~oO نَظْـــ/ــرَةٌ عَلـَــــىْــآ حَيْــــآةِ العُضـْــــوْ [ الزعيم المدريدي] Oo~

[Pink Rose]

1. أي ساعــة بتستيقــظ أو بتصحى بالعربي من النــوم عــآدةً ؟ طبعا بأيام الإجــآزة وأيــآم الدوآم ؟

ايام الاجازات ما في وقت محدد . . يعني بين الـ 10 و 12 الضهر

ايام الدوام . . كنت اصحى عالـ 6 ونص او 7 الا ربع ^^


2. هـل تجــد وقتــآ لممارسة التمارين الرياضيــة الصبــآحية أو اللي هيي .. يعني بتلعبو ريــآضة بيومكم العادي ولا لأ ؟

انا بمشي كتير . . كل يوم بنمشي حوالي 4 كيلو متر . . هاي هي رياضتي حاليا

ايام المدرسة ما كان في وقت لا لرياضة ولا لاي شي تاني , هلأ متفرغة . . وبقدر اعمل اللي بدي ياه


3.ما هــي الأوقات المناسبة برأيك او اللي انت بتــقوم بالعنــآية بنظافتـك الشخصيــة او شغل الأناقة وهيـك يعني .. ؟

اي وقت اكيد . . وبالنسبة الي لازم اكون انيقة بالبيت طول الوقت بنفس اناقة الطلعات


4. هــل تنام في النهــآر بعد العمــل أو المتيســة اللي لا يرجع أيامها علينــآ أو الجامعــة طبعـــا ؟

زمان ما كانت عندي هاي العادة . . بالتوجيهي صرت انام بالنهار كتير ههههههههههه

هلأ بالعطلة اوقات بنام واوقات لأ . . ازا كنت زهقانة بقضي وقتي بالنوم ^^


5. هلأ ازا بتنام كم ساعة يأخد زلــك من وقتـــك ؟

لما انام بالنهار بنام ساعتين او 3 . .


6. متــى بتفضل مشاهدة التلفـــآز ؟ تلفاز يعني تلفزيون أو T.V ؟

لما ازهق من النت وما في شي اعمله بروح عالتلفزيون ^^


7.أي نوع من البــرآمج بتستهويــك لما تفتــح التلفزيــون ..بتستهويـك يعين بتحضرهــآ ؟

الافلام والمسلسلات السورية :D .. وكمان برامج المسابقات متل برنامج جورج قرداحي القوة العاشرة ^^


8. ما انو كل واحد رح يتورط يعني عندو نــت أو Net .. في أي وقت تدخــل الشبكة العنكبوتيــة عــآدةً؟

اي وقت . . ما الي وقت معين


9. كم من الوقــت بتمضي وانت ع النــت ؟

مرات ساعة . . مرات 5 على حسب والله ^^


10. ما هي أكتر المواقع اللي بتــزورها وانت قاعد ع النت [ مواقع ترفيهية .. تعليمية .. أخبار .. منتديات .. فيس بوك ويوتيووب ومواقع زي هيــك ]؟

المنتدى . . موقع بانيت ( فيه اخبار واشياء حلوة ) متل هيك ^^


11. ع المســنجر .. هــل تخذ محادثات المسنجر الجزء الأكبر من وقتــك ولا العمل اللي داخـل عشانهـ ؟

والله بطلت افتح الماسنجر متل زمان لانه ما بعرف اركز لما احكي مع كزا حدا بنفس الوقت

فلوو دخلت عالمسن بكون اوفلاين وبحكي مع الي بدي ياه بس


12. هلأ للطشــآت والطلعات والنزلات .. في أي وقــت اللي بتفضل فيـه الخروج مع صحــآبك او صاحبــآتك يعني بــره البيت .. أو استقبالهــم جوات البيــت أو زيارة حدا من قرايبــك ؟

ممممم المسا . . بعد الـ 5 احلى شي ^^

اما الطلعات والطشات بحب تكون من اول النهار لاخر النهار


13. شو هو الوقــت المفضل للجلوس مع العيلــة ؟ ولا ما في وقت محدد ؟

برده ما في وقت محدد . . وقت الغدا ممكن


14. هل تصلــي الصلاة المفروضــة عــآدة بعد الأدان مباشرة ؟ بعدو بشويــة .. ولا قبل الأدان التاني ؟ ولا ما بتصلي بالمــرة ؟

الحمد لله بصلي . . بعد ما يأدن بشوي واوقات بعده ع طول . .


15. ما هو الوقـت المناسب لتناول طعام الغــدآ والفطــور والعشــآ ؟

انا باكل بس وجبتين باليوم . . واحنا هون بالبيت ما النا وقت محدد بالاكل

يعني اوقات بنفطر عالـ 2 وبنتغدى عالـ 7 هههههههههه عادي يعني ^^


16. هــل تجد وقتــآ لقرآة الكتــب أو المجلات المفيــدة أو المش مفيــدة ؟

قليل كتير بحب اقرا من النت اكتر ^^


17. ما هو الوقـت المناسب لزآلــك ؟

ما في وقت معين . .


18. متــى آخر مرة قرأت فيهــآ كتاب اللهـ [ القرآن الكريــم ] وشو هيي الأوقات اللي بتفضل تقرأ فيهــآ قرآن ؟

امبارح . . اي وقت بقدر اقرأ فيه بقرأ . .


19. هل تعــآني من أوقات فرآغ في يــومك ؟

هالايام صايرة احس بهالشي


20. كيف يمكنك مواجهـة الملل ازا ما كان في اشي يشغل وقتــك ؟؟

النت . . التلفزيون . . او بطلع امشي


21. في أيــآم الدراسة ... ما هو الوقت المفضل للدراســة؟

المسا . . بس مو بالليل . . بالنهار بلتهي كتير ما بعرف ادرس

ما تزكروني بهالايام :@


22. هل ترى يومك مثاليا ... ام تحاول التغيير فيـه وشو هيي التغييرات اللي بتتمنى اتسير فيــه؟

لا مو مثالي . . حابه يكون لكل شي وقته المحدد

واضيف شغلات جديدة اتسلى فيها . .


23. هل انت ممن لديهم سلم اولويات بحياتهم .. يني كل شغلة حسب اهميتها ولا إهمال × إهماال ؟

مممم عندي اولويات . . بس اوقات ما بتحمل اضل منتظمة فيها

فبروح للاهمال شووي ههههههه بعدين برجع بنتظم من جديد ^^


24. آخر سؤآل ..بــأي ساعة بتنام بأيام العطلة وأي ساعة بتصحى ؟

ما الي وقت معين . . بس غالبا بعد الـ 2 واوقات كتيرة بضل للفجر

وبصحى متل ما قولت بأول سؤال بين الـ 10 و 12 الضهر ^^