فلسطين

[حمساوية غزة]

الجنة هى بلادنا
و جهنم هى حدودنا
اللى يخطيها
راح يهلك فيها
و يدوق الموت على إيدنا


اليوم ده بعده مفيش
غير مجد و عز و حرية
لو متنا ولادنا تعيش
و نعيش فى الأجيال الجاية


ح نعيش و نشوف فلسطين سعيدة نعيش و نشوف دنيا جديدة
و كفاحنا يكون بكره قصيدة توصف أيام ثورة مجيدة


يا شباب اليوم ده كفاح
اتسلح و امشى ويانا
و إن كان ما معاكش سلاح
قاتل بإيديك العريانة


دافع عن شمس الحرية عن شرف الراية الفلسطينية
و شعوب الأمة العربية انت و هىّ وحدة قوية


فليحيا كفاح الشعب
فليحيا كفاح الفلسطينيين
موت يا استعمار بالرعب
الشعب بيزحف بالملايين


الشعب الثاير أهو جالك تلاقيه فى يمينك و شمالك
يقطع لك كل حبالك و بفاسه بيهد آمالك