قصيدة ام لولدها

[.: بو جاسم :.]

السلام عليكم ورحمة الله وبركاته .... :)

قصيدة لام اودعها ابنها في دار المسنين ... :(

http://g5g5.net/xzfiles/aeU08508.mp3

وين انت يا حـــــــــمدان امـك تناديـك = وراك مـا تسمـع شكايـا وندايـــــــا

يا مسندي قلبي على الدوم يطريـك = ما غبت عن عيني وطيفك سمايـا

هذي ثلاث سنيــــن والعينتبكيـــــك = ما شفت زولك زايـر يـا ضنايــــــــــا

تذكر حياتي يـوم اشيلــــك واداريــك = والاعبـك دايـم وتمشـي ورايــــــا

ترقد على صوتي وحضني يدفيـــــك = ما غيرك احدٍ ساكن فـي حشايـــا

واليا مرضت اسهر بقربك واداريـــــك = ما ذوق طعم النوم صبـح ومسايــا

ياما عطيتك من حنانـي وبعطيــــــك = تكبـر وتكبـر بالأمـل يـا منايـــــــــــا

لكن خساره بعتني اليـوم وشفيـــك = واخلصت للزوجه وانا لي شقايـــــا

انا ادري انها قاسيـه مـــــا تخليــــك = قالت عجـوزك مـا ابيهـا معايـــــــــا

خليتني وسط المصحه وانا ارجيـــك = هذا جزا المعروف وهـذا جزايـــــــا

يـا ليتنــــــــــي خدامـة بيـن اياديـك = من شان اشوفك كل يوم برضايــــا

مشكور يا ولدي وتشكر مسـاعيـك = وادعـي لـك الله دايـم بالهدايــــــــا

حمدان يا حمـدان امـــــك توصيـتـك = اخاف من تلحق تشـوف الوصايـــــا

اوصيت دكتور المصحــــه بيعطيـــك = رسالتـي واحروفهـا مـن بكايـــــــــا

وان مت لا تبخل علـــي بدعاويــــك = واطلب لي الغفران وهـذا رجايــــــا

وامطر تراب القبر بدموع عينيــــــك = ما عـاد ينفعـك النـدم والنعايـــــــــا

اخوكم .: بوجاسم :.