| الإهداءات |
|
|||||||
 |
|
|
|
أدوات الموضوع | انواع عرض الموضوع |
| الإهداءات |
|
|||||||
|
|
|
|
أدوات الموضوع | انواع عرض الموضوع |
02-19-2008, 05:56 PM
|
#1 | |||
|
..ღ توأم وردة الأقصى ღ .. 
قوة السمعة: 131
 |
بــــابــــا&مــــامــــا،،،،بــــح ــــبــــكــــم
 بدي أطلب منكم شغلتين قبل قراءة الموضوع {أول شي} شغلو السماعات {تاني شي} بتمنى من كل واحد بدخل عالموضوع ما يلقي نظرة عابرة ويروح... الموضوع كتير حساس ومهم بالنسبة إلي وبتمنى تقرأو كل كلمة فيه هوة صح طويل بس هاد الموضوع بيعنيلي كتير وشكرا الكم  أبي الغالي تحية طيبة .. يا والدي الطيب الله يطول عمرك يا غالي يا حبيب أكتبلك رسالة حب يا غالي يا أطيب أب يا اللي رضالك عليا أحلى وأغلى هدية  أمي الغالية يا حلو اسمي على لسانك إذا ناديتي بإسمي... أجيكي كلي علشانك وأقول للوالدة سمي... على إيدك أنا اتربيت غيرك والله ما حبيت... شمعة ونورت هالبيت أنسى بشوفتك همي... ***يا أغلى انسانة يا أمي*** إذا انتي دعيتيلي أحس ان السما تمطر... أحس بدربي لما أمشي يصير بدعوتك أخضر... أنا اتعلمت منك الحب واتعلمت كيف أنحب... إذا أيامي صار فيها هم بشوفتك ينتهي همي... ***يا أغلى انسانة يا أمي*** بابا وماما.. أغلى شخصين عندي بالدنيا كلها حبيت أكتبلكم عنهم وأحكيلكم عنهم شوي... ورح يكون هاد الموضوع أحلى وأهم مواضيعي في المنتدى.... طبعا البعض منكم مش كلكم بعرفو انه بابا وماما سافرو واليوم بكملو 13 يوم غايبين عني.. إفتقدتهم كتير.. قد ما وصفت أو حكيت عن النقص اللي حاسسته من غيرهم ما رح أوفيهم .. سافرو يوم الخميس2008/2/7 راحو على سوريا سفرة اضطرارية في شغلة بدهم يخلصوها ويرجعو رح يرجعو الخميس مو هاد الجاي اللي بعده.. طولو كتير .. مش عارفة كيف ح أستنى ليوم الخميس وكيف رح تكون نفسيتي وكيف رح تكون أعصابي.. متعلقة فيهم كتير مش متعودة انهم يسافرو ويتركونا.. بالذات بهاي الفترة ما كنت بدي اياهم يسافرو لأني كتير محتاجيتهم بس اضطرو يسافرو  من أول يوم سافرو فيه لهلأ وأنا أعصابي مشدودة بجد إفتقدتهم كتير.. اشتأتلهم كتير اشتأت لبابا وشقاوتي وحركاتي الزعرة مع بابا والهبل اللي كنت أتهبله على بابا والقهوة اللي كنت أعملها لبابا، كان دايما بعد المغرب يرجع عالبيت وأول كلمة يحكيها (حورية اعمليلي قهوة)أنا اتعودت أسمع هالكلمة كل يوم بهاد الوقت .. اتعودت اعمله القهوة كل يوم هوة وماما .. طبعا ما بشربو القهوة إلا من إيدي<<كزابة لا تصدقوني والله بجد صح انهم بشربو القهوة عادي من أي حدا بس دايما بحكو هالكلمة (قهوة حورية مافي متلها)ويعني بالبيت ما بحبو القهوة إلا مني يعني كل يوم بعد المغرب بتعذب أنا  لأني متعودة أول ما أشوف بابا فات عالبيت أروح أعمله هوة وماما قهوة بس هلأ(ما بعمل لحدا) بجد شعور مش حلو ..( يمكن ما رح تفهموني .. بس قلتلكم مهما حكيت ما رح أقدر أحكي اللي بقلبي) على سيرة القهوة اسمعو هالموقف...  مرة اجى بابا عالبيت وطبعا كالعادة بده قهوة ، بهداك اليوم أنا كنت مالي نفس أعمل شي، ورحت غصبن عني عملت القهوة.. طبعا طلعت القهوة مو بس ما بتنشرب  حتى منظرها ما بنشاف شي طبيعي لأني عاملتها من غير نفس، وتعالو شوفو شكل بابا وماما أول ما شربوها(طبعا أكلت بهدلة مرتبة على هالقهوة) بعدها ضل أبوي أسبوع ما يطلب مني قهوة طبعا أنا نفسيتي تعبت، إتأثرت بصراحة صح كنت زعلانة عشان البهدلة اللي أكلتها ، هوة أنا أكلتها من ماما بابا بعادته ما ببهدل ولا بصيح وبالذات علي أنا بس يومتها حط فنجان القهوة وقام طبعا أنا أثرت فيي كتير هالحركة ومن بعدها بطلت أعمل القهوة من غير نفس وحتى لو ماكان الي نفس بجيب النفس بدبرها من تحت الأرض بس عشان ماما وبابا ما يشربوها من حدا غيري، وصرت أعمل القهوة أطيب من أول والحمد لله اتحسنت الفكرة اللي أخدوها على قهوتي اللي من غير نفس وما زالو بحكو عن قهوتي طيبة وعملولي دعاية بين الناس وصارو كل ما يجي عنا ضيوف يطلبو القهوة مني( بيني وبينكم ما بحب أعملها الا لبابا وماما) اشتأت لماما..وبهادل ماما.. صح انها كانت تبهدلنا عالطالعة والنازلة بس والله والله البيت من غيرها ماله طعم من غير صوتها ومن غير بهدلتها والله إني اتعودت عليها وحتى على بهادلها..وكنت انبسط عليها لما تعصب.. ودايما بتناقر معها عن جد إتعودت عليها وعلى مقاهرتها دايما كنا أنا وبابا نضل نقاهر فيها وننرفزها ماما بطبعها بتعصب بسرعة فلما كانت تبهدلني أنا أضل أضحك مش عشان ما عندي احساس بس عشان بحبها بكل مافيها حتى لما تبهدل وأنا يعني ما بقصر كنت أعمل حركات عشان أخليها تصيح علي وتبهدلني (والله بهدلتها بتجنن)وأضل أقاهر فيها عشان تعصب وبعدين أروح أراضيها..بجنن شكلها وهية معصبة  أحيانا بتدايئ وبزعل إذا صيحت علي وأكثر شي بقهرني لما تصيح علي وبعد شوي تيجي تحكي معي ولا كأنها عملت شي بس والله على قلبي زي العسل هلأ افتقدت هالحركات كلها، افتقدت صوت ماما وحسها في البيت مهما كان بكفي إنه تكون موجودة بالبيت وأمتع عيني بشوفتها بحبها ببهادلها،بعصبيتها،بطيبتها، بكل مافيها مجتاجيتها كتير وأصعب شعور أحتاج لماما وأكون بدي أحكي معها وما ألاقيها أول مرة بحياتي بشعر هالشعور(الله يرجعلي اياها هية وبابا بالسلامة يارب) بابا انسان هادي كتير.. وبنفس الوقت فرفوش كتير يعني بحياتي كلها ما صيح علي إلا مرة وحدة ومستحيل أنساها هالمرة كانت من فترة قريبة يعني يمكن قبل ما يسافرو بأسبوعين صار موقف هيك وصيح علي بهداك اليوم ضليت للصبح وأنا أبكي كانت أول مرة بحياتي ببكي بسبب بابا مع انه الموقف كان طريف وعادي كتير إنه يصيح علي عشانه بس يومتها إتأثرت كتير لأنه أول مرة بصيح علي ومش متعودة أنا بالذات من بين كل أخواتي إنه بابا يصيح علي يعني هوة مو مدحا بحالي بس الحق يقال كان دايما يحكي حورية الوحيدة من بين كل أخواتها ما تعبتني وما بتغلبني بشي  هالبنت رايقة وهادية اشتأت لهالحكي من بابا وينك يا بابا..لو ضليت أحكي عن ماما وبابا ما رح أخلص عشان هيك رح أختصر..... بابا وماما حبوني علموني وربوني ياربي خلي بابا والماما نور عيونييييييي >>فاصل اعلاني دايما بغنيلهم هالغنية لما يجي على بالي أتهبل عليهم بكره أي حدا بسألني مين بتحبي أكتر أمك ولا أبوكي بعمري ما فكرت أقارن بينهم بحب ماما كتير وبحب بابا كتير بنظري بابا وماما أروع أم وأب بالدنيا كلها بحسد حالي عليهم .. وبحمد الله وبشكره في اليوم ألف مرة انه عندي أب وأم متلهم بحسد حالي لما أشوف الأباء والأمهات التانيين كيف بعاملو ولادهم بتكون معاملتهم مو منيحة بحمد الله انه عندي أب وأم زي ماما وبابا مافي متلهم بالدنيا كلها الله لا يحرمني منهم  كتير منكم رح يحكو اني ببالغ بس والله ما عم ببالغ وهالحكي اللي حكيتو كله ولسا ما حكيت شي مش متعودة أبدا أقعد بالبيت وما يكونو مماما وبابا موجودين مش متعودة يمر يوم وما أشوفهم فيه كيف هلأ (3 أسابيع رح يمرو)أصعب 3 أسابيع بحياتي بهالمناسبة هاي الأيام كتير أعصابي مشدودة بتمنى إذا زعلت أي حدا بهاي الفترة أو عصبت على حدا لا تزعلو مني صايرة أعصب كتير بهالفترة بليز ما بدي حدا يزعل مني إتحملوني بس بهاي الفترة صاير دمي تئيل وزنخة بس والله مو بإيدي وأصلا أصلا أصلا انتو المفروض هلأ تدلعوني وتحطوني بعيونكم وما تزعلوني عشان ماما وبابا مسافرين ولازم كمان أي شي بطلبه تجيبولي اياه مالي دخل طبعا عم بخطر ببالكم انه أنا يا أكبر وحدة بأخواتي يا أصغر وحدة  بحب أبشركم أنا لا هيك ولا هيك أنا أصلا جاي مكاني غلط بين أخواتي يعني عندي 6 أكبر مني في منهم متجوزين وعندي 2 أصغر مني (شفتو كيف مكاني غلط) اللي أصغر مني ولد وبنت الولد دلوع بابا والبنت دلوعة ماما بس أنا محظوظة أكتر منهم لأني دلوعة بابا وماما يعني التنين بدلعوني يا الله شو اشتأتلهم بس مع هيك انا مش دلوعة>>لااااااااااحظو قولكم بكونو اشتائولي (ما احلاهم ما يشتائولي والله بخرب الدنيا) هاد الموضوع رح أورجيه لماما وبابا بس يرجعو لأنه مهم كتير بالنسبة الي إدعولهم يرجعو بالسلامة ويرجعو ينورو البيت وأهم شي إدعولهم يجيبولي هدايا كتير معهم >>>>>>> حبيت أعمل جو لأني عارفة كتير منكم رح يتأثرو بالموضوع وأخيرا شكر خاص لوردة الأقصى اللي تعبت معي كتير بالموضوع وساعدتني فيه(طبعا خالتها وجوز خالتها لازم تتوصى فيهم) شكر خاص لأحان الحرية ونسرينا الفلسطينية بشكر كل اللي فاتو عالموضوع وقرأوه بشكر كل اللي ردو عليه بشكر كل اللي وقفو معاي بهاي الفترة بشكر كل اللي سألو عن ماما وبابا وبضلهم يدعولهم والله بنبسط كل ما يسألوني عنهم وأحلى بوسة لماما وبابا  تحيتي ودعواتي الكم بنوتتكم،،،هبولتكم،،،غنوجتكم ح و ر ي ة ف ل س ط ي ن |
|||
|
||||
| اقتباس المشاركة |
|
02-19-2008, 06:03 PM
|
#2 | ||
|
I ♥ PALESTINE
قوة السمعة: 81
|
رد: بــــابــــا&مــــامــــا،،،،بــــح ــــبــــكــــم
مميـــــــز
الله يرجعهم سالمين يا رب حاسه فيكي لما سافرت ماما كل شي بالدنيـا خرب :S الله يرجعلك ياهم سالمين يا رب وموضوع رووووووعــة الله يخلي كل الأمهات والأبهـات من دونهم إحنا ولا شي |
||
|
|
|||
| اقتباس المشاركة |
|
02-19-2008, 06:22 PM
|
#3 | |
|
..ღ توأم حورية فلسطين ღ .. 
قوة السمعة: 69
|
رد: بــــابــــا&مــــامــــا،،،،بــــح ــــبــــكــــم
حبيبتي حرحورتي بنت خالتي
الله يسعدك يارب موضووووووووع روووووووووووعه بصراحه الله يرجعلنا خالتي بالسلامة يارب وجوز خالتي العسل كمان الله يرجعو بالسلامة عنجد والله مابئدر أئعد بدون بابا وماما الله يخليلك مامتك وباباكي ويخليلي مامتي وبابايا ويخلي للكل مامتهم وباباهم ههههههههههههههههه يسعدلي اياكي يارب يا أحلى بنت خالة ع الموضوع ولوو يائلبي اذا أنآ ماساعدتك وتعبت معك بالموضوع مين بدو يساعدك تسلميلي يارب |
|
|
|
||
| اقتباس المشاركة |
|
02-19-2008, 06:23 PM
|
#4 | |||
|
ღ .. тόσţί ғяùţч ..ღ 
قوة السمعة: 116
|
رد: بــــابــــا&مــــامــــا،،،،بــــح ــــبــــكــــم
بجد شعور مش حلو ..( يمكن ما رح تفهموني .. بس قلتلكم مهما حكيت ما رح أقدر أحكي اللي بقلبي) والله حاسة فيكي ... أنا لما امي سافرت ... حسيت الدنيا اسودت بوجهي ... كنت كل يوم اقعد اعيط لحالي ساعتين تلاته ... والله كانت اعصب ايام بحياتي .... كانت نفسيتي بالمرة مش منيحه حتى ما كنت اقدر اروح ع المدرسة ... مع هيك كنت اروح عشان الامتحانات و بنص الامتحان كنت اعيط و ما اقدر استحمل ... و هما بيفكروني بعيط عشان الامتحان .... الله لا يعيد هالايام يا رب .... الله يصبرك حرحورتي و يرجعلك اياهم بالسلامة يا رب .... و يخليلك اياهم و ما يحرمك منهم .... و تسلميلي ع هالموضوع الرائع .... يعطيكي الف عافية ^^ |
|||
|
|
||||
| اقتباس المشاركة |
|
02-19-2008, 06:26 PM
|
#5 | |
|
I ♥ PALESTINE
قوة السمعة: 119
|
رد: بــــابــــا&مــــامــــا،،،،بــــح ــــبــــكــــم
يا حبيبتي
مو عارفه شو اكيلك انا دايما اهلي بسافرو متعوده ^^ او انا بسافر ^^ الله يرجعهم الك بسلامه |
|
|
|
||
| اقتباس المشاركة |
|
02-19-2008, 06:36 PM
|
#6 | |||
|
..ღ توأم وردة الأقصى ღ ..
قوة السمعة: 131
|
رد: بــــابــــا&مــــامــــا،،،،بــــح ــــبــــكــــم
المشاركة الأصلية كتبت بواسطة بسكوتة الله يسمع منك يا عسل نورتي حبيبتي .gif "S (43)")
|
|||
|
|
||||
| اقتباس المشاركة |
|
02-19-2008, 06:39 PM
|
#7 | |
|
I ♥ PALESTINE
قوة السمعة: 35
|
رد: بــــابــــا&مــــامــــا،،،،بــــح ــــبــــكــــم
موضوع مميز جداً جداً جداً الله يخليلك امك و ابوكي و يرجعلك اياهم بالسلامه يا رب و ما يحرمك منهم بنوب بس بتعرفي والله خوفتيني لانه امي و ابوي راح يسافروا بعد شهر و نص ان شاء الله وانا زي حالتك مش متعودة انه اقعد بدونهم الله يجيب الخير يا رب و يرجعلك اهلك بالسلامة يا غالية سلمت يمناكٍ |
|
|
|
||
| اقتباس المشاركة |
|
02-19-2008, 06:50 PM
|
#8 | ||
|
I ♥ PALESTINE
قوة السمعة: 379
 |
رد: بــــابــــا&مــــامــــا،،،،بــــح ــــبــــكــــم
كلمات رووووووووووعة
والاروع انه كل كلمة من قلبك وبتنقال بكل صدق ومحبة الله يخليلك اياهم يا رب ويرجعهم الك سالمين .. |
||
|
|
|||
| اقتباس المشاركة |
|
02-19-2008, 06:55 PM
|
#9 | |
|
قوة السمعة: 0
|
رد: بــــابــــا&مــــامــــا،،،،بــــح ــــبــــكــــم
انشالله يرجعولك بالسلامة ياااااااااااااااااااااااااااااااااا اااااااا رب
والله خلتينا نشتقلهم واحنا ما بنعرفهم من كتر ما حكيتي عنهم هههههههههه الله يخليلك ايهم وما يحرمك منهم يااا رب بالتوفيق حورية |
|
| اقتباس المشاركة |
|
02-19-2008, 07:03 PM
|
#10 | |||
|
I ♥ PALESTINE
قوة السمعة: 85
|
رد: بــــابــــا&مــــامــــا،،،،بــــح ــــبــــكــــم
تسلملي حرحورتــــــــي..
الله يرجعلكـ أهلكـ بالسلامــــة... ان شا الله يرجعو بأقرب وقـــت وينورو البيت من جديــــد.. تسلميلي والله موضوعـــــكـ روووعة وبجننن... ما في أحلى من هيـــــكـ كلام وصراحـــــــة... فدييييييتكـ والله.. الله يخليلكـ اياهـــــم ويخلي كل أهالينــــا.. والله يخليكي الهـــم والله ما شا الله عليكي نادر ما بنلاقـــي متلكـ... الله يحفظكـ ويحميكـِ... وزي ما حكت بسكوتــــة احنا ولا شي من دونهـــــم.. يعني أساس حياتي كلهـــــــا وعندي اياهم بالدنيا كلهـــا بابا وماما.. فديتــــــــــــــــــــهم بكـــــــــل ما فيـــــــــي.. ولكـ أكيـــــــــــد اشتاؤولكـ ولوووو.. ههههههههههههههه بتستني الهدايا اه..! كوووووووووول ههههههههههههههههه... تسلميلي ما في داعي تعتذري.....هي الدنيا هيكـ أخد وعطا.. تعالي هون اه ازا بــدكـ أي شي نحنا هـــــــــون مستعدييييييين...وأولهـــم أنا والله بدبحــــــــــكـ...عن جد ازا بدكـ أي مساعـــــــدة انا هناااااااا,,, بس والله بعيدة أنا في بلد وانتي في بلد ممممممممم عادي مو مشكلة أقطع المسافاااات والحدووووووود كرمالكـ تسلميلي عن جد انتي أختــــــــــــي التانية بعتبرلكـ.. كـــــل الصفات الي فيكي بتجننننننن.. وانتي روووووووعة من فوقـــــــكـ لتحتكـ.. مافيكي شي تنعابـــي عليه.. الله يسعدكـ ويخليلي اياكي.. <<<شو دخلو بالموضوع  كووووووووول..مجرد تعبيـــر سريع عما في داخلي.. وعن جد بحكي ما بمزح ولا بتهبل..و عن جد لو ضليت أحكي عنكـ من هون لبكرى ما رح أخلص.. بحبــــــــــــــــــــــــــــــــ ــــــــــــــــــــــــــــــ كـ والله...... سلامو حياتـــــي..
|
|||
| اقتباس المشاركة |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
..~ 
العرض العادي
