مراسم زواج الهنود ..............................

[نسمة دفا]

نمستي (بالهندي مرحبااو نهار سعيد)

مراحب مراحب يا اعضائنا الحلوين

نزلت موضوع عن ديكورات الهنود

عند الزواج هلأبدي احكيلكم مراسم

الزواج عندهم نبدا

اول اشي العروس هي اللي بتطلب العريس وبعدين بيئعدو لحالهم

وبيحكو وبعدين بيقررو ازا اتفئو ولا لأ

بعدين ازا اتفئو بيروح ابو العريس بيحكي عن المهر واللي هو ابو

عروسة راح يدفعو مهر العريس يعني

بعدين بيخطبو عادي حفلات ورئص واغني هندية روعة ومن

هالاشياء وبعدين العرس بيجو بيرورحو اول

اشي ع المعبد وبيرورحو وبس يدخلو بيضربو جرس معلق و بيئفو

ئدام الالاه تبعهم ازا كان ( كرشنا او بوذا او البقرة او الافعى الخ.........)

وبيكونو حاملين صحون من نحاس وفيها جوزة هند وحلو لونو

اصفر والسندور اللي هو بيكون لونو احمر وبودرا

بيكون وبتحطو ع جبين الالاه تبعها وبيجي الكاهن بيحط منو نقطة

بين عيونها وبيعدين بتغمض عيونها وبتتمنا

اللي بدها اياه وبعدين بتطلع وبتروح ع بيتها وبس توصل بيمسكوها

جاراتها للعروسة العروس ام العروسة

واخواتها بينزلو يرسمولهم ع اديهم بالحنة وشو رسم روعة يئبرو

ئلبي بالهرسم وبعدين بس يخلصو بيغنو

بيت العروسة

بينزلو رسم ع العروسة وبرضو بيغنو وبيرئصو هندي وبيدهنو

للعريس اشي اصفر الله اعلم شو هو بس

عشان البشرة تطلع حلوة والعروس بتغسل اديها من الحنة وبيروحو

يلبسوها الساري الاحمر اللي هو لبس

العروسة المعتاد في الهند وبيلبسوها المجوهرات وبتكون كلها

مجوهرات كيف بيشوفها العريس الله اعلم

نا علينا وبتئعد تستنى العريس وبيرئصو وبيغنو ع بين ما يوصل

وبيصل العريس ع بيت العروسة وبيكون جاي ع

حصان ابيض وراه بيكون موكب العرس والعربة اللي راح يوخدو

فيها العروس من الاخر تقاليدهم المهم بوئف ع

باب بيت العروس ازا كان العرس ببيت العروس وبتيجي ام

العروس وبتكن ماسكة برضو صحن من نحاس

وبتسير تمسكو وتلفو حولين العريس وبينزل عند رجليها وبيلمسهم

وبيوخد بركاتها وبرضو عند رجلين ابو وابو

العروس وامو وبيوخد بركاتهم وبعدين بيدخل بيئعد في المكان

المحدد لاقامة مراسم الزواج وبيكون في بي

نص مكان اقامة مراسم الزواج نار مقدسة وبعدين بيجوبولو

زي خمار يحطو ع وجهو وبيكون الخمار من ورد الفل اللي ريحتو

حلوة المهم بيجي الكاهن وبتيجي العروس

وبيسير الكاهن يرطن ويرطن ابصر شو بيرطن بس بيرطن

وبعدين بيجيبو ابريق من نحاس برضو وبيكون فيه

حليب وام العروسة وابوها بيحطو وردة بأيد الروس والعروسة

وبيحطو ايد العروسة والعريس فوق بعض وبيصبو

عليها الحليب وبيكون في تحت ايديهم صحن برضو نحاس وبعدين

الكاهن بيرطن شوي وبيحكي خلي

العرسان يقومو يلفو حولين النار المقدسة وبيربطولهم شالاتهم مع

بعض وبيلفو سبع شواط حولين النار

وبعدين بيئعدو وبيرطن شوي الكاهن بعدين بيحط السندور ع جبين

العروسة اللي هو لونو احمر وبودرا وبيطلعو ع النار المقدسة شوي

لما ينعمي ائمارهم وهيك

تجوزها وبعدين بيئومو بيوخدو بركات الكاهن شو دخلو بالموضوع ما بعرف بس

بيوخدو بركاتو وبيروحو وبيخدو بركات اهليهم وبيروح العريس

بيركب ع الحصان وبتركب العروسة في العربة

اللي بيكون في ناس حاملينها وبيروحو ع بيتهم

وهاي مراسم العرس كلها

(عشان هيك يا شباب منتدانا روحو تجوزو بالهند لانو المهر ع البنت خخخخخخخخ )


وانشالله المرة الجاي راح اجيبلكم مراسم

العروسة لما تسير حامل

وخود حافز (بالهندي مع السلامة )

وتعو لهون بدي ردود هلكت وانا عم بكتب كلو هاد من البرامج

اللي بحضرها عن الهنود لخصتها براسي وكتبتها مو منقول يعني:sho woff::matr ix: