.:.مــ ع ألـ ح ـان أطيب.:.الـــحـلــ+1+ــقة.:.

[الحان الحرية]

...{ الـ س ــلام ع ـليكم و رحـمهـ اللهـ و بركــاتهـ

كيكفن صبايا ؟!

شو الاخبار ؟



نقدم لكم الحلقة الاولى من برنامج مع الحان اطيب







امبارح اجا ع بالي افوت ع المطبخ صارلي سنة ما شفتو

و بعدين صابني الكسل

بس لازم اكون عند كلمتي

حكيت بدي اجرب شي سهل وخفيف و لطيف

فـ قررت اخبص شوي و اعمل شي حلو








و هو

كرات جوز الهند ..

المكونات ...






مكونات اساسية :-

1-جوز هند

2- حليب مكثف محلى







مكونات ثانوية :-

1- شوكولاته "بودرة"

2-نكهات حسب الرغبة "فانيلا - فرولا - ورد - الخ "

3-نسكافيه

4- شوكولاته سندويشات يلي هي نوتيلا او ما شابهها ,,,

5- كفات اذا اظافرك طوال







طريقة التحضير

هل بدنا نعمل الاورجينال :P


أول شي بنحط جوز هند و حليب مكثف محلى

ما بعرف المقادير

بستخدم حدسي المطبخي


بحط اول شي كمية جوز هند و بحط فوقها شوية حليب و بظل اضيف و اعجنها شوي شوي لحد ما تصير زي العجينة يعني بتتشكل

هيك يعني







بعدين بنكورها

و خلي الكرات نفس الحجم تقريبا ً

هون فات اخوي ع المطبخ و لزق عندي


كملت انا


و بنحطها في صحن فيو شوية جوز هند و بنرش فوقها جوزهند يعني باختصار بنغلفها بجوز الهند




هاي طريقة الاوريجينال :P









طريقة الشوكولاته

بنحط جوز الهند و الحليب و بنحط فوقهم بودرة الشوكولاته




و نفس الشي بنكورهم بشكل متساوي و بنغلفهم بجوز الهند





و هلأ صار يتزانخ


بيني و بينكم ما بحب حدا يكون معي و انا بشتغل

بحب آخد راحتي بالانشاد











طريقة الفانيلا و النسكافيه




بنحط الفانيلا و الجوز هند و الحليب و ما بنكتر فانيلا و شوية نيسكافية

و بنعمل نفس الطريقة ...

راح يطلع لونه بيجنن هالمرة :)

و بهاللحظة الحرجة صار اخوي يتهبل و زودها كتير يعني

لأنه حضرتي اول شي حطيت بس فانيلا بعدين اجا بمخي احط نسكافيه بالمرة

فصار يعيب علي

و انا استخدمت اسلوب حضاري غير الضرب و الطرد

رحت اعيط لأمي

استخدمت هالاسلوب عدة مرات خلال هالنص ساعة

امي عصبت عليه و خلته يطلع برا المطبخ

و صفي الجو








و هلأ التزيين

بنجيب الشوكولاته "النوتيلا"

و بنحطها ع النار

بس ظلك حركيها عشان ما تنحرق

لأني حرقتها ههههههههه










و بنجيب صحن حلو

و بالمعلقة بنحط الشوكولاته بشكل عشوائي





و شوي شوي بنحط الكور و بنحط فوقهم شوكولاته بشكل عشوائي

و بنحط الصحن بالتلاجة ,,,














و هيك بيطلع الشكل النهائي







بعدين بننظف المطبخ

و بنجلي الجليات

و ما بنخلي اثر

و بنطلع

و لا من شاف ولا من دري هههههههههههههههه


يا رب تكون عجبتكو الحلقة