مسموم بدني من الي عم يسير

[&نسيم الروح&]

السلام عليكم

ما بعرف كنت مرتاحه ومبسوطه وقاعده على النت

هلا بدت الاخبار مع اني الي فتره نفسيتي تعبت منها والدكتوره منعتني اشوف اخبار لانه مو كويس الي

بس ما قدرت والله لما اشوف انه بدت بكون بدي اسمع اخر اخبار غزه

والله تقطع قلبي وهلا حاسه حالي ضايعه احنا وين وهمه وين احنا كل واحد بمكان امن وهمه باكبر عزاب

سمعت من امايتين قطعوا قلبي تخيلت حالي مكانهم وزاد الي فيني دموعي والله واقفين بعيوني ما عم ينزلوا

الاولى طلع ابنها 14 سنه ليلعب بره فنقصف مخيمهم طلعت ادور عليه ما لقته لقت ناس مقطعه وابنها واحد منهم عرفته باحساسها هي قالت

ومع الدموع بتقول هو شو عمل لا قتل يهودي ولا عمل اشي طلع يلعب يا ناس ما بقدر اوصل شعورها شو ما حكيت

شعور ام بتموت بتتقطع من جوه شافت ابنها مقطع قدامها وما اله 5 دقايق طالع ياااااااااااااه شو زنب هالاطفال

هو ما كان يتوقع انه هلا رح يطلع وبعد كم دقيقه رح يستشهد

التانيه بتبكي ومو قادره تحكي بتقول جوزها كان قاعد على التخت بلاعب ابنه الي بعد 5 سنين اجاه عمره يا دوب سنه ما لقى الا وصاروخ دخل عنده وهو مفكر انه وجوده بالبيت بحمي من القصف هو وعيلته الصاروخ دخل عنده

وهي المسكينه حملوا ابنها بسرعه للمستشفى طبعا كان ميت بس عندهم امل بعتت اخوها وجابلها خبر انه كويس بس انخدش بوشه عم تلبس لتروح تشوفه سمعت اسنه بالراديو الطفل الشهيد محمد

يااااااااااااااااه شو قوه احتمالها شو احساسها

والقمه العربيه بيعقدوا فيها وفلان ما بدو يروح مو صحبه هو وسوريا والمتوقع انها تنهار لانه فيها خلافات عقيم ما الها حل

يخرب بيتهم الفلسطينيه بيموتوا بغزه وهمه اسرائيل بتمشيهم على كيفها بوش زارهم من فتره والهدايا الي من احد الدول بالاف ازا مش ملايين فلان سلم عليه واخده بالحضن وغزه بتنقصف بنفس اللحظه والكهربا مقطوعه

ومصر اتهمتهم انه دخلوا 5 ملايين دولار مزره عليها يخرب بيتهم والله لو قطعتهم كلهم بغزه ما بطلع الف مو 5 مليون مزوره هم لاقين ياكلوا ليزوروا

واحنا هون شو بايدنا نعمل كلهم بنهشوا فينا لا ما بقدر احكي فينا فيهم ببلادهم والمشكله الكبرى انه العرب ........ مش عارفه شو احكي خلص بكفي

انا ما قدرت اوصل احساسي لاني مو قادره اوصل الي جواتي كل الي بقدر احكي الله يفكها عليهم ويريحهم شوي لانه بتفيد

انتوا كمان ادعوا حتى لو بالقلب بلكي............ واضعف الجهاد جهاد القلب وعلى فكره انا بحسد الي عايش هناك لانه الهم الاجر على الصبر

وبنفس الوقت حطيت حالي مكان هالامايات والله متت يموت ابني وما اوصله اودعه ولا اكون عارفه انه طالع يلعب واطلع انادي الاقى مات

لا حول ولا قوه الا بالله

[Abu Shadi]

لا حول ولا قوة الا بالله اختي

حسبنا الله ونعم الوكيل

هذا قدرنا ومكتوب علينا كل لحظة نعيشو

الله يفرجها وينصرنا على القوم الظالمين

اشكرك اختي نسيم الروح

وتحيتي وتقديري الك

[الحان الحرية]

لا حول ولا قوة الا بالله ....

والله انه عنجد شي بيحزن ...

والله تمنيت اكون هناك .... اوقف مع اخواني بغزة بمعاناتهم ...

و كتير قلقانة من امبارح ع صحبيتي اللي هناك .... بتصل عليها ما بترد و سمعت انه القصف جنب بيتهم ...

بس مش عارفه شو اعمل حاسه انه كل الطرق انسدت بوجهي...

يا الله

الله يفرجها عليهم يا رب ....


والله ما النا غير الله ...

و الدول العربية ما بيعتمد عليها اصلا ..........

كل دولة مشغولة بأموالها ... كل دولة مشغولة كيف بدها تجيب مصاري ...


ما النا غير الله ...

ما راح ننساكم يا اهلنا بغزة ....

و ان ما كنا معكم فقلوبنا معكم ...

و بندعيلكم ...

ارق التحايا

[&نسيم الروح&]

مشكوره على مروركم

ابن فلسطين

الحان الحريه

فعلا هاد قدر والله يفرج عليهم انا عن نفسي ما بدي اسمع اخبار لانه تعبت بجد بس برجع بقول بدي اعرف ما بدي حد يقلي

ومن اول ما فتحت التلفزيون كان على الجزيره انسم بدني ودرت

[ابتسامة الحياة]

الله ينصرهم يا رب ويحميهم
يا اللللللله شو زنب هالاطفال هدول
عنجد اشي بقطع القلب

والرؤوساء مش شاطرين غير انهم يجتمعوا على طاولة (....) ويشربوا شاااااي !!!!!
الله عليهم بس

[نسمة بلادي]

والله يا اختي الي حاسة في كلنا حاسين فيه والله ان القلوب لتحزن والعيون لتبكي دما

ع الذي يجري بغزة هؤلاء هم اهلنا الكهل الذي يستشهد هو والدي والشيخ الكبير هو جدي

والطفل هو أخي الصغير والمرأة هي امي .......رحمة الله ع شهدائنا الابطال

نسأل المولى ان يجمعنا معهم بالفردوس الاعلى ....

لكن لا نملك لهم سوى الدعاء والذي يعد ابسط شيء يمكن ان نستعين به

فالله أكبر ع الاحتلال الحقير

حسبنــــــــــــــــا الله ونعم الوكيل

[[ Islam ]]

حسبنا الله ونعم والوكيل ,,

:/

[الصمـــ رفيق الصحراء ــت]

بعينا الله خيتي وحسبي الله ونعم الوكيل
ومشكور كتير

[محب الاقصى]

الواحد شو بدوا يحكي


انا خجلان من اللي صاير في غزة


هم بيموتوا واحنا بنتفرج بس


ربي يعينهم وينتقم من العدو الصهيوني


وينتقم من كل الزعماء العرب

[الفتاة المشرقة]

والله يا اختي لا اعلم ماذا اقول وكيف اوصف شعوري
حسبنا الله ونعم الوكيل
الله ينصرهم ويثبتهم يارب

اين انتم يا عرب هل تسمعون ام انكم ميتون