هل يحق لك اهانة رئيسك

[روان فلسطين]

بالنسبه لاختي دموع
انتي يا عمري كنتي ماشيه معي بالاول ع الخط وكنتي تحكي كلام مدوزن بس للاسف صرت احس شوي تناقض بكلامك
شوفي اوضح الك الصوره تمام التمام

اول شي انا حمساويه لاخر نفس بحياتي
ليه :انا انسانه لا يربطني اي شي بفلسطين الا حبي الها يعني جنسيتي اردنيه حياتي كلها بالاردن وفلسطين انا حتى مو لاجئه ولا اي شي رسمي بيثبت اني فلسطينيه مع ذلك حبي لفلسطين وانتمائي الها ولا يمكن يقاس ولا حتى بالخيال
وانا شخصيا بشوف انو الوحدين يلي بدافعو عن حق عودتي وحق عوده بلادي الغاليه يلي انا محرومه من شوفتها همه حماس
افكارهم معتقداتهم نهجهم وكل شي فيهم ع الاسلام الصح كلهم خريجي مساجد وقلوبهم متعلقه بالله ولا يمكن يرضو انو حقهم يروح يعني حقهم بدهم يجيبوه من تم الاسد حتى لو كانو مستضعفين نوعا ما بانو كل العالم محاربهم وواقف ضدهم
مع ذلك انا ما بكره حماس لاني ما بنسى انو ابو عمار كان منها ع ايامو كان الواحد لما يحكي انا فلسطيني يهز الارض هلأ الله يعين ع حالنا وكمان تارخ جهادها الطويل
لكن الان في ناس ربي ينتقم منهم ر انتقام ويجعلهم عبره لكل معتبر قررو وبأوامر اعلى منهم بكتيييير انو خلص بدنا نشوه سمعه فتح ونحرض الاخ ضد اخوه ونسيهم تاريخهم بالكفاح
لذلك انا مش ضد فتح لكن اكيد ضد سياسات معينه او خليني احكي منهج معين بيسير عليه بعض يلي نسو كيف بكون الفتحاوي الفلسطيني
وهاد لا يعني انو ممكن بيوم من الايام انتمي لحد غير حماس ربي ينصرهم ويسدد خطاهم مشان يدافعو عن طهر هالارض وحقوق هالشعب المسكين
اتمنى تكون وصلتك الصوره بكل ابعادها
تحياتي