حوار بين طالبين في قاعة الامتحان

[الكحلاوية]

السلام عليكم ورحمة الله وبركاته ~
بمان الاختبارات بكرة جبت لكم موضوع عنه
وبالتوفيق للجميع



الموضوع حوار بين خالد وولد عمه النذل عبدالله الملقب بـ((بو فيصل))


وهم داخلين قاعة الإمتحان


خالد : بو فيصل .... بو فيصل ... بسسسسس .. هييييييه ..!!



بو فيصل : هاااه وش تبي بسرعة وجع ؟


خالد : جواب السؤال الرابع بسرعه بسرعه .. قبل مايشوفنا أحد!!!


بوفيصل : حراااام ؟!


خالد : وش الحرام أنت ووجهك .. أقول بلا نذاله ياورع!!


بوفيصل : حرااام؟!


خالد : يابن ال... انا ماني مغششك أمس يالنذل!! تكفى قول لي


بو فيصل : حرااااااااااااااااااااااا ااام!!!!


خالد : حرام هاه؟! طيب والله لاطب فيك يالنذل



بعدها بربع ساعة


خالد : بوفيصل .....<<< باقي ماتاب


بو فييييييصل:؟؟؟؟؟؟؟؟؟



خالد : السؤال السادس؟


بوفيصل : ( من غشنا فليس منا)


خالد : لا والله !!! <<< باقي شوي ويبكي


خالد : ياورع تكفى ترى تكفى تهز الرجاجيل .... إما إنت صحيح وسخ


بو فيصل : ( من غشششششنا فليس منا) !!! <<< يقولها بكل برود


خالد : علي الطلاق اني بأجيب فيك العيد .. بس خلنا نطلع << ارتفع ضغطه


بوفيصل : ياخي أنت ما تفهم من غشنا فليس منا... <<< العن ابو النذاله اللي زي كذا





بعد إنتهاء الامتحان

................................... ....



خالد : تعال هنا أبي العن خامسك تعال يالوسخ



بوفيصل : هلا أي خدمة ..؟؟ <<< ياويله ياسواد ليله


خالد : أي خدمة هاه؟! تستهبل أنت ووجهك .. وش هالحركة يالل...!!!


بوفيصل : يالدلخ السؤال الرابع أذكر الحكم الشرعي ... الجواب حرام


والسؤال السادس حق الأدله ...الدليل ( من غشنا فليس منا )



انت نسيت انه امتحان دين