخفاء ..والي بيطلع ميكل هوا

الشب والبنت

بيشتغل الشب سنين طويلة وبحوش وبحوش تيقدر يجيب بنت هالحلال ويجوز عسنة الله ورسوله
ولكن بيتفاجأ انو كل الي حوشو ما بكفو نص تكاليف اعراس هالايام

يعني ام العروس :لازم يكون الها بيت خاص ماثث مجهز من كل اشي عفش اجهزة كرهبائية مش ناقص في اشي
راحت ايام انو الوحدة بتساعد جوزها ويعيشو عالحلوة والمرة تيفرجها ربنا ونبني ويصير عنا بيت بيت الاهل صار كخة
كيف بدها بنتي اتعيش مع حماتها مستحيل

ومهرها مش اقل من كذا وكذا بنت افلانة مش احسن من بنتي
نسيو كلام النبي عليه افضل الصلاة والتسليم اقلكم مهرا اكثركم بركة

ومنا صالة افراح
بيتنا مابيوسع بتوسخ بعدين(تصوير على اعلى مستوى كعكة حلو وغيرو وغيراتو)


ومنا انغدي كل اهل البلد
ما بيعرفو انو زمن اول حول يوم كانت الذبيحة ب5 دنانير مش ب100 دينار هالايام
وسهرة مصطفى الخطيب ولا ناصر الفارس ب8 ولا 9 تلاف شيكل

يعني بنبسط كل اهل البلد ومن نوكل هوا احنا

بعرف انو الموضوع اطويل ولسا ما خلصت بس لما الواحد بدو يجي يجوز مش بدو يفكر بهاي الشغلات
وكال بكلك ليش هاد الشب لساتو ما اجوز
ولا ليش هالشب مديون هالكد
والله اشي بجنن وبجيب الهم

طيب شو الحل فكركم يا جماعة ليش الاهل متنحين نسيو الدين ورقضو ورا المظاهر
مش الضحية احنا بالاخير
وسلامتكم