أنتا احد هؤلاء الأربعة - أهم خطوات النجاح ان تعرف نفسك

[Palestinian Edison]

بســــــــم الله الـــرحمـــــــــن الرحيــــــــم

مرحبا و هلا و سهلا فيكم

فرأت موضوع من فترة على موقع و كان باللغة الانجليزية فحبيت اضعه هون لاهميته

الموضوع بيتحدث عن كيفية معرفتك لنوع شخصيتك لانه اساس النجاح انك تعرف نفسك و تستطيف التعرف على طريقة تفكير غيرك حتى تكسب ثقتهم - تفهمهم - اهتمامهم

حابب الخص الموضوع بلغة عامية عربية سهلة مع العلم انه الموضوع مكتوب باللغة الانجليزية و رح استخدم مصطلحات ما لقيت الها تفسير عربي احيانا اعذروني ....

قسم العلماء النفسيين الشخصية لاكتر من نوع تقسيم لكن يعتبر اشملهم و اقربهم للدقة التقسيم اللي يسمى four tempartments و هو مبني على تقسيم الشخصيات لابع انواع - اقرأهم منيح عشان تعرف مين انتا فيهم :

1 ) Choleric : الشخصية القيادية - هذا الشخص عنده حب القيادة و توجيه الأرشادات و الأوامر - طبعا ممكن يكون سلبي او ايجابي لكن بشكل عام هذا الأنسان بيعتبر انه صاحب القرارات السريعة و انجاز العمل بدقة في وقته - يعني انسان عنده صفات السيطرة و التحكم و هاي مش موجودة في كل الناس -

عادة هدا الشخص بوجه طاقته باتجاه الآخرين - كيف يعني - يعني كل انسان بمتكل طاقة كامنه داخله و بحاول بطريقة او اخرى انه يفرغ هذه الطاقه - هدول الناس Choleric بجدوا طريقة تفريغ الطاقة بالاخرين
عادة بكونوا ناس اجتماعيين و مرحين و معظم الوقت بكونوا اداريين ناجحين و قواد عظام - بميلوا لدراسة أدارة الأعمال أو التجارة لكونهم عمليين و منجزين بارعين

2 ) Sanguine : هاي الكلمة يونانية و معناها الصيف - يعني هدول الناس شغل كيف - اجتماعيين كتير - كتيرين حكي و قصص و فلانة و علانة - بحبوا يحكوا كتير و بضلوا ينطوا من موضوع لموضوع - بحبوا كل شي جديد و بكرهوا الروتين - بحبوا الحفلات و تغيير الجو - بكرهوا الوحدة و العزلة - صحابهم كتار و مرحين و الناس عادة بتحبهم - عندهم هواية جمع الأصدقاء و الرحلات

بهتموا كتير بالمظهر العام - يعني بحبوا يكونوا مرتبين بلبسهم و منظرهم ( مش الكل ) - بحبوا التفاؤل و الأمل - عادة بميلوا لتوجهات فنية و غنائية و رسم و سياحة - طبعا مش الكل لكن معظمهم عندهم هوايات فنية -

3 ) Phlegmatic : هدول يعتعبروا نقيض ال sanguine بمثلوا فصل الشتاء لانهم ( باردين ) - يعني ما في شي عندهم اسمه ضروري او امر طاريء - كسولين و محافظين - غير اجتماعيين و بحبوا العزلة و الوحدة و بجدوا فيها لذة - مستمعين جيدين و ما بحكوا كتير - عادة بكونوا مهملين باعمالهم و منظرهم

يعتبر 60 % من عامة الناس phlegmatic و هم ناس بحبوا يمشوا زي مالناس ماشية يعني ( خليها على البركة ) - ما بحبوا كتير العلاقات و الصداقات الكتيرة - بحيطوا نفسهم بهالة ممنوع الأقتراب منها و بعتبروها ( خصوصيات محرمة ) بحبوا القراءة و الكمبيوتر كتير - اصدقائهم قليلين و عادة خيالهم بكون واسع فبكونوا صداقات وهمية في القصص اللي بقرأوها او ألعاب الكمبيوتر او هيك شي - بحبوا العالم الأفتراضي و بعيشوا بخيالهم كتيييييييييييير

هدول الناس بعكس ال choleric و ال sanguine بفرغوا طاقتهم بنفسهم - يعني بعتبروا نفسهم مصدر الطاقة - يعني الطاقة عندهم ما بتطلع لبره - بالعكس الطاقة بتدخل لنفسهم من غيرهم و من اللي بيقرأوه و بعيشوه أو حتى اللي بيحلموا فيه - و هدا بالنسبة الهم مكمن الأستقرار و الهدوء

4) melachony : اخطر الشخصيات و اكثرها غموض - يعتبر معظم العلماء و الفلاسفة من هذا النوع لانهم اشخاص مبدعين مبتكرين - اهم اللي بميزهم انهم بهتموا بالتفاصيل الدقيقة و بحبوا يربطوا كل شي بارتباط منطقي او زمني او حتى حسابي - بهتموا بحل اي مشكلة باتباع خطة و التفاصيل الدقيقة

لبسهم انيق عادة و بهتموا بتفاصيل دقيقة جدا - عادة بكونوا موسوسين - خدومين و بحبوا العمل - مش كتير اجتماعيين و ما بحكوا كتير بس مش عايشين بعزلة متل ال phlegmatics - مع انهم بحبوا التأمل و الوحدة - بيحيطهم غموض كتير احيانا و غير مقبولين اجتماعيا بسبب غموضهم الغير مفهوم - مفكرين اذكياء و لماحين و عندهم قدرة على التعامل مع المشاكل بس بعكس ال chleric ما بقدروا يحلوا اكتر من مشكلة بنفس الوقت - لازم ياخدوا وقت و يفكروا و يدرسوا قبل اي قرار

-----------------

لازم تعرفوا انه ما في شخصية من اللي ذكرتهم منيحة و شخصية لأ - اي شخصية مذكورة ممكن تكون منيحة و ممكن تكون غير هيك حسب الشخص نفسه و حسب البيئة اللي اتربى فيها

و مش كل الصفات المذكورة بتنطبق بشكل كامل - مرات بعض الصفات بتنطبق على البعض و بعضها لأ

و أهم شي لازم تعرفوه انه الناس عادة بكونوا نوعين مع بعض - يعني مثلا chleric - mecholony

أو sanguine - choleric

بس مستحيل مثلا يكون واحد phelgmatic - sangunie لانهم نقيضين


و شكرا على حسن استماعكم انا طولت عليكم لا