::(# أبـونـــور ... فــراق الأحبـــة صعـــب .. Abu-nour #)::

[Pink Rose]

ليش هيييييييك :(

والله حرام

مش عارفة شو احكي والله

بس ما بصير تتركنا هيك

شو ما كانت الدراسة ..

الا ما يكون في وقت تدخل تطمنا عليك

مش حلووو الودااع

الله يوفقك يا رب اخي ابو النور :(

[Dont Ask Why]

الله يوفئك خيي
انشالله بتخلص وبترجع

بس من هون لخمس سنين بكون عجزنا

يلا خيي

شد حيلك وانشالله بنشوفك خلال مده دراستك



والله يوفئك

[الاماني الفلسطنية]

ياللله .. عن جد انو بعز علينا فراقك اخي ,,


بس يلا كلو بهون كرمال مستئبلك


ربي يوفئك وينورلك دربك ..


والله يسمعنا عنك كل خير ...


ونشوفك احسن ابونور بالدنيا


:(

[جنى]

الله يوفقك يا رب...
بس شو رح تفوت ...

بتمنى الك التقدم..
شكرا..

[السيف عدي]

أخوي ابو نور .. الله يوفقك في دراستك .. وان شاء الله تطل علينا دايما ..

وما ننحرم من شوفتك .. الله يسعدك .. وسامحنا اذا دايقناك في اشي .. قلبك ابيض ..

فمان الله اخوي ..

[أع ـــشقـ أنفاسهـ]

الله يوفقك يااارب بدراااستك

وان شااء الله بتبقى تطل علينا

وعقبااااال ما نشوفك راجعلنا بشهااادتك ان شاااء الله ورافع راسك وراس اهلك

مــــــوفق

[هلــون]

مش رح اقدر اكتبلك اكتر من

الله يوفئك يا رب ,,


ودير بالك عحالك ... مصر بلد كبيرة والسياحة فيها احلى ما يمكن ..


مش تروح تلعب .. ادرسسسسسسسسسسسسسس ^^


سلملم ..

[ABU-NOUR]

بعين الله ,,

الوقت مش بايدي

وأهلي مشرطين عليّا ,, نت ممنوع :( ,,

حتى ملفتي والاشياء الي الي ع جهاز الكمبيوتر هنا ,, نسختهم ع اسطوانات ,. وخليتهم هنا في غزة ..


لحتى ما التهي ..

بعين الله


شكراً الكم جزيل الشكر لمروركم وطلتكم :)

اسعدتوني والله ,,

بس ان شاء الله يفتح المعبر وتفرج علينا ..

اما بالنسبة للتخصص ,, ان شاء الله طب أسنان ,,

موفقين جميعاً


تسلموو لمروركم

بو هبـــة ..

نور اليقيـــن ..

احلــى سيرين ..

ايــــــــــاد ..

حجة زرقااااااااا ...

اربين جيرل ..

حنان 16 ..

الحان الحرية ..

زهور ..

بنك روز ..

ما تسألش ليش ,, قصدي دونت اسك واي ..

الاماني الفلسطينية ..

جنـــــى ..

السيـف عــدي ..

أعشق أنفسه ..

هلـــون ..


الله يبارك في عمركم ..

[MoHaDe]

الله يوفقك اخي ابو النور
والله انك وردة

راح نشتقلك مع انو ما ارلي شهرين بالمنتدى
بس جد انت من الاعضاء اللي بدخلو القلب بسرعة والك معزةخاصة عندي

ان شاء الله تتوفق بدراستك
وتيجي بايدك الشهادة الكبيرة

وكل ما يصحلك تفوت عالنت طمنا عنك

وان شاء الله تروح وترجع بالسلامة

[*ريحانة القلب*]

الله ييسر امرك ييا ابو نور


فعلا رح تترك مكان كتير كبير


احنا ما صدقنا تخلصو توجيهي !!

وهدول 5 سنين مو توجييهي !


ياريت تحاول تفوت تطمنا عنك كل فترة وفترة



ربي يفتحها عليك ويوفقك


ان شاء الله بتكون من المتميزين بالمجال



رح نفتقدك !


الله معك خيي

:(

’’