كيف بتتعاملو مع الناس الي دمها تقييييل؟؟ ،،،،، قصة قصيرة وشيقة مع نقاش

[خالدالورد]

يا مرحبا بالشباب والصبايا

أحلى عالم .. منتدى شباب فلسطين


بدي أحكيلكو هالقصة الي حصلت معي .. وبعدين بسألكو السؤال


الزمان : امبارح

المكان : في غرفتي


في ليلة البارحة .. كان عليا شغل خير الله وعندي امتحانات بدي أدرسلها .. وفاتح اللابتوب بشتغل عليه ..

لهو بيجيني زميلي وبيقوللي أنا سكنت جديد في السكن وصرت جاركو في الشقة الي قدامكو


قلتلو ألف مبرووك .. يلا بنصير نسهر سهراتنا الصباحية مع بعض وبنساعد بعض في الدراسة

وصرنا نحكي وضاع الوقت .. وكل شوية أجيب شاي وبسكوت وما بعرف شو ..

قال لزوم الضيافة

صارت الساعة 12 بالليل وهو لسه عندي .. وأنا مستحي أحكيلو اطلع برا بدي أدرس

صرت أجيبلو سيرة الدراسة واني مضغوط ..

صار يضحك ويقوللي أنا فاااضيييي وفش ورايا شغلة ولا عملة

قلتلو .. طيب يا فاضي .. روح للفاضيين التهي معهم .. بدي أدرس

قاللي طيب .. أنا جوعاان .. وفي هالوقت بتعرفو الدكاكين كلها بتكون مسكرة

قلتللو طيب يا حبيبي .. روح لقط رزقك برا .. فش عندي اشي ..


صار يضحك .. بيفكرني بمزح معو

قاللي طيب اعطيني اللابتوب .. بدي أتفرج على فيلم

قلتلو .. عندي شغل مكدس فووق راسي .. حل عني


هو صحيح كنت فاتح المنتدى وقتها .. بس برضو كنت بشتغل

والي كانو بيحكو معي عالمسنجر زعلو بيفكروني مطنشهم


نرجع لموضوعنا

وقتها حكيت .. هالأشكال بينفعش معها الزوق

قمت ووقفت عند الباب وفتحتو .. وقلتللو لما تشوف الباب مفتوح ايش بيزكرك

يلا ورجيني عرض كتافك

صار يضحك .. وقاللي بدي أنام

راح على سريري .. تقول سرير الي خلفو وحط راسو المقمل ونام

قلتلوو .. زييح من هاان .. وشلت غطى المخدة ورميتوو

بعرف حركة وقحة بس هالناس بينفعش معها الا هيك


وقلتلو يلا ورجيني عرض كتافك .. قاللي طب انت ليش ما بدك اياني أضل

زهقاان وفااضي فش ورايا اشي

المهم .. بديش أطول عليكو .. بعرف صرتو تتاوبو


عملت كل الطرق الوقحة الممكنة انو يطلع .. وفش فايدة

بالآخر .. قلتلو بدي أروح عالصالون أتفرجلي على فيلم في التلفزيون ..

قاللي كويس أنا بضل عاللابتوب

وأنا هناك ناديتو .. قلتلو تعال شوف هالفيلم الحلو ..

اجاني .. وأنا رجعت على غرفتي وسكرت الباب

اجا يدق بدو يدخل .. قلتللو حل عني

مش فايقلك .. روح التهي مع غيري

واليوم الصبح بحكي مع صاحبي

فبيقوللي انو اجالو عالغرفة بدو اللابتوب .. وصاحبي أعتذرلو

وضلو عندووو في الغرفة للساعة 6 الفجر

مستني الفرج .. وانو صاحبي يحن عليه

وفي الآخر ناام عندو عالكنبة .. واجا صاحبي غطاه وكلو حنان الأم

وتوتة توتة خلصت الحدوتة

أهم اشي النو الورطة لبست في غيري ..

فخلص من اليوم وطالع إزا اجاني .. بدي أصير أبعتو لغيري يسليهم ويسلووه



******************
******
**


وبعد هالقصة الطويلة .. بدي أسألكو

لو كنتو مكاني كان شو عملتو ??


وكيف بتتعاملو مع الناس تقيلة الدم ؟؟

[Arabian girl]

بالنسبة الي بحاول اطنش الشخص وابين اني مشغولة ونعسانة وبجاوب ع حكيو باختصار شديد وادا ما نفع معها الزهق
بقترح نروح نسه ببيتها وبقعد عندها شوي وبروح لحالي هههههههههههههه

[السيف عدي]

طنش تعش تنتعش ،،

[زهور]

مممممممممممم
الصراحة انا ما بعرف اتعامل مع الناس الي زي هيك

يعني ما بقدر اسوي حركات زيك
ما بتطلع مني
هههههههههههههه

والله يعينك عليه
والله يوفقك

[وردة المحبه]

مشكور ما في احلى من صراحه بوجه بقول اياها

[HaDoOoL]

ههههههههههههههههههه...
كل هااااااااد عملت فيه ولاانو يفهم..ياحراااام..الله يعينك..
انا متل خيتوو زهور مافيني اعمل شي غير اني اتحمل...
يسلموووا خيييو ع الحتوته الحلوه..

[خالدالورد]

يختي عليكم ( على ئولة ستي )

وعلى اخلائكم ما احسنكم

[الدكتور امير]

انا لو محلك

ام م م م م
بعدين بحكيلك

[الرمشـ الحساسـ]

هههههههههههههههههههههههههههههه ه

انا بعمل متلك بالزبط ,,,, ومش شعرها بطلعها(بما اني بنت يعني وحتكون الي عندي بنت)

اما عالم!! هههههههههههههههههه

بس كوووووووووووول القصة ههههههههههههههههههههههههههه

الله يعينكـ يا عموووووو

تحياتي..