تخيلي خطيبك يرسلك هل المسج...........

[sweet soul]

المشاركة الأصلية كتبت بواسطة الحان الحرية ـههههههههههههههههـ

اولاً استفسر ..

تانياً ابصر شو يصير ع حسب ...

غالباً

راح اختفي من حياتو

تالتاًَ

ممكن ما يصير اشي لأنه دلعي هو توتي ـههههههههههـ بتهبل :P فاهمة انه قصدك اسم ما الو دخل باسمي

و اخيراً

الله لا يوقع حدا بهيك موقف ..

و بالنهاية

يسلموو حبوبتي ع السؤال ^^

يسلموووووووو يائلبي نورت ياعسل

[بنت الرملة]

ما بعمل اشي ,,

بستنى تاني يوم يبررلي فعلتو المشينه

ما برر !!

بسكت ومش تطنيش,, لا طبعا ,,

عشان اطلعها وأردها بوقت تاني ,, وبردها بالمثل او بأقوى شوي


العين بالعين والسن بالسن والبادي اظلم

[عالجوني يحسبوني مريضه]

أضحي به في نهار العيد
هههههه

[.!. وردة الأقصى .!.]

هههههههههههههههههههههههههههههه

ضحكتوني والله

هههههههههههههههههههههههه

طيب أنــــا صاحبة الافكار الغيرشكل راح أحكيلكم شو بعمل

اول شي ببعتلو بلطجيه يضربوه ويكسرو رااسو لأنو بنات الناس مش لعبه

تاااااني شييي بحكي لبابا مشان يبهدلو كمان

ههههههههههههههه

لالالالا بمزح :p

بس عنجد يمكن اناا شوي ئلبي حساس زياده عن اللزوم

يمكن بنصدم بالشخص اللي حبيته

وفورا ً بنهي الخطوبه وكل واحد يروح في حال سبيله

لأنو اذا هلأ بعمل معي هيك

كيف بعدين !!

يعني راح اشوف الويل لو صار في نصيب وتزوجنا

هههههههههههههههههه

يسلموو حبيبتي على طرح الـــــسؤال

[لولو اليبناوية]

ههههههههههههههههههههههه

وانا كمان بجد ضحكني

لا ومش اي اسم توتو

ممممممممم اول شي طبعا عملية استشهادية بعمل بتوتو وحبيبها لتوتو

يعني بروح بجيب قرارها لتوتو...وبعدين بدفنهم جمب بعض

عشان القصة الرومانسية تكمل...وبشغل اغنية رومانتيك حزينة..على ئبرهم

وبرش ورود حمرااا وبحط توقيعي عاليمين بالزغير ( لولو يبنا )..

هههههه لا لا جد..

ممممممم بشك اكيد

بس بنفس الوقت بحكي يمكن والله اجا عبالو الولد يخترع اسم دلع جديد

او بكون جاي عبالو بشبس ( توتو ) فاسترسل كتير بحكيوو..ههههه

يسلمو عالموضوع سويت..

[RaWaNoOo]

يعني بالاول اكيد بفكر اعمل عملية اجرام في و في توتو التانية

هههههههههههه

بس يعني بحاول استفسر

بس بستفسر بطريقة عصبية اكيد

و يمكن يكون في مليون سبب

بلكي هو حي يدلعني توتو

و يمكن يكون حدا عمل هيك لحتى يوقع بينا

يعني بضل القرار الاخير هو اني ابحث في الموضوع عن طريق التفاهم

و شكرا الك على السؤال الرائع ^_^

[B a s i m a]

ههههههههههههه

لا عادي...كله جائز

أكيد أول رد فعل حيكون : "توتووووو!!!!" "مين توتو!!!!!"

بعدين راح تبدا النقاشات...

مش بعيد يكون هدا مئلب عامله عشان يجس النبض يعني...

كتييير ختيبي بيبعتلي مسجات...بعدين بسألني: "وصلوكي"...بحكيلو : "لاااااااااء..أي مسجات؟" و بالنهاية بيطلعو واصلين لحدا تاني...

يعني هيك مواقف بتصير كتيييييير سواء بقصد أو من غير قصد

[m.f.g]

انا مارح احكي معو بس رح انساه وامحي رقمو من عندي وما ارد عليه ابدا ابدا ابدا

[هلــون]

هههههههههههههههه يئطع شرك يا نونو


انا والله لو صار معي .. بركب بسيارتي .. وشو ما كانت الساعه ما بتفرء لانو خطيبي بيني وبينو 5 دقايئ .. مش هون القصة ..

بركب سيارتي على بيتو .. وما يشوف خييير ..

والله لارتكب جريمة فيها .. شغله مو سهلة .. وخاصة لما يكون عاملك حالو بريئ وما عندو علاقات سابقة .. يا حبيبي هالمسج يمكن يدمرني .. بطلت اعرف شو بدي اعمل هههههههههههه


ولا بحطلو ولا حجة .. لانو خطيبي ما بعطي تلفونوا لحدا .. فعارفوا ومتأكدة انو رح يكون قاصدها ميه بلمية لحدا ..


انحرءت اعصابي وهوي موضوع ونقاش .. كيف لو صار جد

[بسمة فرح]

بشك بحبه .. بعتبرها خيانه

بتبلش النقاشات لنعرف مين توتو

بلكي صاحبه اسمه توتو .. بلكي بدلعني انا توتو

ولو كان مبرره مقنع بمشيها

لو ما اقنتعت بمبرره بحكم عليه بالخيانه