][®][^][®][مــــــآيــــك المــنــتــدى مع مديرنا مــحــمــود][®][^][®][

[القلب الطيب]

المشاركة الأصلية كتبت بواسطة NIGHT QUEEN

اخي القلب الطيب

ما شاء الله عنك

ع فكرة وانت بتحكي عن حياتك الدراسية

كأنك بتحكي عني بالزبط

في كتير اوجه شبه

بس عن جد

ما شاء الله عنك

مواقفك وطرائفك حلوة

^_^

موفق ان شاء الله

ههههههههه
يعني في تشابه بالمواقف بيني وبينك
يمكن تكوني بتقربيلي وانا مش عارف
ههههههههههههههه
يسلمو على مرورك اختي
كلك زوق
ربنا يحفظك

[[ Islam ]]

ما شاء الله عليك يا طيب ,,

ما غلط يوم سماك صاحبك [ القلب الطيب ] : )

تعرفنا على شخصية راااااائعة ,, قليلون هم أمثالك : )

بس قصة الشبه بين وبينك أخـــوووك غريبة فعلاً بس حلــــوووه ^^

الله يسعدك ويجــــوووزك .. ^^

[حنين الروح]

ما شاء الله عنك أخي ...
والله من يوم يومي وانا بحكي عنك ما شاء الله محترم ومثقف وخلوق ...
وإلك من اسمك نصيب كبير " القلب الطيب " ...

لما حكيت عن انك لما تكون قاعد مع حدا جديد وما بتحكي كتير زكرتني بحالي ...
انا هيك .. اول مرة بكون بحكي ولا كلمة .. بس مستمعة ....
بصيروا يفكروني هادية وما بحب الحكي ..
بس مرة على مرة ...
بنطلق .. وبصير هات اللي يسكـتني ...

استمتعت كتير بقراءة سيرة حياتك ..
واحداثها الحلوة ...
وخصوصا شبهك انت وأخوك ...
وحياتك الدراسية الصعبة ...

يعطيك العافية أخي ...
والله يجزيك الخير ع تعبك بالمنتدى ...
ويوفقك دنيا وآخرة ...

تقبل مروري ...

[*ريحانة القلب*]

يعني فعلا اتفائلت بالشباب

الحمدلله انو لسه في خير

هيك الي بقرأ كلامك وكلام مؤيد

بحس انو فعلا لسه في شباب ملتزم

الله يثبتك اخي

ويزيد ايمانك

ويكتر الشباب الي متلكم ..



كل الاحترام




..

[القلب الطيب]

المشاركة الأصلية كتبت بواسطة Pink Rose

ما شاء الله عليك ..

الله يخليك ويحفظك لاهلك

انا متل عبير فلسطين كنت بتوقعك شخص هادي

وهيك بلاحظ من ردودك ,, بس ما خفي كان اعظم *_^

هههههههههه ..

هههههههههه زي ما حكيت ل عبير فلسطين انه


انا كنت شقي زمان ايام المدارس
بس هلحين ما بتشاقى الا مع صحابي المقربين كتير
اما مثلا زيارة على قرايبي او لما اقعد مع ناس اول مرة بأشوفهم يمكن ما بحكي 5 كلمات على بعض
هههههههه

المشاركة الأصلية كتبت بواسطة Pink Rose

اما اسمك جد كتير حلو ولابقلك :)

..

تشتريه ؟؟!!
ههههههههه
تسلمي اختي
كلك زوق

المشاركة الأصلية كتبت بواسطة Pink Rose

وقصتك مع اخوك بتموت من الضحك

الله يخليكم لبعض يا رب :)

وان شاء الله موفق بحياتك اخي ..

ههههههههه
الله يسمع منك اختي
يسلمو على مرورك الجميل
ربنا يحفظك

[.!. وردة الأقصى .!.]

أوك

هلأ بحب اتشكر القلب الطيب كتير

وعنجد استمتعنا معك بالمايك

وبتمنالك السعادة والتوفيق يارب في الدنا والأخره

................................... .......


هلأ خلص اسبوع القلب الطيب واجا دور عضوة عسولة لزيزة

دمها عسل وابدا ً مابتخيل المنتدى بدونها

قلبها طيب كتير وعفويه

يسعدني ان اقدم لكم ضيفة المايك لهاد الأسبوع

بـــــســــكـــــوتـــــه










المايك بيدك حبيبتي بسكوتتي ... مين ئدك

تفضلي ...

[بسكوتة]

يعني أنا بعرف دوري قرّب بس مش اليـوم

ههههههههههههههههههههههههههههه

لإنو رواية ريـا وسكينه ع قولة ليمـار كانت لسه شغاله

ومش عارفه مين حتحط وردة ههههههههههههههههههه

تسلميلي يا ندوش على الكلام الحلو

ما ننحـرم منك ولا من مقالبـك

ما علينـا

والله كتير حابه أحكي وأبـرم بس الظروف مش مساعده ههههههههههههههههه

رح أرجع إن شاء الله أكمل بالبيت ع راحتي ^.^

لإنـو أنا هـلقيتـااا بالجـامعـة

ترقبـوا حلقـات مسلسل بسكوتااااا والأيـااام

ادعـولي بس علي امتحانين بكرا

بس إن شالله رح ألحق هون وأكتب كل شي بدي ياه

يلا ديداااااي يا حلـوين

[بسكوتة]

عـدنــااااا

رح أبلـش أحكي عن المنتـدى وكيـف عرفتــه ..

أكيــد أغلبـكم بعـرف قصة دخولي عالمنتـدى ..

إنـو عرفتـو من ميـهي ولـولـتي ..

وكنت جديد متعرفه عليهم وجديد داخله الجامعة ..

أول ما دخلتـو كنت كتيـر مبسوطة والكل يرحب فيي وأنا مش مصدقة حالي هههههههههههههههه

وأول مرة كنت بتعلم كيف أنزل المواضيع وكيف أشارك مع الأعضاء

يعني أول موضـوع إلي كان بالصور بس بتزكر نزلتـو بالعـام

وكانت ردودي كلام فوق بعض

وبتزكر طبعا موضـوع نانا تاع البسكوت هههههههههههههههههههههههههه

اللللله هداك كان يوم عالمي حسيت حالي شغله

وكمان لما فتح قسم الألعاب لإنو لما دخلت كان مسكر وبلشت الأعضاء تشارك وتلعب

وأنا ما بعرف كيف بتنلعب أصلا .. أفـوت بس وألاقي أرقـام هههههههههههههههه 1 2 3

وما أفهم شو القصة .. وبتحكيلي لولو عالمسن ولك بالدور بتعدي رقم رقم وبتضربي الكف

أو بترمي البيضة وهكذااااا

وبدي أزيد كمان شغله عن المسابقة اللي عملناها أنا وهنـوي مرة وكانت تحت رعاية فرقة شباب فلسطين المحترفين ^^

كانت روعة كتيييير والكل استمتع فيها وأظهر مواهبه في المطبخ

من بيتـزا هلون لكيكة وسينابون لـولـو هههههههههههههههههههههه

أكتر الأقسام اللي بحب أشارك فيها هوي قسم الصور والمنتدى العام وقسم الأحبـة ..

وشو كمان يا بسكوته

نيجي لأعضاء المنتـدى شوي .. والله حبيتهم كلهم وتعودت كتييييير عالمنتدى

صرت فيـو ليل نهار .. ومداومه على مدار 24 ساعة

والحمدلله لسه موجودين وما انقطعوا إلا كم واحد بس :S

يعني من البنات نـانـا وسوسو وهلـون وصاحبة القلم الفرفوش وأنجيلا وفجر الحيـاة ونـور اليقيـن

وتوين وفراشة والأماني وأسيـرة النجــوم ونهـال وسـالييييي وبسمة فرح وأنيـن وإسلام وهنوي وفري ولموس وعاشقة فلسطين

يعني كتير بنات والله بس هدول يلي تعودت عليهم كتير كتير وحبيتهم جد

..

ومن الشباب الأخوه .. كمان كتـار وكلهم بعزهم وبحترمهم ..

بو هبوش وأبو النـور وابن فلسطين وأبو محمد وفارس فلسطين وأميـر العـرب وسيد الظلام ومحمـود

والقلب الطيب وقسامي غزة وعاشق الحـور ومـؤيـد ومحب الأقصى

...

اعذروني إزا نسيت حد

بس أعضاء منتدى شباب فلسطين ما شاء الله عليهم كتـار .. وصار في بيننـا عشـرة عمـر

وفي أعضاء ما شاء الله ما شاء الله

أثبتت وجودها بخلال شهرين تلاته متل : وردة الأقصىا وحورية فلسطين والرمش الحساس وكسوله وكسول

وريحانة القلب ونسيم الروح وبينك روز ووايت كات وباسمة ونايت كوين وليمـار ونابلسية كح ونبض الأقصى

وبنيمارو وتحدوه البشر وجرح بملامح إنسان





حاسه حالي بسمع درس ههههههههههههههههههههههههه

وفي ختــااااام حلقـة المنتــدى أحب أن أوجه تحيـة حـب وتقـديـر ومعـزه ووفــاء

لكل الجاليه المغربيـه اللي معنـا بالمنتـدى واللي منـــورتنـا بناسها الطيبـه والأصيـله

جد الله لا يحرمنا منكم .. صرت متشوقه كتير أشوف المغرب وأهلها عن قرب

سمية الإسلام وعاشقة حماس ونـــور ونـــور اليقييييين

ومحب الأقصى وزكريـاء وكل المغاربه اللي معنـا ربنـا يسعدهم


............


وهييييك بكون خلصت أول شي كنت حابه أحكيه عن المنتـدى :)

هوي لسه في طراطيش بس خليهم للأخير

وبالحلقة الجاااااي إن شاء الله .. حلقـة بعنـوان بسكوته والمدرسه

ترقبــوووووووووووا

وادعولي رايحة أكمل دراسه

[بسكوتة]

عدناااااا من جديد

رح أحكي هلأ عن المدارس اللي درست فيها

أولا الروضة

ما بتزكر ولا شي عنها ولله الحمد ههههههههههههههههه

بالصف الأول كنت مستمعه يعني ضيفه عالصف بروح بلعب وبرجع عالبيت

وكانت ماما معلمه بنفس المدرسه وأروح عالصف اللي بتدّرس فيه وآكل كل اللي بدي ياه

لإنو البنات اللي ماما كانت تدرسهم كانوا كبار بتزكر يمكن بالسادس وكنت أخاف شوي من اللي أكبر مني

بس همي كانوا يلعبوني ويطعموني وأنا في عز ونعيييم هههههههههههههههههه

...

بتزكر شغله عن مدرستي وأنا يمكن بالرابع الابتدائي

هيي مدرسه ضليت فيها 6 سنين من الأول للسادس

وأنا بالرابع كانوا يعملوا مسابقات عالصبح هيك بالإذاعات

يعني بختـاروا بنت من أي صـف وبسألوها سؤال إزا جاوبت صح بعطوها الهديه

إزا ما جاوبت صح بسألوا غيرها

الموهيم أختكم بسكوته طلّعتها المعلمه عشان أشارك وأجاوب عالسؤال

والبنت قال بتقرأ بالسؤال بتزكر كان فيو دجاجه وبيضة هههههههههههههههههههههههه

يعني ناسيه صيغة السؤال المهم كان رياضيات وفيها حساب

وكانت البنت بتقرأ والهوا بلولح بالورقة ههههههههههههههههههه

وأنا كنت واقفه بس عيني واصله عالورقة وقادره أشوف شو مكتوب فيها

أنا وقتها ما كنت حتى أسمع شو قاعده بتسأل

بس كنت شايفه الجواب كان مكتوب عالورقة هههههههههههههههههههههه

حتى كان الجواب 28 دجاجه ..

المهم ضليت أستنى بالبنت بس تخلص قراءة السؤال كل هاد وأنا عيني زايغة عالجواب وشايفتو

بس وقفت ومدتلي الميكروفون حكيت تمانيااااا وعشرييييييين جاجه :D

حكت صححححححح وكل الطابور يزقف هههههههههههههههههههههههههه

المهم أخدت الهديه .. أشك إنها كانت مشبوهة لإنو شفت الجواب

بس والله الورقة كلها انفتحت قدامي من الهوا اللي نسم علينا

وكانت الهديه أقلام تلوين فولوماستر

والأزفت من هيك إنو بس بلشت الحصة الأولى رحت عند المعلمه وقلتلها أبله شوفي الألوان عندي ناقصه

في قلمين واقعين .. وعامله فيها مسكينه هديتي مش مزبوطه

حكتلي روحي عند أبلة الرياضة واحكيلها بتغيرلك العلبه

وأنا ما كزبت خبـر هههههههههههههههههههههههه

رحت عندها وفرجيتها العلبه راحت طالتلي علبه جديده من الكرتونه

كل هاد عشان الجواب كان 28 دجاجه هههههههههههههههههههه وبالغش كمان :S

.....

ومـرة بنفس المدرسه كتير إلي مواقف فيها

مرة المدرسه هيك وإحنا بالفسحة قلبت مناحة جماعيه وصراااااااخ

لإنو وصل خبر عالمدرسه إنو معلمه مصريه كانت بتدرّس فيها وكان معها سرطان بعيد الشر عنكم

ووصل خبر إنها توفت والكل يعيط ويصرخ وأنا أعيط على عياط البنات بس لإنو ما كنت أعرف المعلمه منيح

الله يرحمها على حال :) ..

.....

هالمدرسه كنت أحبها كتييييير وقريبه من البيت

كان بابا يوصلني وكنت أروح بكير عمدا عشان ألعب أنا وصاحباتي

كنا نلعب شمس قمر نجوم ههههههههههههههههه وكتير شغلات

يعني هيك والمدرسه فاضيه والساعة لسه 7 الصبح والله أيام روعة

وكان أكره ما علي بالمدرسه الفسحة وكيف أشتري من المقصف

لإنو البنات فوق بعض وبروحوا فيها ههههههههههههههههههه

وأنا كنت صغيييره ولما أوقف بين بنات السادس والخامس ما أبين :S

لإنو بهديك الأيام كانت البنت لما بتكون بالخامس والسادس تكون شارطه طول ما شاء الله هههههههههههههههه

....

طيب بتزكر مقلب عملوا فيي صحباتي وأنا بـأول إعدادي

الله يصلحهم الشله اللي كنت معها

وحده منهم اسمها أحلام اتفقت من الصبح إنو تحكيلي إنها مش ماكله شي من مبارح ومريضة وحالتها حاله

وأنا يا حرام أدلل فيها وكنا قاعدين بالفسحة دوبها مبلشه الفسحة ولا الفرصه اللي هيي يعني

وكانت معنا بنت تالته من الشله .. فجأأأأأأأأأأة أحلام عملت حالها إنو وقعت على البنت

اللي كانت قاعده معنا يعني ارتكزت عليها وضلت مغطيه راسها .. إجيت أنا انجنييييييييييت

وأصرخ أحلااااااااااام قووووووومي أحلاااااااااام اصحيييي والبنت اللي معنا تنادي قال معي ..

الزفته وااااء وهيي من قلبها بتكون بتضحك .. قال وأنا اشتدت فيي الحماسه

وخفت عليها وبصرخ مش ماكله من مبارح ومريضة وأبصر شو ..

رحت ركض عند الممرضة واحكي وصوتي متقطع في في بنت أغممممى عليها بالساحة وأعيط

ولا لفيت وراي لقيت كل البنات قاعدين بضحكوا :(

لقيت كل الشله وراي :|

وأحلام واقفه بعيد وبتضحككككككككك وفرطاااااانه ضحككككك

أنا بطل فيي عقل هههههههههههههههههههههه صرت أصرررررخ ورحت عالصف أصرررخ وأعيط

لإنو قلبي وقع يومها حسبي الله فيها

وضلوا يراضوا فيي ورضيت بعدين بس ما بنساه هاليـوم ..

......

لو أحكي من اليوم لبكرا عن قصصي بالمدرسه ما رح أخلص

نكمل إن شاء الله مع حلقة أخرى مع هالمواقف بس أتزكر كمان

وبعدين إن شاء الله رح أحكي عن التوجيهي والأردن والجامعة ..

[بسكوتة]

راقب يا خيـو راقب

هلا بتيجي وردة الأقصىا وبتحذف الرد ههههههههههههههههه

ما علينـا ..

الصبح امتحنت محاسبه وخبصت شوي :)

ضل الامتحان التاني عالمغرب ..

نكمـل هلا عن المدرسه والمواقف اللي صارتلي وأنـا فيها

مش قادره أتزكر قد ما همي كتار ههههههههههههههههههه

طيب بالمدرسه لما كنت بالابتدائي يمكن الصف الرابع أو الخامس

في إشي اسمو الصحة المدرسية يعني بروح عند الممرضة يلي بالمدرسه

وبس تشوفني مريضة مريضة عن جد لإنو في منهم كانوا يكزبوا بس عشان يروحوا عالصحة

المهم وبودوني عالصحة المدرسية يعني على حساب الوزارة

بس هلأ بطلت عحسابهم ههههههههههههههههههه المهم كنت كتير أحب مشوار الصحة المدرسية

مع إني مريضه ومستويه ... كنت دايما أروح بس أكون مرشحة أو سني بوجعني

وشو كنت أعمل أنا والبنات اللي معي .. كنا نروح عند دكتور الأسنان فلسطيني هوي بس كتير حبوب

ونقعد ويجمعنا ولاد وبنات كلنا هيك رابع وخامس ويحزرنا حزازير

وما بتزكر منو غير هالحزيره .. عشره وعشرتين وقدهم ع مرتين وخمسه وتلاته وتنين كمم يا حلوين

إجيت أنا فكرت بسرعة وبدي أجاوب قبل الكل رحت حكيت تسعه وتسعيييييييييييين

حكا الدكتور خممممسه وتلااااااته وتنيييين كم هههههههههههههههههههههههه

بعدين في ولد زنخ حزر عني وسبقني وصار يصرخ ميه ميه .. يا خسارة

......

ومرة يا اللله كل ما أتزكر بنجنننننننن وبنرعب رعبه قد الدنيا

مرة كنت مروحة من المدرسه وكان عمري يمكن 12 سنه :(

بس وصل الباص ع حارتنا ونزلت ولسه في كم خطوه بوصل على باب البيت

كان في شلة زعران ولاد هيك 17 و18 وجايبين معهم كلاب عشان يخوفوا البسس يلي بحارتنا :(

تخيلوا :(

يمااااا أنا شفت المنظر من بعيد والكلاب بتعوعو وبتهجم عالبسس والولاد بضحكووووووا وفرطانييين ضحك قال

الله يوخدهم :( وحرام في بسس عن جد ماتوا يعني زي الحرب كانت :S

وأنا بطل فيي حيل صرت أركض ورحت عند أقرب بيت قدامي هههههههههههههههه كان بيت صاحبتي يعني

ودخلت وحكيتلهم القصه وضليت عندهم لحد ما خلصت هالمجزره ^^

يمكن لو كملت طريقي عالبيت كانوا الولاد غيروا الخطه من كلاب تهجم على بسس لكلاب تهجم على بسكوته ..


....

طيب هاي قصة أكشن مررررة

بنفس هالحارة هيي منطقه ضليت عايشه فيها 12 سنه يمكن ..

وهيك كلها فلسطينيه وناس وعالم وولاد زغار وأطلع مع البنات ونلعب كرة قدم مع الولاد

أو نتزلج أو نلعب حجله كتير كنا والله ... بس هلا العيال كبرت شباب وبنات وصاروا بالجامعات ما شالله

المهم مرة هالحاره الهاديه العاديه وكانت الساعة 3 الضهر والناس ببيوتها بتتغدى

سمعنا صوت بالحارة رجال بتصرخ والناس بتدق ع أبواب بعضها عشان يطلعوا يشوفوا هالشوفه

كان في خدامه فلبينيه أو سريلانكيه منتحره بحبل والحبل ممدود من البلكونه وهيك وجهها كلو أسود وأزرق

مين شاف هالخدامه .. واحد جارنا كان راجع من الشغل ولا شاف وحده معلقه هيك من البلكونه ومنتحـره

راح اتصل بالشرطة ودق عالبيوت عشان تشوف هالشوفه بس يا خسارة بابا ما خلى حد يطلع من البيت يومها

بس الناس بتقول إنو كان منظرها رعب والعيـاذ بالله ..

وإنها انتحـرت لإنو هالجماعة كانت تعزب فيها وتبهدلها وكتير متضرره منهم

حتى ما كانوا عرب يمكن أجانب أو من الهند مش متزكره لإنو ما كان حد يختلط بهالعيله ..

بس جد يومها كان رعب وفيلم سينما تقولوا هوليوود

.....

ومــرة كمـان بنفس الحـارة فاضت مي المواسير تاعت عمان علينا ههههههههههههههههه

لإنو المنطقه اللي كنا ساكنين فيها كتير كتير قريبه ع حدود عمان

والحاره صارت مسبح ونطلع نعمل سفن ونمشيها ههههههههههههههههههه

وإزا طلعنـا نلعب بالمي نتبهدل بهدله ما صارت بس ما كان حد يرد

حتى متأكده أنا أكيد أهالينا كان نفسهم يلعبوا معنا بالمي لإنها مي نضيفه للشرب

بس يا حوينتها كلها انكبت بحارتنا وعبت الدنيا ضلت يمكن يومين تلاته

وكل السيارات خربت وبطلت تمشي ههههههههههههههههههههههههه

..........

وهييييك خلصنا حياتي ومواقفي مع المدرسه والطفوله المغدور فيها