طلب تصميم عاجل : )

[ابنة الشتات]

السلام عليكم ..

يعطيكم العافية جميعاً ..

أول شي رح أشرع الوضع بعدين بطلب الطلب

أنا طالبة بجامعة البحرين ..

والجامعة بتعمل إشي جداً بديع كل سنة ..

اسمو مهرجان الجاليات ..

كل مجموعة من الطلاب بمثلو بهاليومين المضومون الثقافي لبلدهم ..

وبطبيعة الحال كل جالية بتعمل إعلان إنو رح تكون مشتركة بهالفعالية ..

السنة الجالية الفلسطينية والجالية اللبنانية انحطو بجناح واحد بالمهرجان ..

وعشان أدخل بالموضوع .. الجماعة عملوا إعلان !!

بس شو إعلان ما قدر أوصفه إلا إنو بيقلب المعدة !! ! !!!!

وفوق هاد إدارة الجامعة ما وافقت عليه لأن أساسا مش معبر عن ثقافة لا فلسطين ولا لبنان!!

وعشان ما تحكو إني عم ببالغ بوصف الاعلان الي انعمل هو عبارة عن قلب حب جواته ألوان العلم الفلسطيني ومحل اللون الأبيض حاطين الأرزة الي موجودة بعلم لبنان !! وحوالينه كلو دم !! والكلام الي محطوط كلو تحتيه خطوط "" متل هيك "" مش إبداعي أبداً .. !!

والمهرجان قرب ب 29-4-2009

والطلب أكيد فهمتو .. بدي من بعد إذنكم شي مصمم مبدع يعمللنا إعلان جداً بسيط : )

بقترح انو يكون فيه صورة للمسجد الأقصى وصورة للشجرة الأرز ..

أو أي شي غيرهم بينفع يعبر عن ثقافة فلسطينية لبنانية ..


وبتعرفو متل ما هي بروتوكولات الإعلانات لازم ينحط التالي عالزواية اليمين من فوق ..

شعار جامعة البحرين



وجمبيه ..

جامعة البحرين
عمادة شؤون الطلبة
دائرة الأنشطة الطلابية
شعبة الأنشطة الإجتماعية والثقافية


وكمان إزا بتتكرمو ينحط هالجملتين بمحل مناسب حسب التصميم ..


مهرجان الجاليات السادس

يسر الجالية الفلسطينية واللبنانية بجامعة البحرين
دعوة الطلبة للمشاركة في مهرجان الجاليات
(جناح الجالية الفلسطينية واللبنانية)


خلص الطلب

الله يعطيكم العافية : )

وأنا على ثقة إني مش رح أرجع من عندكم صفر اليدين