بدي جواب للاهمية

[اجمل احساس]

السلام عليكم ورحمة الله وبركاته

كيف حالكم راح ابدى ع طول

اليوم راح اطلع عن نطاق العنصريه بما يخص الشعب الفلسطيني في الداخل او الخارج وراح اطلع لدولة واهل

العراق زي ما الكل بعرف انه العراق احتلت ونهبت من امريكا والشيعه كما احتلت ونهبت فلسطين من اليهود

ومن الخونه الي ساعدوا باغتصابها

وانه الشعب العراقي اتهجر واترحل من بلادوا زينا تماما

اليوم صار هادا الجدال بيني وبين وحدة من البنات

بتحكيلي انا بكره العراقيين كره العمى حكيتلها ليش ؟

صارت تحكيلي بعد ما اجو ع الاردن الاسعار صارت نار وصارلنا سنتين

مش حاطيين ولا طوبه زياده بالبيت الي بنبنيه حكيتلها وشو دخلهم هم ببيتك

حكتلي مهم الي اخدو وتملكو وصارت اسعار البيوت والشقق والاسمنت زي النار بالاردن حكيتلها طيب ما ا

نتي زيك زيهم هم انطردوا من بلادهم زي ما انا وانتي وغيرنا الي تهجرو من فلسطين وزي ما ان بدور ع بيت

يكون فيه استقرارك مؤقتا لبين ما ترجعي فلسطين ان شالله هم كمان ولا بدك اياهم يضلوا بالشوارع عشان

تسكني ببيتكم وترتاحي وغيرك الله لا يرده الا بتحكيلي طب وهم شو جابهم عنا حكيتلها هلأ صارو عنا

ماقبل شوي كنتي تحكي الاردنيه محملينا جميله انه احنا ببلادهم وهلأ بتحكيلي العراقيين عنا ماكانتش

بلادك من شوي حكتلي والحل حكيتلها الحل انك بعد اليوم ما تعتبي ولا ع واحد بعاملك معاملة المهجر

اللاجئ ما دام انتي لمجرد انك حسيتي انه غيرك ح يأخر بنى بيتكم شوي صرتي تنظري اله نفس النظره

وبعدين اذا احنا الي شربنا نفس الكاس الي شربو ما حسينا فيهم وقدرناهم مين بدو يحس فيهم

ولهيك قلبت الموضوع تماما وصارت تحكي بشغله بعيييييييده عن القصه الي فوق وانا مشيت معها بالموضوع

الجديد عادي

هلأ

شو رأيكم بموقفها ؟

وبعد ما شفتوا انه في نفسيات هيك هل بحقلنا انه نعتب ع أي واحد بعاملنا نفس المعامله؟

وليش كل شعب بتهجر هيك بتعامل كأنه مش العرب الي تأمرو لحد ما طلعونا احنا وغيرنا ؟

وليش ما بنحب انه نتعامل بعنصريه بينما احنا نعامل بعنصريه عادي؟

واسفة ع الاطاله