شباب فلسطين

جيفارا*نابلس · 03-11-2008, 10:29 AM

انا اوريدي مؤمن فيه

حتى لو كان شي حلم

بيكفي انو بعطيك شويه امل

جرحٌ بملامح انسان · 03-11-2008, 10:50 AM

الخيانة والوداع والفراق في الحب هي موجودة من زمــــان وطــــول عمره هيكـ ... لكـــــن لا شكـ انه في هاي الايام زادت هاد الشغلة .... لكــن لما نحكي احنا عن علاقة شب وبنت والشب أو البنت . واحد فيهم كان بس بيتسلى ... هاد استحالة نسميه حـب . ويكون بيشوه صــورة الحــب ... ولا حدا من الطرفين وقتها بيكون يستاهل الحب .. لأنه الاول بيستلى والتاني ما عرف يختار ..

على كــلا الحب موجود بشكـــل نادر كبيـــر بهالايـــام .. وبنفس الوقت ما حدا بيقدر ينفي وجوده ^ ^

تسلم جدوع عسكــر على طــرح الفكـــرة ^ ^

ashrafo · 03-12-2008, 06:38 AM

ابتسامة الحياة · 03-12-2008, 01:16 PM

!!!!!!!!!!!

مـــــيـــــــت · 03-12-2008, 02:19 PM

المشاركة الأصلية كتبت بواسطة جدوع عسكر حبيبي ميت مشكوووووووور اول شي

تاني شي انتا اللي غلطان بحكيك كلووو اي نعم اللي بحب بشوفش غير حبيبتو بس هاتلي قصة حب بالزمان هادا بتنتهيش بنهاية خيانه من قبل اي من الطرفين

يا اخي مش كل من حكى انا بحب معناته هو بحب ومش كل حب بنتهي بخيانة

في اشي اسمو زمن وظروف بتحكم على الانسان ببعض الاحيان

بتقدر تحكي كمان انو الظروف خيانة الظروف مش بأيدي ولا بأيدك

ومعظم العاشقين بكون زمان عشقهم او ماكن عشقهم غلط

وكتير ما بتفشل قصة الحب مش بسبب الخيانة ولكن بسبب الظروف

مع كل الحب العبقري الشرير مــــــــيــــــــت

انا العاقلة فيكو · 03-13-2008, 06:21 PM

لا ماا فيه اشى اسمو حب

كلووو هبل بهبل

كفاااية البنت تحب خطيبهاا او زوجها

والشب يحب خطيبتوا او مرتو

غيررررر هيييك كلام فاضى كبشاااااات

بلااااش هبل

مـــــيـــــــت · 03-13-2008, 10:21 PM

هههههههههههههههه
يا جماعة الخير القصد الحب الحقيقي اللي بدو ينتهي بالزواج
مش الحب العشرين كل يوم بتحب واحد شكل

جدوع عسكر · 03-14-2008, 12:06 AM

يعني برضو ما فهمتوو قصدي من الموضوع انا بقلكم

حب بمجتمع او بدوله محتله فيها احتلال؟؟؟؟؟؟؟؟؟؟؟؟

الحان الحرية · 03-14-2008, 09:35 AM

اه ...

انا بأمن بالحب .. مع اني ما جربته ...

بس أكيد بيظل الحب موجود بكل مكان ...

حتى لو في حروب واحتلال ...

بس بردو مش قصدي هالحب يلي بتحكو عنو ...

اللي بس مصاحبة و تيليفونات و بالاخير وداع ...

هاد كله هبل و مش حب اصلاً...

لأنه الحب شعور داخلي ...

ممكن يكون في حب ما حدا سمع فيه ... و مرت عليه الايام و اندفن في صمت ... مش شرط الطرف التاني نفسه يعرف حتى ....

بس ...

مـــــيـــــــت · 03-14-2008, 10:04 AM

المشاركة الأصلية كتبت بواسطة جدوع عسكر يعني برضو ما فهمتوو قصدي من الموضوع انا بقلكم

حب بمجتمع او بدوله محتله فيها احتلال؟؟؟؟؟؟؟؟؟؟؟؟

يا زلمة الحب موجود بكل مكان حتى مع الاحتلال ما دام القلب موجود بضل الحب موجود
بس مش كل من حكى انا بحب معناته هو بحب

واختي فعلا كلامك زين وهو يعبر عن الحب العذري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء