| الإهداءات |
|
|||||||
|
|
أدوات الموضوع | انواع عرض الموضوع |
07-02-2009, 12:05 AM
|
#1 | ||
|
I ♥ PALESTINE
قوة السمعة: 81
 |
|| رواعي الدلـع مـع مس ميـمي ||
 السلام عليكم ورحمة الله وبركاته علوا السماعـاااااات حنبـدأ اليـوم نحكيلكم عن بعـض تجـارب مس ميمي في التدريس والعمـل النبيـل هذا طبعـا الكل بعرف إنـو مس ميمي بتـدرس ماث وسيانس ( يعني رياضيات وعلوم ) بالإضافة للتدريس بالمدرسه ،، كانت مس ميمي تـدرس ولاد زغار أمامير حلوين بس ( شيـاطين  ) همي ولدين وبنت  ~ إماراتيين ~اشتهـروا بأغنيـة دايمـا بغنـوها بس يروحوا عند ميمي وهيي أغنيـة راعي الدلـع   رآعي الدَلع ترف الصِبآ .. يَهل الهُوى لي شطّ بي فاقْ بحَلى فوق المَلا .. غِيره فلا مآ يازلي أگن لَه گِل الغَلا .. و أنآ لِه گِلي بأگملّي صاطي ودآدِه بالحَشا .. و غيره حَشى مآ زانِـلي عشان هيك منسميهم رواعي الدلـع خلينـا نستعرض صورهم بالأحرى كاريكاتير عن كل واحد فيهم  راعي الدلـع الأول : ناصر هاد الوسط فيهم رايح عالصف الخامس ،، بحب كل أنواع المصارعة والدفاشة الموجودة بالدنيـا  شقي لدرجة الجنـون ،، ومطلع قرون أهله  مس ميمي عرفت تسايس هالولد وتفهم طبيعة تفكيره وبالتالي الحمدلله النتيجة كانت تحسن مفاجئ في الأداء المدرسي لإنو خلت ناصر يحب القراءة وصار يملي أخوه الصغير كلمات الإملاء وبالتالي بحس حالو كبيـر وبحس حالو فهيم زمانو بالعربي وإنو بقدر ينجز معروف بكلمة ( حبتيــن  ) راعي الدلـع التـاني : ميـرا أكبر وحده فيهم ورايحه عالسابع نابغة باللغة العربية ونابعة بالكذب  من شدة ما خيالها واسع بتحكي أشياء شي صار وشي ما صار ومس ميمي كشفتها على حقيقتها وصارت تضل تساير فيها وتوخدها على قد عقلها بس ما شاء الله عليها يعني ،، هيي شاطره ومجتهده غيـر عن أخـوانها وفازت بمسابقة في قراءة 100 قصة قصيرة .. معروفه بكلمة ( أبلة أبلة ) قد ما بتنـادي راعي الدلـع التـالت والأصغـر : راشد هاد الولد كتييير بحبو أنا ،، رايح عالصف التاني  فسفووووس وعيونه كحيله وبستحي كتير من أي حد غريب بالأخص إزا كان بنت بتلاقيه صار في زاويه وساكت وعيونه في الأرض كتير شاطر وذكي ،، ولما يقـرأ إشي بالإنجليزي بتحس حالك بتسمع لغة أخرى من هذا الزمان معروف بابتسامته اللامعة وعيـونه البراقة هـلا بدي أحكي عن مواقف بعض منهم زي ما حكيت إنـو ميـرا بتكـزب كتيـر هههههههههههههههه وآخر كزبه كانت إلها لما بعتت لميمي عالمسنجر كلام شعر وحكتلها هاد من تأليفي لك وهذه هي الدلائل ،، بهداك اليوم ضلت ميمي تعملي كوبي بيست على كلامها هههههههههههههههه ومرة راشد الزغيـر حلم إنـو أمـو لابسه سوبر مان يمكن قد ما حضر رسوم ليلتها أو لعب بلي ستيشن منضل نضحك كل ما نتزكر هالقصة وآخـر نـوادر نـاصر ،، مرة رحنـا عالعين مول ميمي وأنا ورواعي الدلع ،، ع صالة الألعاب ،، اسمها الأكشن زون وفي لعبة بالأكشن زون ،، متل حبـال بلفوها حوالين الولد وبعدين بصيروا يرفعوا وينزلوا فيه بالهواء الطلق طبعا لما ناصر لعبها ،، ضل نص ساعة يحكيلي احكي للعامله ما ترفعني فوق كتير وأنا طمنتو إنو حتكون اللعبه آمنه ويسيره ههههههههههههههههههه ولما إجا دوره بعد راشد ،، ركب وبلش يطلع فوق ،، وصار وجهه أصفر من الرعبه ما كمل العشر دقايق وحكا بدي أنـزززززززززززل  بس طبعا كان خايف كتير بس خوف مع كرامه ههههههههههههههههه الولد ما بتهون عليه كرامته تصـورنـا كم صـورة بالعيـن مـول يومـها  وكنـا قبـل العين مـول رايحيـن ع ماكدونالد ،، والناس تتفرج فينـا إنو كيف بنتيـن وافدات ،، معهم تلت أنفـار أطفـال إمـاراتيين عنـا كلمة وافد يعني إنـو مش إماراتي ،، أي جنسيه غيـر الإمارات  ورواعي الدلع ما قصـروا هنـاك ،، كل شوي ينـادوا ميمي ،، أبلة أبلة والناس تتفـرج   وختاما أعزائي المستمعين والمشاهدين ،، رواعي الدلع ،، لما يحبـو واحد بحبـوه بإخـلاص هههههههههههههههه عشان هيك تعلقـوا بميمي كتيـر  وأنا كنت كل فتره وفتره ألتقي فيهم عند ميمي وأدرس واحد فيهم ... بس برضو حبيتهم ،، إن شاء الله تكونوا استمتعتـوا بهالقصـة الروعة خـالص والجميلـة مالص .. على أمل اللقـاء بكم في رحلة جديدة وحكـاية فريـدة  والسلام عليكم ورحمة الله وبركاته |
||
|
|||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري