هل انت سعيد ؟!

[خيـرَ أُمـة]

يعني مابتتخيل ئديش بنبسط لما أسمع ماما أو بابا بحكولي الله يرضى عليكي

الله يرضى عنك يا وردة .. ويعطيكي حتى يرضيكي ...

[خيـرَ أُمـة]

المشاركة الأصلية كتبت بواسطة مـــــيـــــــت الحمد لله انا حسن ومش سعيد

ومشان سعيد ولا مش سعيد
فانا طبعا سعيد لانو عيش الحياة بابتسامة واشرب كولا

ميت بشرب كولا .. جديدة هاي

ان شاء الله أخي الابتسامة ما تفارق محياك

والابتسامه في وجه أخيك صدقة .. جمع صدقات يا حج ..

[خيـرَ أُمـة]

المشاركة الأصلية كتبت بواسطة .:.!دموع الرحيل!.:. بتصدق يا أحمد

أنـا سعــــيدة كتـــــــــير وحزيـــــنـــــة كتير بنفس الوقت

وبكل الأوقات .. !

يعنـي لمـا كون سعيدة مثلا لما كون بين الأشخاص اللي بحبهم ..

وأهم شي يكون اجتماعنـا على رضى ربنـا .. بكون سعيدة

لكن مش بكامل سعادتي .. دايما بفكر بحـال الأمـة ,, وبحال المسلمين

وبحال إخواننـا المسلمين في كل مكـان وخاصة في فلسطين :(

دايما سعادتي مش مكتملة .. دايما في بداخلي ألم عميق ..

وحسرة وقهر ..

وبنفس الوقت .. لمـا كون حزينة .. بحس اني لااء انا سعيدة

لأني بضل بنعمة أحسن من غيري بكتير ..

اللي ربي مأنعم عليي فيه من اصغر نعمة لأكبرهـا .. أرى أصغرهـا نعمة كبيرة

فكيف بالنعمة الكبيرة ..

فبخجل اني فكر مجرد تفكير اني كون حزينة .. بس طبـعـا هالشي مش معناته اني ما بعوود بحس

بالحزن لا بحس فيه .. لكن جواتي في سعادة .. بنفس الوقت ..

أو حتى لما فكر بحال الأمة وأحزن عشانهـا بكون بنفس الوقت سعيدة .. لأني عارفه انه

هدفنـا .. وقضيتنا شي ثمين ,, والنصر قريب كتير


عشان هيك قولتلك .. انا انسانه حزينة كتير وسعيدة كتير بنفس الوقت !

ما بعرف اذا عرفت عبّر عن الي بحس فيه .. ^^

يسلمو أخي أحمد

ما تحرمنـا

ما اظن اختي انه الي انت بتحكي عنه ممكن نسميه حزن وانما هَم ... ومن لا يهتم لأمر المسلمين فليس منهم ...

صحيح احنا بندعو للسعادة لكن في المقابل لازم نهتم لأمر المسلمين ومشاكلهم .. نهتم للبلاد الي راحت من بين ادينا بسبب ذنوبنا وأخطاء أجدادنا .. لازم انصلح من حالنا ومن مجتمعاتنا وهذا مش حيصير الا اذا كنا سعداء ...

لذلك اتطمني اختي انت مش حزينة وانما مهمومة ...

شتان بين من قضيته الأمة وبين من قضيته التصويت للمغني الفلاني ..
هنا بنفهم السعادة الحقيقية والسعادة المزيفة الي ممكن نسميها متعة ..

[ABU YAZAN]

انا ملاحظ انو الكل بحكي عن السعادة وكأنها هدف صعب بدنا نوصل الو
بس انا من وجهة نظري انو السعادة هي وسيلة مش هدف
يعني انا بستخدم السعادة كوسيلة مشان احقق اهدافي
وهاد هو سر النجاح بالحياة
يعني السعادة مش من الصعب نوصللها بالعكس احنا بنقدر نتحكم بهيك شغلات
يعني واحد طبيعتو دايما زعلان هاد بكون ماخد فكرة انو الحياة هيك بس هو لو حاول انو يكون سعيد
ويغير من أسلوب حياتو رح يقدر يوصل للي بدو اياه وطبعا السعادة هي ابسط شي ممكن يوصلو
فيعني موضوع السعادة بسيط
وشكرا على الموضوع الحلو
تحياتي

[خيـرَ أُمـة]

الله ينور عليك يا أبو يزن ...

السعادة وسيلة وليست غاية والسعادة الها مفاتيح معظمنا بعرفها لكن قليل منا بيستعملها :-)

الله يزيدك سعادة وهمة ونشاط ..

[خيـرَ أُمـة]

بارك الله في كل من شارك ومن لم يشارك ...

أين البقية ...

[جدوع عسكر]

هل أنت سعيد ؟؟ لا حد الله مو معظم الاوقات

.. وان كنت حزين فاين تجد الحزن .؟؟ عندما انظر الى شباب اليوم ... شباب الغد .. !!!!!!!!!!!!!!!!!

وأين تجد السعادة ومتى تدخل قلبك وتطرق بابه عندما ارى جميع شبابنا يهتمون بقضيتنا قضية فلسطين اول قضيه

[Twin]

تسدء انو دائما بسأل حالي هل سؤال .. وبس اكون حزينه كمان بسأل حالي ليش ما اكون فرحانه وسعيده وكيف بدي اتخطى الحزن ...

الحمد لله دايما بسعى انو ما افكر بلحظات الحزن في حياتي .. بس اكيد كل بني آدم عندووو جانبين في حياتو ومستحيل حد دائما سعيد ...

الواحد دائما يحمد ربوو ع كل حال ...

شكرا الك احمد ع الموضوع الحلوووو ,, حاليا انا مش حجاوب ع السؤال ...


تحياتي الك (-:

[بنيمارو]

سؤال حلو كتير ^^
انا بحثت عن تعريف السعادة .. تغريفات كتير !! .... لكن اشمل واحد لقيتو (( هى حالة تجعل الشخص يحكم على حياته بأنها حياة جميلة ومستقرة خالية من الآلام والضغوط على الأقل من وجهة نظره ))

ما بظن اني وصلت لمرحلة احس فيها حياتي جميلة ... ومستقرة ... وخالية من الالام والضغوط .. على الاقل من وجهة نظري
ههههههههههه

موضوع حلو كتير حج
يعطيك العافية ^^

[سارة]

اكيد الدنيا مو دائما سعاده او قات فيها حزن بس انه لو حسبنا السعاده من منظور انه الصحه والحياه الكريمه والاهل بخير بطبعا نحنا سعداء لكن طبعا الواحد بس يذكر الموت والدنيا اكيد رح يحزن