♪..مــــــآيــــك المــنــتــدى مـــع ~ شـهيـــد غ ـزة ~..♪

[.!. وردة الأقصى .!.]

ايووووة لاتخلصي من المايكـ لبين ما أجي حرحورتي

ضلكـ أحكي وأحكي وأحكي

لبين ما أرجع أوكي

سلاموز ^_^

[ღ حورية فلسطين ღ]

ولا يهمك حبيبتي

عيوني الك وردتي

انا كم وردة عندي

كلها وحدة الله لا يحرمني منها ^^

[ღ حورية فلسطين ღ]

أنا اجيت






طيب نكمل قصتنا في المنتدى


كنت ألفلف بالمنتدى عادي وأشارك في المواضيع وأتهبل في المنتدى

كأنو المنتدى تبع أبوي


مع إني ما كنت أعرف حدا فيه بس كنت مبسوطة


مرة من المرات فكرت أنسحب من المنتدى في هاي الفترة اللي ما كنت أعرف فيها حدا


بسبب قصة الجروبات المعمولة هون وما حدا بعبر حدا كل واحد إلو في الحروب تبعه وبس


بس رغم هيك ضليت في المنتدى لأني من النوع المتفائل دايماً وما بيأس بسرعة

والحمد لله إني ضليت





وبعدين اتعرفت على أنجيلا

وكانت أول بنت بعرفها في المنتدى


كانت زي العسل وكانت وقتها أختها فجر الحياة مديرة المنتدى


وكانو أول بنتين إتأقلمت معهم....

وبعدين طلبت إيميل أنجيلا وبعتتلي اياه وضفتها وحكيت معها وإنبسطت معها كتير


كتير انبسطت لما حكيت معها






بعدها بيومين لقيت رابط عالإهدائات كان أول رابط بفوت عليه بالمنتدى


وكاااااااااانت المفاجأة إلييييي





كان توقيع إلي اهداء من فجر الحياة

أول توقيع انعملي وأغلى توقيع وبحبه كتير كتير


لأنو بلوني المفضل وحلو كتير

ومن بنوتة غالية علي كتير فجر الحياة


هاد كان أول توقيع إلي ولهلأ بحبه كتير وكل فترة بحطه

[ღ حورية فلسطين ღ]

وبعد هيك كان أول موضوع إلي بنزله بالدعم الفني

وكتبت فيه إيميلات البنات اللي بدي اياهم .....





كانت على رأس القائمة طبعاً حبيبة قلبي


نسرينا الفلسطينية


دموع الرحيل

الحان الحرية

رولا الفداء

غزاوية

دق التحية قدامك فلسطينية

لوليتا

بسمة فرح





المهم ضليت معهم فترة بسيطة اتعرفت عليهم

وبعدين فصل النت عندي

وقتها كانو عاملين ترشيحات للمشرفين

وكنت أنا من ضمن اللي اترشحو للإشراف







غبت عن المنتدى شهر ونص تقريبا ً أو شهرين ...


ورجعت لقيت حالي مشرفة وما كنت بصراحة بطمح لهالشي


ما اتوقعت أصير مشرفة واصلاً أول مرة بحياتي بأول منتدى بسجل فيه


فكنت كتير خايفة من المسؤولية وما كنت عارفة شو اعمل


الله يجزيها الخير نسرينا الفلسطينية هية اللس شجعتني فديتها






بهداك الوقت سجلت وردة الأقصى في المنتدى وأنا عملتلها الترحيب طبعا ً من بعد ما جننتها بالمنتدى وبنات المنتدى


سجلت معنا وكان المنتدى أروع بوجودها طبعا

[ღ حورية فلسطين ღ]

خلص بكفيكم اليوم

رايحة على فرح بدي اروح اجهز حالي

تيجو معي

[ღ حورية فلسطين ღ]

صباح الخير


اتفضلو اتسلو كلو معي اسكريم







طيب نبلش نحكي عن الأعضاء ولا نأجلها شوي


أنا برأيي أبلش لأنو لسا وراي حكي الدنيا بدي احكيه


أكيد رح أبدأ في أول بنت اتعرفت عليها في المنتدى




انجيلا

انجيلا بنوتة قلبها طيب كتير يعني اول ما حكيت معها كانت كتير طيوبة

وفرفوشة واللي بقلبها بتحكيه على طول

كنا انا وياها نفيع كتير بقسم الألعاب ويا حرام كنت انا أجننها

أفوت وراها على كل المواضيع بقسم الألعاب وأرد نفس ردودها كانت تطلع روحها وتضلها تبهدلني

بس كنت انبسط عليها

امممممم مشكلجية شوي ودايما بحكيلها انتي مشكلجية

ههههههههههههههههه

بس البرائة مغطية على مشاكلها

يسعدلي اياها عسل وعلى طول جاهزة للدفاع عن اي حدا من يعني لما كنت انقهر ولا اعصب من حدا على طووووووول اروح احكي ل انجيلا بتيجي ما بتخلي ولا بتبقي ههههههههههههههه

عن جد اشتئنالك كتير وشو ما صار ما بنسى فضلك انتي بالذات علي

بتمنالك كل التوفيق يا انجيلا

دعواتك





تاني بنوتة أكيد رح تكون .....

فجر الحياة

فجر الحياة كانت مديرة المنتدى قبل دموع الرحيل

كانت صغيرة بعمرها بس كبيرة بعقلها

يعني اللي بشوفها في المنتدى مستحيل يفكر انها لساتها توجيهي لأنها كانت راكزة وعقلها كبير

ومافي اطيب منها وما كانت تزعل من حدا ابدا دمها خفيف كتير وبالذات لما تتمسخر على شي موضوع نازل في المنتدى ^^

تصاميمها رائعة من أروح التصاميم في المنتدى

وطبعا كان احلى توقيع عملتلي اياه

وعن جد وقتها بسطتني كتير وكمان افتقدناها بالمنتدى كتير كان وجودها الو نكهة خاصة

وبتمنى ترجع بأقرب وقت

وتنو المنتدى بوجودها وجوها الغير شكل

[ღ حورية فلسطين ღ]

نحكي عن الشباب شوي ...

وأول شب رح أحكي عنه...


محمود

شايفين كيف الولد الزغير لما يخاف من وحش

أنا هيك كنت أخاف من محمود

عن جد كنت أخاف منو لدرجة مو طبيعية مع إني أول ما دخلت عالمنتدى ما كنت أحكي معه أبدا

ولا مرة بتذكر شاركلي بموضوع أصلا بس ليش كنت أخاف منه هيك ما بعرف

كنت أنرعب منه رعب مش طبيعي

لدرجة لما أشوفه كتب شي عالإهدائات أبطل أطلع عالإهدائات كلها

بتذكر مرة كنت بدي أكتب اهداء وعلى حظي شرف حضرته وحط اهداء قبلي

هداك اليوم طلعت من المنتدى كله من الخوف هههههههههههههههههههههههههههههه هه

عن جد مواضيعه ما كنت أفوتها

المكان اللي هوا فيه ما أقرب عليه أصلا لما أشوف اسمه بين المتواجدين ما أعرف أتحرك في المنتدى

ولا أشارك ولا أعمل شي ما بعرف ليش كنت أخاف منه

مع إنه ما بضرب طيوب

[/COLORوكنت أفكره وحش بس طلع مش وحش

وبصراحة طيوب كتير ودااااااااااايما بحكي الله يعينك يا محمود علينا

عن جد بتعب كتير الله يعطيه العافية

مرت الأيام وبطلت حورية فلسطين تخاف من محمود

يعني هلأ أنا ما بخاف منك محمود مو تفكرني لسا بخاف

خلص عقلت

شب محترم ومافي متله طيب وما بضرب حدا بس كان يخوفني انا

أحيانا بكون دمه خفيف

شخصيته من الشخصيات المميزة بحسه فهمان وواثق من حاله وبعرف حاله شو بحكي

الله يعطيك ألف عافية محمود وعن جد الله يعينك اذا احنا المشرفين ماسكين قسم معين وبنتعب فيه

كيف انت ماسك المنتدى كله

الله يوفقك يارب ويقويك ويخليك لأهلك وحبايبك

ويخليلنا اياك في المنتدى مديرنا المميز الطيب اللي مافي متله ]

[ღ حورية فلسطين ღ]

نحكي هلأ عن الأخوين مهنا

تنتون وتنتن


هيك كنت أسميهم زمان

أكيد عرفتو مين ....

ابن فلسطين & ابو نور ^^





ابن فلسطين

ابن فلسطين كان يلفتلي نظري دايما بأسلوبه وطريقة كلامه مع الأعضاء

عن جد كان شب جامع الركازة وخفة الدم مع بعض

شخصيته كانت من أروع الشخصيات في المنتدى

كانت آرائه كلها تعجبني كان وقت الجد جد ووقت المزح مزح

بس هلأ للأسف اتغير

بشهادة الكل بالمنتدى ابن فلسطين اتغير عن زمان كتير

اكيد في شي غيره مافي حدا بتغير من فراغ

بس بتمنى يرجع لبودي تبع زمان اللي عن جد كنا نستمتع وننبسط كتير واحنا نحكي معه

وبحب احكيلك يا بودي العشرة ما بتهون الا على .................

وبتضلك أخ عزيز وغالي زي ما كنت شو ما صار بينا خلافات بتضلك زي أخوي

والله يوفقك ويسعدك تقبل رأيي بكل روح رياضية ماشي





خلصنا من تنتون نيجي لــ تنتن ^^

ابو نور

ابو نور اول ما شفته بالمنتدى كنت احكي السقف انفجر من كتر ما إنفو خابط فيه

عن جد ما كنت أستوعبه أبداً

ولا كنت أحب أشارك بمواضيعه كنت أحسه جامد كتير وشايف حاله عالآخر ومش شايف حدا قدامه

ولا كنت أحب أشوف اسمه بالمنتدى واصلا كنت أفكره قد أبوي

كنت أفكر انو هوا أكبر من ابن فلسطين عشان اسمه أبو نور

وانا بهبلي ما كنت أفكر لبعيد خلص اسمه أبو نور يعني متجوز وعنده بنت ولا ولد اسمه نور هههههههههههههههههههههههههههههه

ما أهبلني ومن كتر ما هوا راكز ماشاء الله عليه عن جد كنت أفكره قد أبوي ههههههههههههههههه


رح يدبحني أبو نور أنا عارفة


ما كان يضحك كنت اشتهي أشوفه بيضحك ولا أشوف منظره عالإهدائات عن جد ما كان يبين ولا معبر حدا ولا حدا هامه

بس مع الأيام اكتشفت اديش كنت ماخدة عنه فكرة غلط كأني كنت بحكي عن شخص تاني

عن جد طلع طيوب ودمه خفيف وبمزح كتير ومش قد بابا

طلع زغير يعني واتفاجئت لما عرفت انو هاي السنة توجيهي

بحكي على اساس هاد الشب عنده نور هههههههههههههههههههههههههههههه ههههه


ماشاء الله عليه مثال للشب الراكز الرايق الهادي المحترم

الله يخليك لأهلك وما يحرم المنتدى منك





ملاحظة ...

ليش مسميتهم تنتون وتنتن ؟؟

لأنهم كتير بشبهو أخواتي أمين أيمن

يعني عنا أخوي أمين الكبير شخصيته زي شخصية ابن فلسطين وأيمن الصغير شخصيته زي شخصية ابو نور

وأخواني هدول مسمينهم بالبيت تنتون وتنتن

عشان هيك سميت ابن فلسطين وابو نور زيهم







وخلص بكفي طق حنك لهلأ

كمان شوي برجع بكمل بحكيلكم عن نهفاتي




عال اسكريم اللي أكلتوه فوق

بتتذكروه مو

يلا سي يو ^^

[ღ حورية فلسطين ღ]

يتصفح الموضوع حالياً : 4 (3 عضو و 1 ضيف)
‏حورية فلسطين, ‏Arabian girl+, ‏الحان الحرية+

يا هلا والله يا هلا

منورين ^^

[ღ حورية فلسطين ღ]

ههههههههههههههههههههههههه

يخرب عئلك ما رح أحذف شي

فظيعة

وبعدين وردة مش هون أنا اللي كنت فاتحة ايميلها^^

خلصصص ما حدا يشارك

صبرو حالكم شوي ^^