الإتجاه المعاكس ( مناظرة ثقافيه بين الاعضاء )

[روان فلسطين]

اعطي رأيك واثبتي لكل من الطرف الآخر والسيف عدي انوالزواج بالطريقه التقليديه افضل منو باي طريقه اخرى

[روان فلسطين]

من وجه نظر اخرى عزوف الشباب عن الزواج بالطريقه التقليديه ادىالى الكثير من العلاقات الفاشله والسمعات المحطمه صح يعني لو الواحد بيروح وبيشوف البنت وبيحكي معها قدام اهلها وقدام الكل افضل ولو ما عجبتو عادي لا هو متأثر ولا هي لانو ما صار نصيب اما لوتعرف عليها وقعدو يحبو ويطلعو ويكلمو ويتعرفو وبعدين تركو بعض يا اما بتصير مشاكل كتيره بسبب احد الطرفين او انو البنت بتروح فيها هي وسمعتها
وحتى لو انتهت العلاقه ع خير بيكفي انو كل واحدمن الطرفين بيقعد مع شريك حياتو وهو بيعرف انو موهو الحب الاول ولا كل الولاء الو وهادي الذكريات ما راح تروح من مخيلتهم

[HaDoOoL]

انا تقريبا متل راي خييو اسمراني..
يعني بعتقد لااازم الشب والبنت تكون الهم علاقة مسبقه(بس طبعا علاقة شرعيه مو بالحرام) قبل مايتزوجوا عشان يكونوا يعرفوا بعض منيح..
لانو الطريقة التقليديه يعني ممكن تسبب كتيير مشاكل..اولا في كتيير نااس بفترة الخطوبة بكونوا ملاااك مصور وبعد الزوراج بيتحولوا لشيطان(طبعا مو كلهم هيك) بس اغلبهم..فيعني انو تكون الهم علاااقه من قبل احسن ع الاقل كل واحد فيهم بكون فاهم الطرف التاني منيييييح كتييييير..بيعرف شو تصرفاته شو اايجابياته وسلبياته...
بس بدي اعلق ع كلاام خيتو روان..
صح ممكن يصير في شك ومابعرف شوو..
بس ازا كانوا عنجد بحبوا بعض وناوييين يتزوجوا اكييد رح يروح هالشك هااد كله...بس ازا كانوا ماخدينه هبل ولعب والحركات تاعتهم...اكييد رح يبدىويزيد الشك ومارح يتم هالزواج..فلشو الهبل هاد ازا ماكانوا ناوين يتزوجوا..
وهاده رأيه في الموضوع ...وان شااء الله اكون وصلتكم وجهة نظري..
لاني فااشله باإني اقنع حدا رايي...

[السيف عدي]

أنا بدي اسئل سؤال لاسمراني وهدول ..

انتو قلتو انكم ضد الزواج التقليدي لانو ما بيعطي فرصة للتعارف المنيح بين الشب والبنت ..

سؤالي : ممكن الشب يتعرف على البنت في بيت اهلها مرات ومرات وبعدين يقرر ازا اوكيه او لا .

ليه لازم يحكي معها ع الموبايل من ورا اهلها وتبلش البنت في لعبه الاستغماية .. اللي هي

كيف ممكن تقابل حبيبها دايما وتخلق الحجج والمشاكل بينها وبين اهلها علشان تطلع كل يوم

وفي الاخير بتركها حبيبها وبيتحول الحب الى شعر وشوق والم وصياح اخر الليل وذكريات مؤلمه

وبتكشف البنت في الاخير انو اهلها كانو على حق .. وانها كانت بتحلم .. !! .

[السيف عدي]

المشاركة الأصلية كتبت بواسطة HaDoOoL انا تقريبا متل راي خييو اسمراني..
يعني بعتقد لااازم الشب والبنت تكون الهم علاقة مسبقه(بس طبعا علاقة شرعيه مو بالحرام) قبل مايتزوجوا عشان يكونوا يعرفوا بعض منيح..
لانو الطريقة التقليديه يعني ممكن تسبب كتيير مشاكل..اولا في كتيير نااس بفترة الخطوبة بكونوا ملاااك مصور وبعد الزوراج بيتحول لشيطان(طبعا مو كلهم هيك) بس اغلبهم..فيعني انو تكون الهم علاااقه احسن ع الاقل كل واحد فيهم بكون فاهم الطرف التاني منيييييح كتييييير..بيعرف شو تصرفاته شو اايجابياته وسلبياته...
وهاده رأيه في الموضوع ...وان شااء الله اكون وصلتكم وجهة نظري..
لاني فااشله باإني اقنع حدا رايي...

1) كيف علاقة بين شب وبنت بالحلال ؟ !! هو في شي في الدين بقول انو

از الشب والبنت كان لئلهم علاقة سرية بكون شي حلال ؟ ولو هو حلال ليه البنت بتخبي عن اهلها .

2) هل البنت لما تحكي مع شب وتعطي معلومات عنها واسرار وشغلات

بتضمن ولو 1 في المية انو ما يفضحها ؟ وبعدين بتكون ما طالت لا حب ولا زواج ؟؟.

لانو ممكن يتخانقو مع بعض ويزعل منها .. وهون بدايه المشاكل ..

[السيف عدي]

المشاركة الأصلية كتبت بواسطة روان فلسطين من وجه نظر اخرى عزوف الشباب عن الزواج بالطريقه التقليديه ادىالى الكثير من العلاقات الفاشله والسمعات المحطمه صح يعني لو الواحد بيروح وبيشوف البنت وبيحكي معها قدام اهلها وقدام الكل افضل ولو ما عجبتو عادي لا هو متأثر ولا هي لانو ما صار نصيب اما لوتعرف عليها وقعدو يحبو ويطلعو ويكلمو ويتعرفو وبعدين تركو بعض يا اما بتصير مشاكل كتيره بسبب احد الطرفين او انو البنت بتروح فيها هي وسمعتها
وحتى لو انتهت العلاقه ع خير بيكفي انو كل واحدمن الطرفين بيقعد مع شريك حياتو وهو بيعرف انو موهو الحب الاول ولا كل الولاء الو وهادي الذكريات ما راح تروح من مخيلتهم

هدول النقطتين كتير مهمين لئلنا في المجتمع الشرقي :

1) سمعه البنت خط احمر.

2) الذكريات بعد الحب. لانو احنا مجتمع عاطفي وبتأثر بسرعة وما بنسى بسهوله مش متل الغرب.

اتمنى الفريق الاول يجاوب على هدول النقطتين . السمعة والذكريات.

[روان فلسطين]

سبقتني خيي ناصر نفس التعليق كان عندي
شوفو لوانو البنت ما بتعملشي غلط راح تعملو على عيون الكل
بس معظم العلاقات يلي بتصير قبل الزواج سواء تم الزواج او لم يتم راح تكون مخفيه عن الكل
يعني شوفو الحب والزواج كأنو نبته عمركم شفتونبته بتنمو بدون ضو
والعلاقات بتكون مخبايه عن عيون الناس بتكون بالظلام ما بتكون في جو صحي لذلك لا يمكن تنمو العلاقه بدون جو من الالفه والمحبه
بعدين هي امهاتنا وابائنا واهلنا كلهم تزوجوبالزواج التقليديوعين الله عليهم تعرفو فتره الخطوبه وحبو بعض ع اصول وعلى عين الكل وتزوجو ولحد الان كلوالحد بيكتشف قديش الطرف التاني فيو صفات روعه

[فلسطينيه والراس مرفوع]

مع اني انا مش مع الزواج التقليدي

بس عندي ايمان كبير انو الزواج التقليدي هوي الانجح والافضل من غيرو

لانو البنت اللي بتتزوج عن حب ....رح يضيع حبها بعد الزواج

وان كانت عطت وجه للشب اللي حبته وبعدين اتزوجته ....يمكن يعيرها بهالشي

بعدين الشب لما بدو ييجي يتزوج

رح يختار البنت المحترمة الخلوقة

البنت اللي ما الها سوابق وعلاقات حب مع غيره او معه قبل الزواج

وكتيييييير في ناس اتزوجو مش عن حب (زواج تقليدي) وكتييير مبسوطين وبينهم حب

وحياتهم مستقرة

وناس اتزوجو عن حب بتلاقيهم مش مرتاحين بعلاقتهم

وكل حياتهم مشاكل

والتفاهم اللي كان موجود قبل الزواج .......طار

وما عاد في تفاهم

يعني باختصار >> الزواج التقليدي وان ما كان مرضي البنت

بس بكون في رضى من الاهل ومن الناس عن بنتهم ..واكيد الاهل ادرى بمصلحة بنتهم واحرص عليها

وما في خووف على البنت انها ما تقدر تحب زوجها

لانو عادة بصير حب بعد الزواج ......حب اجباري

متل ما قال ربنا (( ومن آيته ان خلق لكم من انفسكم ازواجا لتسكنوا اليها وجعل بينكم مودة ورحمة ))

اما ازا كان زواج عن حب فاحتمال كبير انو تخلق مشاكل ....

وتنتهي العلاقة احيانا بالطلاق

هاده رايي

^.^

[روان فلسطين]

تسلم ام الاراء يا رب
بس كمان يا دودو

يعني باختصار >> الزواج التقليدي وان ما كان مرضي البنت

بس بكون في رضى من الاهل ومن الناس عن بنتهم ..واكيد الاهل ادرى بمصلحة بنتهم واحرص عليها

مين قال الزواج التقليدي بدون رضى البنت بالعكس مهم جدا رضى البنت بس المهم انو ما يكون في علاقات قبل الزواج وبعدين همه بتفقو عجبنب ما عجبني بدي هيك او لايعني البنت رايها موجود وبالعكس هو الاهم بالزواج التقليدي يعني الرسول عليه الصلاه والسلام منع اكراه البنت على الزواج وقال لو اجبرتوهم وبعدين عرفتو غلطكم لازم تحرصو انو بناتكم يسامحوكم واعتبرو نوع من انواع الظلم للبنت

[Arabian girl]

الزواج السري زمان بس طبعا حسب الدين كان مو حرام ولا في شي لانو ما كانت هادي المشاكل هلا
يعني هلا صار في تشريد لاطفال صار الاب ما يعترف بالزوجة يعني صار هادا الزواج فقط للمتعة وفي اساءة لسمعه الفتاه
عشان هيك انا بايد الزواج التقليدي لانو معترف في