يومياتى .. بالكاميرا

[حسام المصرى]

ونبتدى بمجموعة صور اخرى ليومياتى ..ههه

دى صورة العمارة اللى أنا ساكن فيها فى السويس .. المنطقة إسمها فيصل " نسبة إلى الملك فيصل اللى بنى معظم المبانى دى هدية لمصر .. كان نفسه يعملها مدينة عالمية .. بس المسئولين اخدوا الفلوس وعملوا عمارات زى منتم شايفين كده .. عالمية برده ..ههههههه "



دى بقى المستنقعات اللى لما ببقى باصص من البلكونة ببصلها ..



دى بقى محطة رمسيس بتاعة المترو .. أو حسنى مبارك للأسف لسة إسمها كده .. أى غلطة بتدفع غرامة علطول ..



دى بقى المدرسة اللى صوتت فيها على التعديلات الدستورية .. ولأول مرة فى حياتى كنت أشارك فى استطلاع تعمله الدولة .. الدنيا كانت فاضية شوية لأنى رحت بدرى لكن بعدها بفترة الناس كانت بالهبل .. وطبعا 20 مليون مصر تقريبا صوتوا فى الاستفتاء ده ..



ده بقى ميدان رمسيس .. من أشهر الميادين فى مصر بعد التحرير .. وطبعا أد إيه واضح النظام الرهيب .. وطرق عبور المواطنين طبعا كل واحد ماشى فى حارة .. والبياعين ليهم محلات منفصلة خاصة بيهم .. والعربيات واقفة بنظام فى مواقف هههههه.. للعلم بس الميدان ده تقريبا تم التعاقد مع وكيل أجنبى عشان يعمله إعادة تشكيل .. لانه بصراحة بشع جدا .. حاليا المحطة بتاعة القطر بس هى اللى بيتم التعديل فيها .. وهى اللى ظاهرة فى الخلفية باللون الأبيض .. " المبنى الوحيد اللى فى الصورة "



طبعا صورة من الكبارى .. تقريبا الكوبرى اسمه 6 اكتوبر .. واهم ما يميز القاهرة .. الكبارى .. وتحس أن الكبارى عاملة puzzles مع بعضها بطريقة غريبة ..



كنا طبخين طبعا ... انا وصحابى .. واللى يقول ايه اللى فى الأطباق .. ليه 10 دولار هدية .. هههههه





المطبخ بقى .. مطبخ إيطالى طبعا زى محضراتكم شايفين فى الصورة .. وأهم ما يميزه النظافة .. وحط تحتها 30 خط ..
لدرجة أنك تبص فى الأرض تشوف وشك .. هههههه



تلاجة بقى .. توشيبا يبانى 40 قدم ..ههه



الصورة دى كنت راجع من صلاة الفجر .. وكنت راجع أجرى أروح بسرعة .. لأن بصراحة الوضع اليومين دول مش أمان .. مع أنى والله مكنش معايا حاجة تتسرق .. ههههههه




إلى اللقاء فى يوميات جديدة .. لحسام المصرى ..