.][ ملتقى‘‘ لآلئ الجـنـان ‘‘ لفتيـات المنتدى .. باب الإنتساب مفتوح ][.

[.:.!دموع الرحيل!.:.]

كيفكم يا بنـات ؟

اليـوم بإذن الله رح نبدا مشروع خاص بفتـيات المنتدى ..

رح بيكون هالمكـان كـ ملتقـى لإلنـا ..

نجتمع فيه دايما ... نتعرف ع بعض أكتر ..

ونعرف أخبار بعض بشكل دائم ..

نشتغل سوا .. ونفرح سوا .. ومن غير شر ما نزعل سوا

رح أشرح إلكم طبيعة المجموعه ..

بداية إسم المجموعه التي ستضمنـا تحت ظلهـا

ღ لآلئ الجـنــــــان ღ

وشعــــارنــــا فيـهــــا ..

::::

مسـلمـات مؤمنـات قانتــات

................. زادهن الدين حسـنـا ً باهراً

.................................. فوق مـا أوتين من حسن السمـات

::::



أولاً الهدف ::



ان نحسن ونوطد علاقتنا الأخوية في المنتدى .. كي تتحول من علاقة جافة وسطحيه

إلى علاقة تراص وبنيـان يحفها رضى الرحمن .. وأخوة في الله .. أغلى من كل العلاقات ..

سنجتمع على طاعة الله ,, فكيف ذلك ؟!

- سيكون هناك برنامج عبادة متجدد .. ومتدرج ..

مثال أن نبدأ بالأسبوع الأول .. على الاتفاق بأن نقرأ كل يوم صحيفتين من القرآن الكريم ..

كل فتاة انتستب لهذه المجموعه .. لا تدخل هنا حتى تكون قد قرأت الصحيفتان..

وذات الأمر بالنسبة للأوراد وهلم جر ..

يعني بندخل نكتب .. " تم " وبعدها بنحط المشاركات الي بدنـا يااها ..

ان شاء الله يكون وضح الأمر بالنسبة للبرنامج الديني ..




ثانيـاً :: سنلتقي على

التسلية والفرح .. والتكلم في الأمور البناتية ..

مثلا اليوم انا اشتريت تياب ,, وحبيت أخد رايكن فيهن ..

بصورهن وبنزلهن هون ..

أو اشتريت تياب ومش عارفه شو ألبق عليهن .. كمان بنزل القطعه لتساعدوني

باختيار اللون المناسب ..

أو عندي مناسبة .. ومش عارفه شو ألبس .. كمـان ممكن ناخد آراء بعض ..

يعني جو من الأخوة والصداقة ان شاء الله رح ننبسط فيه كتير ..





ثالثـــاً :: نشاط تعاوني

في المنتدى

رح يكون عـنـا أعمال جماعية ونشاطات ..

نفكر سوا ونبدع سوا .. ونرتقي بالمنتدى سوا ..

بداية كطبيعة مشاركـات .. كلنا بدنا نحاول نحسن من طبيعة ردودنـا ..

كي نعـكس صورة الفتـاة المسلمة .. الراقية الملتزمة .. والمرحة بنفس الوقت ..

وهالشي ان شاء الله رح بنحكي فيه خلال اجتماعنـا اليومي هون ..

أيضـاً .. رح بيكون إلنـا نشاطات موحدة .. في كل مناسبة ..

مثلا .. هلأ قربت ذكرى النكبة الشهر الجاي .. كلنـا هون رح بنحضر الها ..

وكل وحده رح بتحط أي فكرة ممكن نعملهـا عشان هالمناسبة ..

وبنختــار .. الأفكار الأفضل وكلها رح تنزل بموضوع واحد ..

والي رح ينزل الموضوع ..

عضوية جديدة تتكلم بإسم كلنــا

اسمهـا

:: لآلئ الجنـان ::

هالعضوية .. هي الي رح تنزل كل المواضيع الي بنحضرهـا سوا ..

وهي رح تكون الناطقة بإسمنـا ,,





رابعـا ً .. التكريم للملتزمات بالمجموعه والمثابرات ..

طبعا الملتزمـات والمثابرات والأفضل في المجموعه ..

رح يتم تكريمـهـا .. ومحمود وعدنا بهالشي ..

ومش بس وحده الي رح تتكرم لا طبعا .. كل الي التزموا فعلا بالمجموعه

وثابروا بالالتزام بالبرنامج الديني ( طبعا ربنـا أكبر شاهد :) )

وارتقوا بردوهم بالمنتدى .. أكثر وأكثر ..

همي الي رح يتم تكريمهم .. لاحقـا ً ..

وإضافة الهم لقب يليق فيهم تحت إسمهم ..

//

هذا شرح عام لطبيعة المشروع ..

بحب ألفت انتباهم .. انه البرنامج الديني هو من أولويات الموضوع ..

وأخوتنا ومحبـتنـا ..

وبالنسبة للبرنامج الديني .. رح يتم الإعلان عن ورد الأسبوع في العنوان ..

خلو عينكم عليه ..

ان شاء الله تكون وضحت الفكرة ..

وتكونوا حبيتوهـا ..

وتسعدونـا جميـعـا بمشاركاتكن ..

وانشوفكن كل يوم هون ونعرف أخباركن ..

الدردشة مسموحة .. لكن ضمن حدود .. عشان الي بتيجي مأخرة

تقدر تقرأ كل الردود ..

وبتحبوا انه كل يوم نفتح موضوع معين نحكي فيه ونستفيد منه كمـان ما في مشكلة

المهم التواصل المفيد دائم بيننـا .. وما ندخل الا بعد ما نكون أتميـنـا الورد اليومي ..

الي رح نتفق عليه ..




بقي عنـا

التوقيع الموحد

كل بنت بتدخل هون .. وحبت الفكرة وقررت تنتسب لمجموعة لآلئ الجنـان

بوسعهـا تشاركنـا التوقيع الموحد ..

الي هو رح يكون على هالشكل ..


.[ مجموعة لآلئ الجنـان لفتيات المنتدى ].

//

نفس التنسيق كلنـا

عملناه حجم صغير عشان تقدروا تحطوه توقيع أضافي ..

مع التوقيع الأساسي عندكم ..

بس إذا كان التوقيع تاعكم كبير

نقصو منه .. صغروه .. يعني ما تحطو أكتر من صورة ..

وزيادة عليه توقيع المجموعه ..

عشان يضل ضمن الترتيب ..

التواقيع الكبيرة مش حلوة ..

مممم

بس هيك ..

وأي سؤال يا قمامير .. او استفسار نحن جاهزين ..

بانتظار انضمامكن إلنـا ..

[.:.!دموع الرحيل!.:.]

بيسعدني كون أول المنتسبــات ..

وبانتظاركن ..

على بركة الله

[بسكوتة]

وأنـا كمـان بدي أسجل

الفكـره كتيـر روعـه

لإنـو لو بدي أعمل شغله مفيده مثلا أقـرأ قرآن

لازم حد يضل يشجعني حتى أعملها

وإن شاء الله خيـر

يسلمـو إيديكي حبيبي نـانـا ..

ما ننحـرم من أفكـارك المتميـزه والله ..

[الرمشـ الحساسـ]

أول شي بحب أشكركـ نانتـــــي على هالفكرة الروعــــــــة..
تانيا لآلئ الجنان اسم بجننننننن..

و ان شا الله رح اكون ضمن المجموعـــــــة ورح التزم..
كووووووول كوووووووووووووووول..

واخيرا بحب احكيلكـ ربي يسعــــــــدكـ ويجزيكي ألف خيــــــــر..
ويعطيكي الف عافيـــــــة..



مشروع ناجح بإذن الله..



الله يخليلنا اياكـــــــــــــــي وما يحرمنا..
مبدعـــــــة دائمـــــــا..



فدييييييييييتكـ والله.........

[.:.!دموع الرحيل!.:.]

يسعدلي ياكن

نورتوا المجموعه وزدتوهـا بركة ..

يا هلا فيكم .. بانضمامكن يا غاليـات ..

//

وبحب أشكر جميع مشرفات المنتدى ..

هني ساعدوني بالفكرة وراء الكواليس ..

وإلهم الباع الكبير ببلورة الفكرة

وعلى راسهن

إسراء الفلسطينية & Pink Rose

الله يسعدهن كلهن

[.!. وردة الأقصى .!.]

ييييي تسلميلييييي ننوش

فكره حلوة كتتيييير يعطيكي الف عافيه حبيبتي

واناا معكم راح اكون بالمجموعه

وان شاء الله كل البنات يتفاعلو بهالموضوع

الله يجزيكي كل خير ننوش على الأفكار الروعه :)

[صاحبة القلم الحزين]

واذا بديش انتسب شو بصير

يا الله عليكي يا نانا

يعني لازم تغلبيني بكمان رد على نفس الموضوع

منا قلت انه الفكرة حلوة بقسم المشرفين

منتي عارفتيني كل عشر سنين برد رد يعني ضروري هالغلبة

لا عنجد

الفكرة كتير حلوة

الله يرضى عنك يا أم الأفكار انتي

وانا اعتبريني اصغر المنتسبات المتشرفات بهالمجموعة الروحانية



على بركة الله

[ابنة الشتات]

ما شاء الله ..

أفكار مبدعة متميزة دائماً..


أحلى شي بالدنيا الواحد يلاقي ناس يرتقي معهم بالدنيا للآخرة :)

خصوصي شغلة قرآة القران
وبجوز لقدام نحفظ سوا ^^


بس ازا كل شي رح يكون بموضوع واحد بصير عجقة كتير ولخبطة ما بعرف انا هيك بحس م1

بالنهاية اللهم يعطيكم ألف ألف عافية

واسمحولي أنضم للمجموعة


ونلتقي لنرتقي
^^

[نسمة بلادي]

*0^

بما انو المشروع هدفو ديني باذن الله

رح ينجح ويلاقي شهرة....

وطبعا بدنا تفااااعل كبييير من كل الصبايا

فلننطلق على بركة الله

وأدامكم الله ذخرا للاسلام والمسلمين

تسلميلي ناناتي

[نسمة بلادي]

المشاركة الأصلية كتبت بواسطة .:.!دموع الرحيل!.:. يسعدلي ياكن

نورتوا المجموعه وزدتوهـا بركة ..

يا هلا فيكم .. بانضمامكن يا غاليـات ..

//

وبحب أشكر جميع مشرفات المنتدى ..

هني ساعدوني بالفكرة وراء الكواليس ..

وإلهم الباع الكبير ببلورة الفكرة

وعلى راسهن

إسراء الفلسطينية & Pink Rose

الله يسعدهن كلهن

لا شكر على واجب