هل أنت حافظ لكتاب الله؟؟؟؟

[أمل]

المشاركة الأصلية كتبت بواسطة :: محمد :: مو بإيدي والله ما عندي وقت الدنيا ماخدة وقتي كله بالشغل وبكل شي بخطر ع بالك ،،

من اول ما تركت القران حياتي صارت ملخبطة فوق لتحت ما باعرف شلون عايش !!

وين ايام زمان كنت باليوم اخلص جزء طبعا نظري الان من السنة للسنة لحتى امسك القرآن ،،

ما باعرف حاولت وحاولت اني ارجع متل اول بس ما في كل يوم بحكي بكرة رايح اقراء بيجي بكرة وبحكي

خليها كمان لبكرة وهيك والايام بتمشي !!

بيني وبينك مليت من الحياة كلها الي انا عايش فيها وحاسس انو يومي قريب !

سامحينا لاني طلعت عن الموضوع امل ،،

ولا تنسينا من دعائك خيتو ،،

تحياتي الك ،،

خيو محمد انت ما طلعت ع الموضوع و لاشي نحنا أصلا حاطين الموضوع ليش

بدنا نشوف الصعوبات و المشاكل الي عم تعترض كل واحد و ان شالله نقترح حلول الي الكل بيستفيد منها

أرجع لحكيك..

هون المشكلة أخي لما بتحكي انو الدنيا واخدة كل وقتك شو هي الدنيا اصلا ...

أكيد انو الشغل ضروريو مهم بس مو لا زم يجي عحساب دينك

يعني انت لو مو كان عندك و قت لتحفظ بس هاد مو مبرر يخليك تهجرو عطول..أقل شي لازم يكون عند ورد يومي...

ولو كان الامر هيك سدئني و الله ربنا راح يفتحها عليك

بس المشكلة هي التأجيل..بكرة بسوي بكرة...وانت حكيت كيف صارت حياتك مع التأجيل..

أخي هاد هو طول الامل..

نحناما بدنا نعيش لدنيا بس الاثنين معا و ما بدنا ينطبق علينا قوله عز و جل:[ ذرهم يأكلوا و يتمتعوا و يلهيهم الأمل فسوف يعلمون ]

انت لازم تحاول..جرب مرة و اثنين و ثلات..بس لا تيأس و ربنا ما بيتخلى عن حدا بس النية تكون صادقة..

يعني انت مثلا لما تفرغ من الصلاة حاول انك تقرأ ولو صفحة و بهيك بتتعود وان شالله ربنا يسرلك..

أسأل الله ان يهدينا جميعا و أن يوفقك أخي الى مايحبه و يرضاه