.::[ دعوة لكل فتاة --> قصّـــة حِجابـــي ،، شاركينا بقصّة حجابـــك ]::.

[الرمشـ الحساسـ]

تسلميلي ام السوس..



انا تحجبت بإجازة الصيف تاعت سادس يعني كنت طالعة اول اعدادي..

وكانت الحمدلله رغبة مني.... وتشجيع من ماما الي..

طبعا حكيت خلص الي ادي تحجبو ليش انا ما اتحجب...مع اني ما كنت بالغة لسا..

بعدين بالاجازة تحجبت والحمدلله لهلأ ملتزمة بالحجاب.. بس احيانا بحس انو حجابي مش كامل لأني ما بطلع بعباية :(...

ان شا الله مع الايام اصير البس عباية..



وعن جد كتيييير حلو الحجاب..

انا بحبو بصراحة..

هيكـ أستر واحلى...


يسلمو حبيبتي ام السوس عالموضوع الحلووو..

تسلميلي يا غالية..

[إسراء الفلسطينية]

أكيد ما في أحلى من الحجاب بالدنيا

و انا كمان للأسف لهلا ما بلبس عباية .. بس الحمد لله أواعيي مستّرة ..

الله يهدينا للأحسن ..

مشكورة كتير على مشاركتك الحلو رموشتي

تسلميلي يا رب

نــورتي عسوبلة ^ــ*

[&نسيم الروح&]

انا لبست الحجاب بصف العاشر وقبل بالتاسع كنت البس واشلح ما كنت حاسه حالي مستعده

وكنت بعيده كتير عن الدين كان في شله متعرفه عليهم كتير بعاد عن الدين

اما صف العاشر ما طلعوا بصفي كان بصفي بنات متدينات وكنت اعد معاهم احيانا لانه كان الي صاحبه

وهدول صاحباتها

فكانوا يحكوا بالدين كتير اتروا فيني مع اني عمري ما اتاترت بحد بالمره

المهم ما اخدت بايدهم شي يعني على نص السنه داومت لابسه الحجاب وبديت اصلي والحمد لله

كانوا بجد الهم فضل علي الله يوفقهم ويدخلهم الجنه انا بجد كنت ضايعه

والبنات هدول صحوني انا صحيح كنت مادبه ومعروفه بكل المنطقه بس برضه كنت بعيده عن الدين

بس الحمد لله هلا

ميرسي الك اسراء حبيبتي على الفكره الحلوه

[Pink Rose]

يا عيني عليكي يا سوسو

موضوع وفكرة حلوة كتير ..

انا اتحجبت وانا عمري 13 سنة تقريباً

كنت بالاول البس الحجاب بس مش ملتزمة ..

كنت صغيرة وماما حابة تعودني عليه وبرغبه مني كمان

بس مش دايما البسه واطلع فيه ..

بس لما صرت 13 سنة لبسته والتزمت فيه

والحمد لله ما لقيت صعوبة لما لبسته

لانه ماما معوديتني عليه من قبل وكانت دايما

تحكيلنا انا واخواتي انه البنت لما تكبر لازم تتحجب :)

لهيك الحمد لله لبسته والتزمت فيه بسن الـ 13

ولهلأ متلزمة فيه الحمد لله :)

//

شكرا كتير يا قمر ع الموضوع المميز ..

دايما مواضيعك غير شكل

ما ننحرم منك يا رب :)

[ابتسامة فلسطين]

انا لبست الحجاب في الصف السابع بابا طرح علي الفكرة وانا يعني بما انو كل صاحباتي وبنت عمي رح يلبسوا برضو في نفس الوقت فانا ما رفضت


مشكورة خيتو عالموضوع الحلو

[Arabian girl]

اممم
انا لما كنت بالصف الرابع انهوست بدي البس الحجاب وكنت اقيسو وهيك
وبس كبرت وصرت بالصف السابع كنت بدي البسو بس اختي ما خلتين بتقلي لساتك زغيرة وضلينا انا وياها نتجاكر بالاخير لبست الحجاب وكان عمري 14 سنة
بس احلا شي بالموضوع انو بابا تفاجا كان قاعد عالبلكونة وجيت عندو وقلتلو بابا بدي اتحجب من كتر الصدمة حكالي ليش ههههههه
بس الحمدلله الحجاب هلا صار جزء مني



شكرا ع الفكرة الحلوة

[Maram .. ~]

موضوع كتير كتير حلو..

أنا لبست الحجاب بصف سادس..

و ما حسيت بأي صعوبة فيه لإنوا كنت ألبسوا من أبل بس مكنتش كتير ملتزمة فيه

و بعدين بالسادس التزمت فيه

و الحمدلله لهلأ ملتزمة فيه و الحمد لله..

تسلم ايديكي حبيبتي اسراء ع الموضوع ..

كله في ميزان حسناتك..

:)

[RaWaNoOo]

والله موضوع حلو

انا من و انا صغيرة كنت اجيب حجاب امي و البسو

و كنت اعيط لاهلي بدي البس زي الكبار الي بشوفهم

ههههههه

بعدين صار عمري 13 بطلت احب الحجاب

و بعدين صار عمري 15 فجأة هداني الرحمن

و بدأت سنة دراسية جديدة كنت صف عاشر

و جيت عالمدرسة و انا متحجبة

و خلص تعودت عليه

بس يعني انا لبستو لحالي اهلي ما كانو يجبروني عليه

و اول ما كنت البسو ما كنت ملتزمة كتير كنت اطلع بالسيارة

بدون حجاب و مرة على مرة الحمدلله التزمت

و كمان مسجلة التاريخ عندي لما كان اول يوم تحجبت كان بشهر 9

و هاي قصتي من طقطق للسلام عليكم

^_*

و الله يهدي جميع البنات الي مو متحجبات

[بندقه]

يسلمو اسراءعلى الموضوع الحلو ........ذكرتيني بقصة حجابي ..........يااااااااااااااااااه من اسنين طويله ......بس افضى راح اكتب قصتي مع الحجاب وبصراحه ........ما حبيت اشوف الموضوع وما احكي اشي ........شكرا رايحه مشغوله اكتير

[إسراء الفلسطينية]

نسيم الروح

ألف الحمد لله انو الله بعتلك رفقة صالحة ..

سبحان الله ..

الله بعتلك ياهن .. كرمال تتحجبي .. نعمة والله :)

و لازم دايما نشكر الله على هل نعمة اللي أنعمها علينا .. لإنو أكيد الله ما فرض الحجاب من غير أسباب ^^

مشكورة كتير على مشاركتك الحلوة ..

و الله يثبتك يا رب :)

..

Pink Rose

يا هلا بالقمر ..

قصة حجابك حلوة كتير .. يعني هيك زي ما لازم يكونوا البنات الصغار المسلمات ..

سبحان الله .. كيف حب الحجاب بينزرع بقلوب بنات كتيرة ..

الله يزيدك من نعيمه يا رب

شكرا كتير على مشاركتك الحلوة متلك

نـــورتي يا عسـل ^ــ*