~~ذكرياتي باقلام احبتي 7 / *السيف عدي*~~

[حنان16]

السلام عليكم ورحمة الله وبركاته اخواني اخواتي اعضاء منتديات شباب فلسطين اليوم معي فكرة يمكن سبق وطرحت بس ما باعرف ليش اختفت اليوم باحييها من جديد ومفادها انه في كل مرة راح نحط عضو معين مشان نفتح المجال لكل الاعضاء انهم يضيفوا كل اللي يعرفوه عن هذا العضو عن شخصيته وكيف ينظرون اله ايجابياته وسلبياته . . . الخ اظن انكم فهمتوا الفكرة منيح وبدكم تعرفوا الشخص اللي راح نكتب عنه ... في اول مرة وضعنا بصماتنا حول شخصية حنان16 وفي المرة الثانية حول شخصية نور اليقين وفي المرة الثالثة حول شخصية جيفارا*نابلس اما المرة الرابعة فكانت عن دموع الرحيل والمرة الخامسة مع ابو النور اما المرة السادسة فقد كانت مع المرحومة زهــــ فلسطــيــن ــرة رحمها الله واسكنها فسيح جناته اما هذه المرة فمع من يا ترى ؟ اليكم الشخص الذي ينتظر اراءكم عنه هو هو خلاص هو يلا بدي اتوهكم شوية بس عشان انتم عارفين مين من العنوان طبعا يعني فش ذكاء ++السيف عدي++ بانتظاركم جميعا تحيتي

[اميرة باخلاقها]

اوكي حلو

ناااااااااااااايس الموضوع

السيف عدي

انا بعتبرو انشط الاعضاء يلي بالمنتدى

يعني عنجد حطم رقم قياسي بمشاركاتو

وكمان مواضيعو كتيييييييير حلوة وانا بحبها كتيييير

اممممممممم ما في الو اي سلبيات

حباب وخفيف دم

وزووء مع كل الاعضاء

واهم شي برازيلي ههههههههههههههه

يعني بالمختصر عضو مثالي

صعب تلائي متلو

مشكوووورة حنونة كمان مرة على الموضوع

تقبلو مروري

[حنان16]

شو حكاية برازيلي هاي اول مرة اسمع فيها

^_^

عموما مشكورة خيتو على مرورك الطريف


نورتي

تحيتي

[عسولة الأقصى]

مرحبا ,,

موضوع كتيير حلو ,,

و أحسنتي الاختيار ,,

تسلمي حبيبتي ,,


امممممممممممممم ,,

السيف عدي ,, ناصر ,,




اممممممممم ,,

عضو مرح جدا ,, نشيط ,, زوء ,, مواضيعو كتيير حلوة ,,

امممممم ,,

شيماء كفت ووفت ,,



ازا بدي ضيف شي ,, بضيف انو حسيتو ذكي ,,

امممممم ,,

و بحب المنتدى كتيير ,, هيك حسيتو ,,



تقبلو مروري ,,

[روان فلسطين]

اممم سيفنا واخونا ناصر
اجا من دون موعد سرق قلوبنا وخلانا نحبه ونتعلق فيه
نتهم برأيو ونستنى مشاركاتو وردوده على احر من الجمر
طيوب كتيير بحسه تفكيره غريب وما اله نمط معين
كتير عجبتني شهامتو بأكتر من موضع واكتر من مناسبه اثبت جدارتو
كتير غالي مو بس علي على كتير اعضاء
محبوب واله شعبيه كتيير
تقبل رأيي سيفنا الغالي
وميرسي كتييير ع الموضوع الحلو

[أســ{ــمــرآنــ}ــي]

السيف عدي,,

من الأعضاء اللي كتير زووووء ,, ودمهم خفيف،،

مشاركاته ومواضيعه كتير حلوه .. وكل مره بنلقى فيها شيء جديد ومميز ,,

السيف عدي,, أتبت تواجده بفتره قصيره,, وقدر يسكن قلوبنا ويخلينا نحترمه ونقدره ..

وبصراحة لهلأ ما شفت منه الا كل خير,, وما شفنا شيء غلط منه ,,

كل الإحترام اله ,, وبتمناله النجاح والتقدم اكتر وأكتر ,,



وشكرا على الموضوع الحلو

[حنان16]

مروركن احلى


بس ملاحظة شي من ساعت ما رجعت للمنتدى


بجد في افتقاد لعنصر الذكور

^_^


عموما نورتوني بمروركن صبايا

وفي انتظار رجعة العنصر الذكوري للساحة


...

[عاشق قمرهم]

السيف عدي

انت شخص نشيط كتير وعندك افكار حلوه كتير

وهادا بدل على ذكااء منك

انا بحكيلك استمر على ما انت عليه

وخليك منور المنتى

وانت بتعرف العنصر الذكوري قليل جداا بالمنتدى

يعني يلي متلك ما في منهم كتير هوون بالمنتدى

انا بتمنى انو نتعرف على بعض اكتر ومع الايام رح يصير هيك

اخوك المحب .. اياد

[حنان16]

اسمراني وعاشق قمرهم

منورين صفحتي

بس لا يصيبكم الغرور ..

^_^

لان افتقاد العنصر الذكوري هون

ما يعني انكم تتغروا

مفهوم عاشق

^_^

ويلا بسيطة اهو شباب المنتدى ابتدوا يرجعوا

وقريبا ان شاء الله راح يكونوا معنا كلهم

^_^

مشكورين مرة اخرى

تحيتي

[روزي]

الأخ سيف عدي (ناصر)
بصرحة شخصية فريدة ومواضيع رائعة وشهامة ملحوظة
وكمان مجدلاوي من بلدة واحدة
بصراحة الأخوة والأخوات كفوا وفو
ومابعرف شو بدي اكتب
تقبلوا مروري واحترامي