موضوع بهمنا احنا المسلمين كتييييييير... للمناقشه

[&نسيم الروح&]

بسم الله الرحمن الرحيم

تاني شي كيفكم وشو عاملين؟؟

وكل عام وانتوا بالف الف خير يا رب وينعاد عليكم بالصحه والعافيه

وهلا بدي ادخل بالموضوع بسرعه بس بتمنى انه الكل يتناقش في كانه موضوع مهم جدا بالنسبه للمسلمين

وبتمنى كمان انه ما ينلغى ولا يتسكر لانه بجد مهم وما عمري شفت حد اطرقله بالمره بالمره لهيك حبيت احكي في

وبعد هيك بطلب من الكل يدخلوا يناقشوا الموضوع وما يحكوا بغير الموضوع وما يكون في دردشه بالمره لانه موضوع مهم والله

وهلا رح ابدا في والي هو ايه بالقران الكريم طبعا احنا ما رح نحلل ونستنتج على كيفنا بس في سبب عندي ورح تعرفوا

وهي الايه والمناقشه على كلمه اللمم

قوله تعالى : ( الَّذِينَ يَجْتَنِبُونَ كَبَائِرَ الإِثْمِ وَالْفَوَاحِشَ إِلا اللَّمَمَ إِنَّ رَبَّكَ وَاسِعُ الْمَغْفِرَةِ ) النجم/32

بعد ما قراتوا الايه منيح واكيد الكل بعرفها لانه اكيد قرأ السوره كتير وطبعا اختلف العلماء على هادي الكلمه ومعناها لانه الباقي معرف يعني الكبائر معروفه للكل

بس هادي الكلمه اجتهد فيها العلماء وفي علماء فسروا الكلمه على هواهم وهوا اهلهم وهاد الي بجلط لانه حرام عليهم يعملوا هيك بالشباب المسلمين بانه يفسروا هيك

العلماء بيحكوا انه اللمم هو عباره عن الصغائر وهاد متفقين عليه الكل هادي طبعا صح ومو غلط بس كمان الصغائر ازا زادت عن حدها والواحد اصر عليها بتسير كبائر طبعا وهاد معرووووووووووف

بس لما يجوا يحكوا انه التقبيل واللمس المحرام والزنا اول مره حلال وطبعا السرقه حرام بس الاولى لمم وحلال يعني كل شي دون الحد حلال والمفكر الاسلام جمال البنا حلل القبله واللمسه لانه حكى الاهل بصعبوا على الشباب الزواج وحكى انه كل شي حلال ما دون الحد

يعني لو مشى الشب بالشارع لمس هادي وباس هادي وابسر شو سوى لهادي يعني وين الحلال ازا كانت النضر الاولى لك والتانيه عليك اي زنا

يعني شو ضل للمسلمين يعملوا؟؟

انا شفت هاد اللقاء على احد المواقع وما كتفيت رحت قرات عن الموضوع بشكل عشان اعرف شو احكي والله انه انجلطت والمصيبه انه بحكي انه القرطبي وابن الكثير هما الي حللوا هاد الشي

الي اصلا القران بامان تانيه حرمها ومو هون المصيبه الغبي الي نقل عنه كلامه حكى انه الزنا حلال وكل شي حلال يعني شو ضل للشباب الجاهل انه يعمل صحيح في غلا بس في حديت بحكي بما معناه انه الي ما بستطيع يتزوج يصوم

هو رد على هاد الحديت كمان حكى يعني شو يروحوا الشباب يصوموا 5 سنين ولا 10 ولا 15

it's not fair بجد حرام يعملوا هيك بالشباب ليش يصوم ازا بيئدر يبوس ويلمس ويزني اول مره مهو مو حرام على كلامه

يخرب بيته من حاله والله يتولى في بجد لازم ينترك الدين لاهل الدين والقران لاهل القران اصدي الاعلم في وبتفسيره

بجد حرام لما شب او بنت يوقع بالحرام عشان هاد الاستاز الي بدعي انه مفكر اسلامي حلله يا ويله من الله شوفوا كم واحد قرا الفتوى ونقلها وفلان عمل فيها وفلان سوى فيها

لا والانكى من هيك انه مصر انها من علماء مسلمين معروفين انا يمكن ما قرات بتفاسرهم بس ما اعتقد ولا كان اعترض عليها من زمان

بعدين هلا الدين من اكتر من 1400 سنه موجود ليش ما اطرقوا للموضوع وحلله الرسول -صلى الله عليه وسلم- بدل ما كان امرهم بالصيام ومتعبهم

وقرات كمان شي حصل باحد دول الخليج العربي مو مدكور اي دوله المهم انه بعد هادي الفتوى وغيرها من الفتاوى المشابهه صاروا الشباب يعترضوا البنات ويلمسوهم والله اعلم شو كمان بحجه انه هاد حلال لانه ما حصل اكتر من هيك

وعلى ايش هيك

وهلا رح نفتح باب النقاش بالموضوع ويا ريت الكل يشارك وكمان يا ريت انه ما يتسكر ولا ينلغى لحد ما نجمع اكبر عدد من االاراء

اقول قولي هدا واستغفر الله لي ولكم