الدين والتعصب والاستهتار

[.!.ذكـــريـــات.!.]

بصراحة يوم واحد لي في المنتدى .. عرفت ان اهله مثقفين متدينين


بل

رائعين



بالنسبة للموضوع ..

أخي بصراحة إسلامنا منهج حياة

أي انه اذا طبقناه في جميع مجالات حياتنا فانا باذن الله سنفوز ..

ولكن انقلاب الموازيين وتغير المعتقدات والأفكار كما قال الكثيرون قبلي فهو من علامات الساعة وهو نتيجة الغزو الثقافي


فعلينا بتقوى الله عز وجل

" ومن يتق الله يجعل له مخرجا"


وعلينا ان نغير انفسنا ومجتمعنا ونجعل نية التغيير صادقة
"حتى يغيروا ما بأنفسهم"

أختي فوفو ..

حجابك رمز عفتك وطهرك ..

حجابك عزتك..

حجابك إسلامك ..

..

غاليتي ..

لا تجعلي للشيطان في قلبك مكانا ..

واذكري مصعب بن عمير حين اعلن إسلامه كيف عذبته امه وقاطعته واضربت عن الطعام

... فصبـــر ...

أختي الغالية .. اصبري وادعي الله واستغفريه ..

لعله يشرح صدرك للحجاب ..


دينك غالٍ أخية فتمسكي به ..



من قلب يحترق عليكِ

أختك .. ذكريات

[حنان16]

اوكي خيتوو

--على بركة الله ^_^--

ليش انا شو حكيت

--راجعي كلامك خيتو وانت تعرفي--

مهالحكي بالزبط انا التو

--لا اختي وجهة نظرك واضحة ووجهة نظري واضحة--

بعدين بالنسبة للحجاب
رح احكي بصراحة وما بيهمني شي

--مافي قمع ولا اي شي يخوف اختي وما بدنا غير الصراحة--

انا وحدة مسلمة وبعرف الله منيح
بس حجاب مو محجبة

--احكيلك الصراحة ممممم هيدا تناقض في شخصك..--

وهي بصراحة
ونفسي اتحجب

--وشو مانعك اختي؟!!--

وجربت اتحجب
بس بابا ما عجبو وخيي ما عجبو

--وشو يعني هيدا امر متعلق بشخصك ما دام في الطريق الصح وانت مقتنعة بهيك ..--

وصرت متل المنبوذة بالبيت

--هيدا في البيت اختي انما في الاسلام بالعكس وشو افضلك وضعك في الاسلام ولا وضعك في البيت؟؟!!--

يعني كنت بس اطلع يحكيلي بابا وين طالعة ومع مين وما تتأخري
وبس اتحجبت ما عاد يحكيلي الله معك

--مممم شو احكيلك لا تعليق..!!!--

فاطريت اشلحو

--غلط بردو لان كل اللي حكيتيه وحتى لو كان اكثر من هيك لو كان ايمانك قوي بالله عز وجل مثل ما حكيتي ما راح تغلطي وتشيليه ابدا ولشو ما كان السبب..--

ونحنا عنا بالعيلة ما حدن محجب

--المهم انت شو نظرتك وكيف علاقتك بربك وكيف بتنظري للاسلام لانه يوم القيام كل واحد متعلق بنفسه وانت مثلك مثل الغير راح تحاسبي على كل كبيرة وصغيرة وما حدا راح يقاسمك لا ذنوبك ولا حسناتك *يوم لا ظل الا ظله*..--

لانو عندن مبدأ انو الحجاب بس لتتجوز البنت <--- وازا جوزا ابل تتحجب

--كمان باحكي شو نظرتك انت--

بس الحمدالله بعرف الله اكتر من عالم كتييييييييير

--لو بتعرفيه اختي فعلا خلي ايمانك به قوي وما ياثر على علاقتك معه اي حد ولا اي شي--

وعم حافظ عحالي وعديني
فما دخل الحجاب

--هيدا تناقض اختي شو يعني بحافظ عديني وتضيفي ما دخل الحجاب انت ما تعرفي ان الحجاب فريضة على كل مسلمة!!--

صح الله حكي انو فرض
بس الحجاب ما بيأثر ععقيدتنا الاسلامية

--بدون تعليق ولو علقت راح يتمحور تعليقي حول *تناقض وهراء وسوري يعني عهيك بس هيك شايفة*--

ومع هيك يسلمو

--الله يسلمك ويهديك--

بيضلو مجرد رأي لالك ^^

--والاختلاف لا يولد الخلاف ^_^--

[احلا فوفو]

شو خيتو!!!!! <--- حنان16
شو مالك نازلة فيني قصف !!
في شي بيناتنا؟
ازا الك شي عندي احكيلي بس
وحئك عراسي من فوء
بعدين اكيد الحجاب ما دخلو لانو في كتير شغلات الله محرمها ووزنها بوزن الحجاب
وبئص ايدي ازا ما حدن بالمنتدى بيعملا
والحجاب جزء من اسلامنا او دينا
مو الدين كلو
صح وللا لا ؟
وبالنسبة للحجاب يعني
بصراحة ^^
انا حاطة هالمشروع ببالي وانشالله ببلش فيه
خخخخخخخخخخخخخخخخ
يثلموو خيتووو

[S M S]

يا جماعة مالكم

هدوي اللعب شوي



روئي فوفو



حنان >> دينا دين يسر مش عسر


وبشر ولا تنفر



^_^

[خيـرَ أُمـة]

أخت "حنان" ... الدوة بتكون بالحكمة والموعظة الحسنة ((ادعُ الى سبيل ربك بالحكمة والموعظة الحسنة وجادلهم بالتي هي أحسن)) صدق الله العظيم ..

الحوار مش عبارة عن مصارعة واستماته عشان نثبت وجهة نظرنا وبس وانما هو لاقناع الاخر اذا كنا شايفين انه على خطأ ! ....


أخت "أحلا فوفو" كنت بتمنى تردي على الردود الي في ظني مقنعة مثل ردي ورد الأخت نور والي فيها ردود على تسائلاتك الجديدة ... لانه بصراحة احنا بنعرف الاسئلة الي بتدور براس كل فتاة غير محجبة :) وعلى فكرة اختي احنا كان عنا مشروع مبارك بالمنتدى قبل عام تقريبا وكان اسمه "احياء امه" .. وفي حلقة كانت عن الحجاب جدا مؤثرة واتحجب على اثرها ثنتين من صبايا المنتدى ...
يريت ترجعي لردي السابق وتقاري بعقلك وقلبك ...

موفقة يا رب ..

أخوك.

[حنان16]

يا خيتو فوفو انا ما بيني وبينك اي شي

وصدقيني انا مو معصبة ولا اي شي

وعموما اختي انا عاملة مشروع تحت عنوان

--لنتذوق طعم الحياة--

ادخليه اختي راح اخصص عنوانه الجاي لالك على وجه الخصوص

واللي راح يتمحور حول الحجاب

تحيتي

[مارلين برلو]

موضوع كتير راااائع

انا راى من راى اخى سيف الاسلام انو خير الامور الوسط

يسلمو الك

[حنان16]

بالنسبة لخيو اس ام اس

والله يا اخي نحنا هون ما بنلعب

وانا عارفة انه الدين دين يسر وليس دين عسر

وشكرا عموما اخي ^_^

تحيتي

[وردة بين الأشواك]

كله بسبب الاعلام
واستعمار الفكر من قبل الغرب

الحجاب واللحية عندهم تخلف وللاسف نقلولنا العدوة

بس الغريب هالايام فعلا انه منلاقي الشباب والبنات يا اما ملتزمين كتييير يا اما فري كتيييير
يعني بطل في نص نص ما بعرف ليه

موضوع رائع وجدير بالنقاش
ونحن فعلا نعيش في زمن الموازين انقلبت فيه

شكرا الك قسامي الله يعطيك العافية
وكل عام وانت بخير

[حنان16]

أخت "حنان" ... الدوة بتكون بالحكمة والموعظة الحسنة ((ادعُ الى سبيل ربك بالحكمة والموعظة الحسنة وجادلهم بالتي هي أحسن)) صدق الله العظيم ..

صدق الله العظيم..

وانا عارفة هيك اخي^_^

الحوار مش عبارة عن مصارعة واستماته عشان نثبت وجهة نظرنا وبس وانما هو لاقناع الاخر اذا كنا شايفين انه على خطأ ! ....

لو ممكن تربط الكلمات المميزة اخي

مو غريب حكيك شوية وفيه نوع من التناقض

انا ما دخل دماغي بصراحة ؟؟!!

لان الحوار عمره ما كان عبارة عن مصارعة اصلا..

عموما مشان نكون واضحين لو تقصد طريقة ردي

فاسمحلي احكيلك اني كنت قصداها..

وما كان غرضي اثباث وجهة نظري وبس

مع انها ما تحتاج اصلا الى اثبات..

انما كان ايظا من اغراضي الاقناع والنصح..

فانت اخي نظرت لردي من زاوية واحدة فقط

لانه انا تعمدت اقابل كلام اختي فوفو بكلام اقوى او ان صح التعبير

فيه نوع من الصرامة..

لاني حطيت نفسي مكانها وتطرقت لكيف راح يكون تفكيرها وكيف راح تواجه الموقف

وهيدا كان نقطة بدايتي

وعموما بكررها اخي انا كنت متعمدة الاسلوب اياه

مو للي انت شفته بس

انما لاشيا اخرى ..

تحيتي اخي ^_^