فضائية الاقصى وفضائية فلسطين

[نداء الوطن]

بسم الله الرحمن الرحيم

اخواني اعضاء المنتدى
عندي موضوع نفسي من زمان افتحه للنقاش ولعل وعسى نقدر نوصل لحل معين
وحبيت اطرحه عليكم بهذا المنتدى بالذات لانه بجمع اعضاء من كل فلسطين
سواء بالضفه او غزة

ندخل بالموضوع

بنعرف انه الاعلام هو اللي بوصل ما يجري عنا بفلسطين للعالم باسره
واحنا عنا بفلسطين فضائيتين

فضائيه فلسطين وفضائيه الاقصى

وكل فضائيه تتبع لحركه معينه
ومن خلال شريط الاخبار هناك مسميين برايي الخاص جدا انه من الافضل نستغني عنهم بالاخبار
وهي
عصابات عباس وفياض
ومليشيات حماس

لانه احنا بالنهايه بنضل اخوة
وكثير مواقف بتدل على هالشي
ومهما طال الحصار اكيد راح نرجع مثل ما كنا اخوة بالدين والوطنيه
وكمان اللي بصير بغزة موجود عنا بالضفه
يعني المحتل ما بقاتل بغزة وبس
العدو بقاتل كل شبر بفلسطين

ليش ما نكون احنا اكثر تماسك ونطالب بحذف هالمسميات من وسائل الاعلام
ونحاول نوصل قضيتنا للعالم واحنا يد وحدة
اهل الضفه قلوبهم مع غزة ولو بطلع بايدنا نعمل شي اكيد ما بنقصر لانه احنا بشر واحنا قبل كل شي فلسطينيين
بتمنى القى صدى لرايكم بالموضوع
وبدي تفاعلكم باول موضوع بطرحه بالمنتدى