| الإهداءات |
|
|||||||
 |
|
|
|
أدوات الموضوع | انواع عرض الموضوع |
| الإهداءات |
|
|||||||
|
|
|
|
أدوات الموضوع | انواع عرض الموضوع |
02-24-2008, 11:28 PM
|
#71 | |
|
I ♥ PALESTINE
قوة السمعة: 940
  |
رد: ][®][^][®][مــــــآيــــك المــنــتــدى][®][^][®][
رح احكي اولا ً عن قصتي مع منتدى شباب فلسطين ...
طبعاً كتير بيعتقد انو اسمي الحقيقي مؤيد ، خاصة الأعضاء الجدد اكتر شي .... لكن اسمي الحقيقي مش مؤيد ، انما اسم مؤيد كان اول ما سجلته فيه باسم مؤيد حماس ، لكن بعد مرور فترة طلب مني محمود اغير اسمي لإنو بيحتوي اسم فصيل فغيرته لاسم تاني لكن الاعضاء ما عرفوني بالاسم الجديد ، فطلبت من محمود ارجاع اسمي لمؤيد لحالها بكون احسن عشان مؤيد يضل مؤيد الي عرفوه الاعضاء ...... طبعاً ما كنت حابب اغير الاسم بس خلص هيك قوانين المنتدى .. قبل ما اجي على المنتدى كنت في منتدى تاني اسمو شبكة فلسطين للحوار ، كنت فيها عضو نشيط وصلت مشاركاتي 1500 مشاركة بس كانو كل المشاركات جدية ما فيهم مزح وهيك لإنو اصلا المنتدى جدي كتير انو سياسي، وكان الي هدف من كل تواجدي بهداك المنتدى انو ادافع عن الصح والحق ، وكان في كتير شغلات مش واضحة بالنسبة الي فيما يخص فلسطين والوضع فيها ، فكان عندي رغبة اعرف والاقي اجابات على تساؤلاتي ، وفعلا ً كتير استفدت من هداك المنتدى ، وما ببالغ ان قلت عنه انو هو بمثابة مدرسة الي على النت بتعلم منه وجهة النظر الصحيحة عن كل ما يجرب في فلسطين ... ومرت فترة وانا في هداك المنتدى ، دخلت له في عام 2006 بعد الانتخابات التشريعية ، لإنو فترتها بس اهتمامي صار اكبر في الامور السياسية ، ما بعرف ليش بس انا بتأثر في البيئة الي حولي ، بس قبل الانتخابات التشريعية مؤيد ما كان يهتم بشي اسمو سياسة ولا بيوم فكر انو رح يصير يحكي فيها ، ما قبل سنة 2006 ما كنت احكي ولا كإني مؤيد الي هو هلأ ^.^ ..... كنت سابقاً ما احكي في السياسة الا انو حبي لحماس واعجابي فيها موجود من الأول وزاد في سنوات الانتفاضة الثانية بعد ما شفت تألق حماس في ميادين الجهاد والمقاومة ، بس برضو رغم ذلك كان مجرد اعجاب وما كنت احكي بسياسة ولا شي .... وبعدها في المنتدى هداك بدأت اشعر انو انا بعطي جهدي في منتدى تقريبا ً ما في داعي اعطي جهدي اله لإنو كتير غيري قايمين بالواجب ، وكان المنتدى جدي كتير ومافيه بين الاعضاء اجواء وصداقات متل هون لإنو هدام منتدى كبار وناس جديين ، فرحت ابحث عن منتديات اخرى كشاب بدي ناس بعمري انسجم معهم اكتر ، ومنتدى شباب فلسطين كان من المنتديات الي شفتهم وعجبوني ... وساعتها سجلت بمنتدى شباب فلسطين ونزلت موضوح انو بدي ترحيب وهيك ..... وسرعان ما تفاعلت مع المنتدى خاصة مع القسم الفلسطيني ، لإنو اصلا هدفي من اول يوم دخلت فيه المنتدى ولهلأ هو ادافع عن حماس ، فهادا سبب وجودي هون بالأساس وما زال ... وشوية شوية بلشت انجذب للأقسام التانية بالمنتدى .... في اول ما دخلت المنتدى الاعضاء رحبو فيي وما قصروا ، ولولا ترحيبهم طبعاً كان ممكن انا ما ضليت موجود هون ، بس كتير في اعضاء حبيتهم من زمان ، ما بتذكرهم كلهم لإنو كتار ، بس بذكر منهم عاشق الحور الدب وقسامي غزة اكتر شي هم وفي كتير بس شو بدي اعد لأعد ... ولقيت جو حلو وشبابي فعلاً فيه حيوية ومرونة وتفاعل وتبادل العواطف الانسانية بحس انو في جو حلو مش جو ناشف .... صارت طبعاً خلافات بيني وبين اعضاء بسبب مواضيع سياسية وتعرضت مراراً لمسبات هههه ، بس عادي كنت الاقي الأغلبية واقفة معي ، وانا انسان ما بهتم للمسبات وما بتخوفني ، فكنت اتحمل عادي ، ولا زال بعض مرات هيك بصير بس اخف من الأول .. لكن هاي شغلات عابرة كانت مش دائمة .... ومرة تركت المنتدى فترة من الزمن بس هيني رجعت عاودت .... فكان هادا تاريخي في المنتديات ومعرفتي الها وتسجيلي فيها ، في عام 2006 وقبلها ما كنت اعرف منتديات .... |
|
|
||
|
02-24-2008, 11:48 PM
|
#72 | |
|
I ♥ PALESTINE
قوة السمعة: 940
|
رد: ][®][^][®][مــــــآيــــك المــنــتــدى][®][^][®][
وهلأ رح احكي عن حالي ...
طبعاً بما انو كنا مغتربين ، نشأت بدولة قطر ، هناك عشت طفولتي فيها وترعرت ، كنا طول السنة هناك ، وبس يجي الصيف وموسم الاجازات نجي على الخليل نقعد 3 شهور ونرجع على قطر عشان الروضة والمدرسة وشغل الوالد وهيك يعني .... كنت في طفولتي وسط لا مشاغب ولا هادي ، كنت ناصح وسمين ههههه وخدودي بارزين من النصاحة ، بس هلأ وين انا من زمان طبعاً هلأ غير وزني قريب على 70 كيلو بس ... المهم كنت أنا الأخير بين اخواني ، الي اخت وحدة والباقي اولاد وأنا أصغرهم ولحد هلأ انا أصغر اخوتي جميعاً .... ما كنت احب قطر وانا صغير ، كنت استنى طول السنة بس نروح على الخليل عشان العب مع الي قدي كنت كتير احب الخليل لإنو الخليل زمان والوضع زمان كان منيح مش متل هلأ ... وكنت بس نرجع على قطر اضل طول السنة اتذكر زكرياتي بالخليل والأيام الحلوة .... التحقت بالروضة ، وبذكر اني كنت ابكي كتير في الروضة ، ما كنت احبها ههههه ، ما بعرف لإنو كنت متعود على امي وانو اضل عندها ، بعد الروضة تغير الوضع علي وطلعت من البيت من عالم الأمومة لعالم تاني برا البيت ، وكنت ما اصدق امي تجي تاخدي من الروضة واروح واضل عندها لإنو بحس دائماً بطمأنينة معها وبس تتركني كنت ابكي كتير ، يعني صدقوني بذكر كل يوم بالروضة كنت ابكي ههههههه وبدي اروح وما بدي الروضة ... واسم الروضة متذكره ، اسمها روضة الايمان ^.^ ... ومرحلة تعليمي الابتدائي كان في قطر ، وكذلك المرحلة الاعدادية لحد ما وصلت الصف الثالث الاعدادي يعني صف تاسع ، من الصف الأول للسادس كنت في مدرسة خاصة وكانوا اغلب المدرسين مصريين بس متدينين يعني ، وكنت مبسوط فيها كتير .... بعدها انتقلت للمرحلة الاعدادية انتقلت لمدرسة جديدة ، ما حبيت هالمرحلة ولا هالمدرسة طول ما انا فيها ، طبعاً مدرسة حكومية كانت .... وفي عام 1999 قررنا نرجع على فلسطين ، لإنو طولنا بالغربة واهلي صار وقت انهم يرجعوا على بلادهم ، فرجعنا وكانت الأوضاع قبل الانتفاضة هادئة وكان الوضع افضل وهادا الي شجعنا وشجع غيرنا يرجعوا على فلسطين .... وفش كتير شوية شهور الا ولعت الانتفاضة - انتفاضة الاقصى - عام 2000 وبلشت الأمور تزداد توتر ، كانت بالفعل فترة ما بنساها بحياتي ، كنا نشوف الموت بعيونا وقريب منا ، عشنا بأجواء صعبة كتير وكان الاحتلال يقتل ويدمر ويجتاح .. التحقت بمدرسة ثانوية هون بالخليل وكملت للتوجيهي وبعدها دخلت الجامعة والحمد لله اخترت تخصص كنت حابب ادرسه ، وخلصت جامعة وبدأ مشوار طويل من البحث عن عمل في ظروف اقتصادي سيئة جداً هون بالضفة ولحد هل الأمور ما تحسنت ... وعندي طموح اني اكمل ماجستير ودكتوراه بس لسه مش هلأ ، لقدام شوي أو ما بعرف يمكن عن قريب ... يتبع ... |
|
|
|
||
|
02-25-2008, 12:21 AM
|
#73 | |
|
I ♥ PALESTINE
قوة السمعة: 940
|
رد: ][®][^][®][مــــــآيــــك المــنــتــدى][®][^][®][
رح كمل بس بطريقة تانية عن حالي ....
بالنسبة لشخصيتي هادية وراكزة ، انسان صريح وواضح هيك بشوفني الناس ، ومرات بشوفو فيي غموض بسيط ، غموض في اموري الخاصة فقط ، وطبعاً الخصوصيات ما بقدر اطلع غيري عليها الا حدا معين بس .... بحب النظام كتير كتير بحب الكل يلتزم بالنظام ، بكره الفوضى والانفلات ، بقدر كتير وبحب الاحترام المتبادل ، بقدر مشاعر الآخرين وما بحب ادايق حدا بحاول قد ما بقدر .... طباعي وطريقة تفكيري مختلفة عن البيئة هون بفلسطين بما اني نشأت في الغربة في اختلافات بيني وبينهم في طريقة التفكير ... مش من النوع الي بحب يكتر صداقات ويبني معارف ، ما بحب الكم في الاصدقاء ، بحب النوع ، وبكل شي بحب النوعية مش الكمية .... حساس وبتأثر كتير واي مشهد انساني وبيعكس مشاعر سواء بالتلفزيون او قدامي بخليني ادمع بسرعة ، طبعاً دموع مش بكاء في فرق بين دمعة ودمعتين وبين البكاء الي هو مية مليون دمعة. على الصعيد العاطفي ^.^ ، ما في بعيش حالة حب ، بس في حدا هيك ببالي اكتر شي بس ما بتوصل لدرجة الحب ، مريت بتجربة في هادا المجال سابقاً بس هلأ حالياً لأ ، حتى ما بعتبر هديك المرة كانت حب لإنو كنت لساتني في مراحل الـ 18 سنة ، بعتبرها مرحلة مراهقة ومش حب عن وعي بقدر ما هو فضول وحب تجربة .... وهلأ طبعاً لإنو الواحد كبر وصار اوعى يعرف ويقدر انو الحب مش لعبة ويفكر بعقلانية وبواقعية اكتر بعيد عن الاحلام والخيالات واللاواقع ... بما انو عمري صار 23 ... وحالياً مش حاطط في بالي اني احب في الفترة هاي الا لحد ما اكون نفسي واكون قادر على الخطبة والزواج ، بس لسه بدي مش اقل من سنتين على هادا الحكي ، عشان هيك ما بدي اتعب حالي بهيك مواضيع وانا مش قادر عليها ... بس متل ما اسلفت في حدا في بالي لو كنت قادر اخطب هلأ كان رح اختارها هي موجودة وفي معرفة ^.^ ، بس معرفة احترام واتزان مش صياعة وهبل ومراهقة ... وكمان بالنسبة الي طيب بس ما بنسى حدا ظلمني .... بفضل كون مظلوم وما اظلم حدا بحياتي .. ولو حسيت اني ظلمت حدا بضل متدايق ومش على طبيعتي .. بسامح حسب الذنب ، بس ما بسامح ازا كان شي كبير ، وما بنسى صغيرة او كبيرة .. ما بحب آذي حدا ولا بحب حدا يآذيني ... ما بتدخل بحدا وما بحب ابدا ابداً حدا يتدخل بخصوصياتي .... خصوصياتي خط احمر شي ما بحب حدا يقرب عليه او يحكي فيه ويسألني عنو ... مش عصبي اجمالا ً بس برضو اعصابي مش باردة كمان ، وسط يعني ... ما بحب اعمل صداقات او معارف مع ناس ما عندها التزام ، مش انو شيوخ صحابي ، لأ ناس عاديين بس مؤدبين وعندهم التزام واولاد حلال وناس طيبين ... ببتعد بعنف عن الانسان قليل الدين والي ما بيعرف الله ، بنفر نفور من الأشكال الصايعة .... بحب الجدية نوعاً ما .... بس مش دائماً . نص نص ... شب عادي متواصل مع الناس ، مش منعزل ولا عندي تشدد ... مش عضو بتنظيم وما في حدا في اهلي عضو تنظيم او فصيل ، لكن ميولنا واتجهاتنا اسلامية ، بيت محافظ بعيد عن التشدد ... في فترة الشباب والدي انضم للاخوان المسلمين لكن بحكم انو سافر على دولة خليجية فخف الاهتمام ومسألة الزواج والاستقرار في قطر وتغير الواقع على والدي خلته يهتم أكتر بالواقع الجديد في قطر وبالتالي ابتعد عن الاخوان تنظيمياً لكن فكرياً لأ ما زال لهلأ من انصار الاخوان وهيك كلنا متلو مناصرين لهذا النهج الي هو نهج الشهيد الامام حسن البنا رحمه الله .... الحمد لله عندي التزام بالدين لكن ما وصلت مرحلة التدين ، لإنو التدين مرحلة متقدمة ، يعني مش انو شيخ ، متل ما حكيتها اكتر من مرة ، وينك يا قسامي غزة تسمعني ^.^ ، سألني مرة قسامي انت شيخ قلت له لأ مش عارف ليش هيك الكل بفكرني ، قلي كيف شكلك ، قلت له عادي شكلي زي هالشباب ، قلت له عادي بلبس جينز ومرات قماش وبحط جل ومش مربي لحية ..... وما بعرف عشان بعبر عن رأي ولإني مؤيد لجهة ما بعرف ليش كتير بعتبروني ابن فصيل ، ما بعرف هلأ ازا الواحد حكا رأيه بفصيل صار بكل سهولة ابن هالفصيل ؟  ما بعرف وحتى بالمنتدى الكل مفكرني حمساوي مع انو طبعاً بتشرف اكون منهم ، بس انا مش عضو بحماس ...يتبع ... |
|
|
|
||
|
02-25-2008, 12:50 AM
|
#74 | |
|
I ♥ PALESTINE
قوة السمعة: 940
|
رد: ][®][^][®][مــــــآيــــك المــنــتــدى][®][^][®][
رح احكي متفرقات كمان ....
يعني نقاط مبعثرة عني ^.^ .... بشكل عفوي ....  بالنسبة للنت عرفته من زمان ، بس ما كنت اهتم فيه ولا افوته .... الي فترة وجيزة بس صرت اهتم وافوته ... من شي 3 سنوات بس ... التشات ما كنت احبه بالمرة ، دخلت بضعة مرات من باب الفضول بس لأشوف شو هادا الشات الي كل الدنيا بتحكي عنه ، لقيته كله كزب ومسخرة وتفاهة بجد تفاهة .... وما بعمري حبيت التشات ولا ادمنته ولا دخلته الا فترة اسبوع الانتخابات دخلت لحتى احاول اقنع الناس ببرنامج حماس للتشريعي ... وما بعمري بنيت علاقة على التشات مع حدا .... ولحد هلأ ما بفوته ولا بعرفه بالمرة بكره التشات ومواقع الشات على الأخير وبستخف باي حدا بفوتها .... المنسجر بالنسبة الي غير عن التشات كلياً ، المسنجر بتحكي مع ناس بتعرفهم وبعرفوك ، اما التشات لأ ما بعرفوك ولا بتعرفهم عشان هيك كلو كزب ... المسنجر بستعمله يومياً ، ما بضيف اي حدا ولا بقبل اضافة اي حدا ما بعرفو مسبقا ، اي حدا غريب بضيفني بحط حزف على الفور لإنو ما بحب اضيع وقت للتفاهة مع واحد او وحدة بايخة .... وعلى كلن كل الي عندي على المسنجر ما بتجاوزا العشرين جهة اتصال ^.^ .... انا متل ما اسلفت ما بحب العدد والكم بحب النوعية ..... بطبعي انسان مش عنصري ، عنصري من ناحية ايجابية ، انا بميز الناس على حسب دينهم ، يعني ما بحب قليلين الدين ، وبحب الناس الي ما بدي احكي متدينين بدي احكي الناس الملتزمين بحبهم ، ما عندي تمييز على اساس الدم او العيلة او العرق او الدولة والجنسية ، لإنو اتجاهي اسلامي بشوف كل المسلمين واحد فش فرق عندي بين فلسطيني ومصري وقطري وافغاني وماليزي او تركي ، بعرف انهم اخواني في التوحيد والدين وبس .... فتاة احلامي ^.^ ... انسانة ملتزمة وعارفة دينها ، والاخلاق من الدين طبعاً اهم شي ، تكون حلوة هادا شي مهم كتير ، طولها يعني طولي او اقصر بشوية صغيرة ، متعلمة طبعاً شهادة جامعية اقل شي ، سمعتها وسلوكها مهم جداً ، عقلها كبير ومتفهم ، متحضرة بتفكيرها ، تكون مميزة بشخصيتها ما تكون متل الكل ..... والجمال العربي عندي احلى شي ، عيون سود او عسلي والبشرة بيضاء ....  تكون ست بيت كمان شاطرة بالطبخ وهيك امور متل هيك بديهية لازم تكون بأي بنت .... ونسيت احكي شي مهم ، طبعاً بما انها ملتزمة وخلوقة اكيد لازم يكون اتجاها وتفكيرها اسلامي ، وبتحب الي انا بحبهم ... خخخخخ تقولو منزل اعلان زواج الأخ مؤيد ^^.. من هواياتي التصميم والتصوير وبحب السفر كتير واني اروح بلدان واتعرف على اماكن ، بحب المشاوير والرحلات كتير بشكل كبير ........ شو بدي أحكي كمان ... بعتقد هيك اجمالاً بكون حكيتلكم عن حالي بشكل كتير واضح ....لهون بكتفي بهادا القدر ...... بس ازا فيه اي اسألة او تعليق من الاعضاء وحابين يستوضحو مني شي بأمر بخصني يتفضلو يسألوا وانا مستعد اجاوب ازا قدرت اجاوب حسب السؤال طبعاً ..... بس تفضلوا الي عندو شي يحكيه ويسأل ؟؟؟؟؟ وبشكر وردة الأقصى مرة تانية على اتاحة الفرصة ..... .gif "S (43)")
|
|
|
|
||
|
02-25-2008, 01:07 AM
|
#75 | |
|
..{ مشـــــرفــة }..
قوة السمعة: 21
|
رد: ][®][^][®][مــــــآيــــك المــنــتــدى][®][^][®][
|
|
|
02-25-2008, 01:18 AM
|
#76 | |
|
I ♥ PALESTINE
قوة السمعة: 940
|
رد: ][®][^][®][مــــــآيــــك المــنــتــدى][®][^][®][
المشاركة الأصلية كتبت بواسطة عاشقة حماس  ممكن توضيح أكتر ؟ ^.^ |
|
|
|
||
|
02-25-2008, 01:19 AM
|
#77 | |
|
..ღ توأم حورية فلسطين ღ .. 
قوة السمعة: 69
|
رد: ][®][^][®][مــــــآيــــك المــنــتــدى][®][^][®][
مشاء الله عنك
عقل ورزانه ودين و و و ... الله يخليك لأهلك ويحميك ويحفظك وعنجد بتشكرك من كل ئلبي على كل شي حكيتو ماشاء الله عنك حتى عن فتاة احلامك حكيت هههههههههههههههه اي يانيالها اللي متلك بالدنيا بنعدو ع الاصابع بتشكرك مره تانيه مؤيد بس ماتقطع موضوعي بدك تضل تيجي كل يوم وتشوف سيرة الاعضاء التانين هههههههههههههههه لك مني كل تقدير وإحترام مؤيد |
|
|
|
||
|
02-25-2008, 01:21 AM
|
#78 | |
|
..ღ توأم حورية فلسطين ღ ..
قوة السمعة: 69
|
رد: ][®][^][®][مــــــآيــــك المــنــتــدى][®][^][®][
الذين يشاهدون محتوى الموضوع الآن : 6 ( الأعضاء 4 والزوار 2)
وردة الأقصىــآ, أميـرة فلسطيـن, مؤيد, صاحبة القلم الحزين والله إلك شعبيه يامؤيد ^_* |
|
|
|
||
|
02-25-2008, 01:26 AM
|
#79 | |
|
I ♥ PALESTINE
قوة السمعة: 940
|
رد: ][®][^][®][مــــــآيــــك المــنــتــدى][®][^][®][
المشاركة الأصلية كتبت بواسطة وردة الأقصىــآ مشاء الله عنك
عقل ورزانه ودين و و و ... الله يخليك لأهلك ويحميك ويحفظك وعنجد بتشكرك من كل ئلبي على كل شي حكيتو ماشاء الله عنك حتى عن فتاة احلامك حكيت هههههههههههههههه اي يانيالها اللي متلك بالدنيا بنعدو ع الاصابع بتشكرك مره تانيه مؤيد بس ماتقطع موضوعي بدك تضل تيجي كل يوم وتشوف سيرة الاعضاء التانين هههههههههههههههه لك مني كل تقدير وإحترام مؤيد بس طبعاً مش عارف انا يمكن حكيت كلمات ممكن تفهموا انو شوفة حال ، بس ابداً مش هيك .. بس خلص انا عبرت عن حالي بعفوية هيك اجت الكلمات معي ... انا ما بحب التكبر ولا بحب امدح حالي ، بس المهم انو حكيت عن حالي متل ما انا ومتل ما الناس الي حوليي شايفيني ... اها بعتقد انو حكيت عن اغلب الشغلات ، الا ازا في امور ممكن نسيت احكي فيها ما بعرف .... بس اجمالا ً هادا الي قدرت احكي فيه عن نفسي .... وبصحح الك المفهوم ، كلمة تدين مش لأي حدا ، عشان هيك ما بعتبر حالي متدين ، المسلم على الأقل يكون ملتزم وانا هيك يعني عندي التزام ، بس ما بدعي التدين ولا ادعي اني مطبق الدين بحذافيره ، لأ مقصر .... وانا انسان عادي مش ملاك ولا شي ....... ويسلمو الك كتير سعيد بكلامك ... واكيد رح تابع الموضوع من يوم وطالع ، بس في سؤال هلأ المدة 3 ايام الي ، يعني هلأ شو الملطوب مني غير اني اجاوب على أسئلة او ملاحظات لللأعضاء ؟؟ ...وكمان مرة كلك زوء وردة الأقصى ...
|
|
|
|
||
|
02-25-2008, 01:27 AM
|
#80 | |
|
I ♥ PALESTINE
قوة السمعة: 940
|
رد: ][®][^][®][مــــــآيــــك المــنــتــدى][®][^][®][
المشاركة الأصلية كتبت بواسطة وردة الأقصىــآ لا شعبيتي ولا شي الموضوع موضوعك وهم جايين على موضوعك انتي يعني الشعبية شعبيتك ^.^ ... يسلمو |
|
|
|
||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
