نقــاش :: طلــعــت النا في السحبــة ( الآل والئلنا ) والتصنــع !!

[محمود]

صاحبــة القلم الحزين ،،

أيوة هي الكلام الي بنحكى ^_^

والله يسلمك ويوفقك يا رب ،،

[محمود]

باختصار يا بلو جيرل ،،

( الي بحكي قرآن وما بلفظها ئرآن )

بقدر يحكي كل شي بالقاف ،،

وزي ما قولت أعتقد أسهل بالكتابة ،،

وبما انك ما بفهمتي كلامي ،، لانو انا مش معارض ع اللهجة زي ما انتي بتفكري ,,

انا معارض عن اسلوب كتابة اللهجة ×( الكتابة بس )×

[محمود]

فلسطينية والراس مرفوع 100% ،،

كمان انا بشدد ع كلامك وبوافقك في الررآي فيه ،،

كل احترامي لك ..

[sunrise]

انا ضد انو الانسان يغير لهجتو ولا لسبب من الاسباب
وانو كل انسان لازم يعتز باصلو ويكون واثق من نفسه
شكرا عالموضوع

[.:.!دموع الرحيل!.:.]

[ابنة الشتات]

السلام عليكم...

بس اول شي بدي علق ع نفس يلي علقة عليه نسمة بلادي الا وهي كلمت طيب
الي تحولت بقدرة قادر لتيب هههههههههههههههههههههه

أنا كمان انصدمت فيها


واتني شي بدي أحكيه وهو الأهم

شكرا كتير لكل الي أيدو مشروع احياء اللغة العربية
وفعلا انا جدية فيه بس هلأ ما فيني بلش
لأنو شي شهر زمان ورح اسافر شهرين زمن
وحابة انو لما ابلش اكمل وقبل هاي المدرة رح اكون معجوقة شوي

بس على الأقل فينا نبلش هيك عشوائيا انو نبدى نرد بالفصحى ع المواضيع الجدي منها على الاقل
لحد ما يبلش المشروع بشكل فعلي

كان المفروض أرد بالفصحى هون^_^

[الدكتور امير]

م م م م
تمام صديقي العزيز
و انا معاك في الي حكيتو

بس ما بعرف ليش الناس و بالذات كتير البنات حكيهم بكون هيك

مشان يعملوا حالهم اتيكيت
بس الله يهديهم

و يحكوا طبيعي

[Arabian girl]

الصراحة انا بخالفك يا محمود
الشخص مو ادا بحكي بالآل والئيل مو يعني راقي او انو بتصنع هادا الشي بطبيعتو حسب المجتمع اللي هو في بعدين في بعض الكمات اللي انت كاتبها ما حدا بيحكيها من الال والئيل متل الئرئان
وليش علقت ع الئيل والال وما علقت ع الكاف والجاف في سبب محدد ؟؟
مع كل احترامي الك بس هادي وجهة نظري

[Arabian girl]

المشاركة الأصلية كتبت بواسطة الدكتور امير م م م م
تمام صديقي العزيز
و انا معاك في الي حكيتو

بس ما بعرف ليش الناس و بالذات كتير البنات حكيهم بكون هيك

مشان يعملوا حالهم اتيكيت
بس الله يهديهم

و يحكوا طبيعي

الله يهدي الكل

بس لانو هادي لغة من اللغات العربية المحرفة متل الكاف في ئال بعدين هادي اللغة النابلسية
يا حلوين
مش انو انا مع او ضد بس انو ليش هادي اللغة بالذات
صح في ناس بتصنعو وما بحكو بطبيعتهم بس في ناس همة هيك اهلهم كانو بيحكو هيك والمجتمع حوليهم هيك فصارو يحكو هيك

مع احتلرامي لوجهات نظر الجميع

[الدكتور امير]

ممكن لكن ما في احلى من اللغة العربية الفصحى