:: "جزءاً من مسلسل الانتقام" .. فتح تتبنى رسمياً مجزرة شاطئ غزة ::

[ABU-NOUR]

أولاً :

رحمة الله علي الشهداء وعلى كل واحد مات ظلم ,,


------------------------------------------


ثانياً :

حماس اذا بدت تظلم ,, نهايتها حتكون كثير قريبة ,, وهذا الي بشر فيه الله سبحانه وتعالى ..

اي واحد بيظلم وبيزيد بالظلم راح تقرب نهايتو ,, ان كان من حماس او من فتح ..

[أنين]

حماس ما ظلمت حد يا أبو النور

لما تنحط صور المجزره مع " ثـوار الـفـتـح "

ويطلع تبني لحركه " كتائب العوده "

شو اسمه هاد ,.؟!

[أســ{ــمــرآنــ}ــي]

المشاركة الأصلية كتبت بواسطة أنين

حماس ما ظلمت حد يا أبو النور

لما تنحط صور المجزره مع " ثـوار الـفـتـح "

ويطلع تبني لحركه " كتائب العوده "

شو اسمه هاد ,.؟!

خيتوو انين ..

فتح ما أعترفت بكتائب العوده على انها تابعه الها ,, وعند ظهور هذا الجناح كان في قرار رسمي من قياده فتح مضمونه عدم صلة فتح بما يسمى كتائب العوده ,,

تاني شي التحقيق لسه شغال بهاي المجزره ولما تظهر نتائجه بكون لكل حادث حديث

[ABU-NOUR]

انا ما حكيت شي يا أنين ^^

اتمعني منيح بالكلام


انا بحكي امتى ما حماس حـ تبدأ تظلم ...

نهايتها راح تبدا ,,


فتح امتى ما بدت ظلم ,, انتهت ..

وحماس اذا ظلمت ناس ,, حـ تنتهي

انا بحكي هالكلام لاني انا هنا في غزة وشايف شو بيصير ,,


في مركز شرطة في المنطقة عنا ,,

راحو لابن عمي يعمللهم الكرسي تاعهم ,, كرسي مش نافع مكسر

زبط الهم اياه ,, وأخذوه

بتعرفي شو صار


واحد سمين قاعد عليه بطريقة مش مناسبة لقعدة الكرسي ,, ما بعرف كيف

المهم انكسر الكرسي

شو صار لمن ينكسر الكرسي ؟؟

يروحو يتصلو عليه يقولوله انت فلان الفلاني ,, اه انا ,,

طيب بتيجي على المركز هلقيت بسرعة لحسن بنيجي ناخذك من البيت بالقوة ,,

قللهم بس اروح من غزة باجي ,,

روح وراح الهم ,,

بحكولو لا مش انت ,,

ها مين ,,

لا مش انت الي الك محل هناك ,, اه انا ,, يبقى اخوك

المهم ,,

بيقللهم طيب وليش خليتوني اجي ؟

شوف الكرسي شو صار فيه ,, الكرسي انكسر


:|




شايفة ليش انا بحكي هيك ,,


يعني لمن ينكسر الكرسي ,, بدهم يستخدمو القوة مشان الكرسي انكسر ؟؟

شو ظل

وقصص تانية بتصير قدام عيني ,,

خليها ع الله ,


والله ينصر الحق ,, ويبعد الظلم عنا ..

[.:.!دموع الرحيل!.:.]

أبو نور حسستني

انه كل الشرطة الفلسطينية = حمـاس !

وانت بتعرف انه الشرطة والتنفيذيه فيها من جميع الفصائل ..

غير انه البعض منهم بينسب حالو لحمـاس لمصلحة فقط ..

عشان الشغل ..

وهول بعيدين كل البعد عن حمـاس .. ومش متربيين عند حمـاس

يعني ما تتزاكى كتير ..

معروف أخلاق أبناء حمـاس ..

وفرق بين الي بينسب حاله الهم لمصلحة ..

وبين الي فعلا متربي عندهم وإبن حركتهم ..

وما تخلط شعبان برمضان

[ABU-NOUR]

انا ما خلطت لا شعبان ولا رمان

انا حكيت الي شفته ,,

وبعتقد حماس هي الي ماسكة الحكم حالياً ,,

يعني ان واحد زي هذا بيعمل هيك " مـدير المركز " لازم ياخذ عقابه ..

والمركز اكيد ما بيخلى من حماس ,, لانو كل مركز لازم يكون فيه ناس من حماس ..

انا ما بحب اخوض في كلام سياسي ,, بس انا حكيت الي شفته قدامي ,,

وان شاء الله ما بيصير الا كل خير ,,

وبتنحل قضيتنا وبتروح غزة وما بترجع ..


لسا حكم اليهود أرحم من حكم العرب ,,

لا كان فتح ولا حماس و لا جبهة ولا جهاد ..



بتضل وجهة نظر

[.:.!دموع الرحيل!.:.]

إذا حماس ماسكة الحكم حاليا ً مش معناها انها مسؤولة عن كل كبيرة وصغيرة

بتصير .. ويتحملوها مسؤولياتها

ومين قالك انه حماس ما بترشد .. وما بتعاقب ؟

ما سمعت بمشروع الشرطي الداعيه ؟

والدورة الي قرروا يعملوهـا لأفراد الشرطة ؟

شو معناه هاالحكي ؟

يعني بدهم يغيروا اخلاق افراد الشرطة .. للأفضل ..

وهذا أكبر رد على كلامك .. وكل الي بيحكو متل كلامك

دورة للتدريب الأخلاقي على نهج إسلامي لأفراد الشرطة .. أول مرة بتصير العالم كلو ..

بعلموهم ..

وبعدها الي ما بيلتزم بيتعاقب .. !

ردود فعل حماس عمليه .. دايما .. ومنطقية

وما تخافو .. حماس بإذن الله لن تظلم ..

وعارفه حالها شو بتساوي

بوزعوا أخلاق عالعالم كله أبنـائها الحقيقيين ^^

[ABU-NOUR]

وما تخافو .. حماس بإذن الله لن تظلم ..

ان شاء الله

هذا الي بدنا اياه ^^


بس ع فكرة في جملة ما اعجبتني ,, وما اتوقعت انها تطلع منك ..

بعاتبك عليها بعدين .. خليها ورا الكواليس

[.:.!دموع الرحيل!.:.]

هذا موضوع نزلو الأخ مؤيد من فترة ..

//

حماس الحركة الإسلامية تطلق مشروع دورة تأهيل الدعاة الشرطيين





عقدت دائرة العلاقات العامة في الشرطة الفلسطينية بالتعاون مع الإخوة في مركز القرآن الكريم والدعوة الإسلامية بالجامعة الإسلامية دورة تدريبية .
لتأهيل الدعاة الشرطين وذلك في الفترة الواقعة ما بين 5 – 30 يوليو 2008 ميلادي حيث تهدف الدورة لارتقاء بالمستوى الدعوى لأفراد الشرطة الفلسطينية ولقد بدأت الدور بكلمة ترحيبه من الدكتور نسيم ياسين عميد كلية أصول الدين بالجامعة الإسلامية حيث فيها أبناء الشرطة على ضرورة صقل أنفسهم وتطور أداءهم الدعوى والمهني ثم تحدث الأخ الرائد توفيق أبو هاني مسير دائرة العلاقات العامة حيث شكر الجامعة الإسلامية على أداءها المتميز وعلى دعمها المتواصل للشرطة الفلسطينية مؤكدا على ضرورة استمرارية هذا التعاون والتواصل لارتقاء بالمستوى الدعوى لرجال الشرطة الفلسطينية ولقد بدأت الدورة بالمحاضرة الأولى لدكتور عبد الكريم الدهشان

أهداف الدورة

1- تأهيل طاقم داخل الشرطة الفلسطينية للقيام بمهمة الوعظ والإرشاد
2- فتح آفاق التواصل مع الجامعة الإسلامية في العديد من المشاريع والدورات العلمية .
3- الاندماج بين توسعة الشرطة كراعية للأمن والدعوة في كافية الميادين

جدول الدورة :



//

مفكرين انتو الشغله كلام ..

حمـاس بتمشي ع مخطط .. وع نهج ..

ويا ريت كل ما غلط حدا .. تروحو لازقين عملو بحمـاس .. ^^

يعني اذا انت اتوظفت بالحكومة .. وعملت شي غلط ..

ظلم انه نلزقها بحمأس .. صح ولا لاء ^^

بس الناس بتشوف الي بدها ياه ..

[.:.!دموع الرحيل!.:.]

الموضوع مش مخالف ..

ويا ريت ما يتسكر ^^