شباب فلسطين

مؤيد · 11-10-2007, 09:56 PM

المشاركة الأصلية كتبت بواسطة *ابو جهاد*
هههههههههههههههههه

وبعدين معك اخ مؤيد ؟؟؟؟؟؟؟؟

قل ما تريد بالضبط ؟ هل تريد ان تجعل من المنتدى منتدى حزبي ام وطني ؟

اذا كنت من دعاة الحزبية اذن اطلب من الادارة تغير اسم المنتدى الي منتدى شباب (اسم حركتك)

اخي المنتدى فلسطيني بحت وهذا ما عهدته منه طيلة السنوات الماضية وهذا ما تمنيته ان يبقى عليه .

بعدين زي ما بقول المثل الشعبي شو الي جبرك على المر ؟ الامر منه ...

تمتم بود ,,,

ما بدي أخلي المنتدى حزبي .....

وما بدي اسم المنتدى يتغير ....

وبعتقد انو هذا المنتدى مستقل وبمثل جزء كبير من شباب الشعب الفلسطيني في داخل فلسطين وبره فلسطين ، لإنو أعضاء المنتدى من جوا فلسطين ومن بره فلسطين ، وكلنا هون مسلمين فلسطينيين ، وكل واحد فينا اكيد انو تأييد معين ، بس ازا كانت اغلبية اعضاء المنتدى مؤيدين لحركة معينة فهذا مش ذنبي انا ولا ذنب المنتدى ولا ذنب الإدارة ..........
بالعكس هذا واقع الحال انو اغلب الشعب والأمة المسلمة كلها مؤيدة لجهة معروفة مين ، يعني المنتدى بعكس الحال الفلسطيني 100% ...
وما في تحيز ولا شي المنتدى زي ما قلت لك بضم كل الاتجاهات ....

وبعدين الحزب الي بتحكيلو عنو ، هو مش فلسطيني يعني ؟؟؟؟؟ فلسطيني هو 100% وابناؤه ابناء فلسطين ، الا اذا انت شايف غير هيك .......

مؤيد · 11-10-2007, 10:03 PM

المشاركة الأصلية كتبت بواسطة CR@ZY DOLL وحدوووووووووه
هاي الاشاره غلت (ص)

لا إله إلا الله محمد رسول الله .....

أكيد غلط الواحد يحكي النبي (ص) ....
الي بيعرف منيح بالدين يحكي صلى الله عليه وسلم كاملة ، ومش يخسارة انو الواحد يروح منه ثواني وهو يكتب احلى جملة وهي صلى الله عليه وسلم ....

المشاركة الأصلية كتبت بواسطة ameerelarab

تنكدت من كلامك اخي ابو جهاد

يعني انت بتناقض بحالك كتير

وطرحك خيوو مش محله

وعالعموم انا فتحاوي وكلامك ما بشرفني اسمعه

موفق

وربنا يهديك

100% .......

بحب الفتحاوية الي متلك ^_^ ......

محمود · 11-10-2007, 10:05 PM

أنا أعرف البير وغطاه ما بكابر ،، بالنسبة للبرامج :) هذه ادوات على السيرفر

واذا كان السيرفر مخترق كيف رح استخدمها وبهالسرعة التي لم تتجاوز الـ 3 ساعات ^^

سبحان الله جهل بدل على جهل وعقم كل ماله بزيد ،، مش انتا بتقول اخترقته ووقفته ..

وعمالك بتناقض بحالك ، تقول الآن لا تعرف الفاعل وكلامك يدل على انك متيقن من انها عملية اختراق !!

كيف عملية اختراق طيب !! وكلامك يدل على انه شخص مجهول عنك كمان يا حلاوة (:

كن منطقي ..

والله المنتدى شباب فلسطين << ويشرفنا أن يكون اسم على مسمى ،،

لكن ليس للمنافقين والكاذبين والحاقدين مكان بيننا ، لأنهم عار على فلسطين !!

الفتحاوي الشريف له مكان هنا ، والحمساوي الشريف له مكان هنا ، وابن الجهاد الشريف له مكان هنا ..

المنتدى لا يقبل للمندسين نشوتهم ولن يسمح بتواجدهم ..

وكلمة أخيره ، لأني أناقش بهدف توضيح فكرة وسلامة الموقع من أدي رجسة ، أما أنت تماطل بلا دليل .

والسلام عليكم ورحمة الله وبركاته

حنان16 · 11-10-2007, 10:05 PM

^_^

ولله في خلقه شؤون

اسمع ابو جهاد

ممكن احكيلك شغلة

*كله عند العرب صابون*

تحيتي

*ابو جهاد* · 11-10-2007, 10:06 PM

المشاركة الأصلية كتبت بواسطة مؤيد

ما بدي أخلي المنتدى حزبي .....

وما بدي اسم المنتدى يتغير ....

وبعتقد انو هذا المنتدى مستقل وبمثل جزء كبير من شباب الشعب الفلسطيني في داخل فلسطين وبره فلسطين ، لإنو أعضاء المنتدى من جوا فلسطين ومن بره فلسطين ، وكلنا هون مسلمين فلسطينيين ، وكل واحد فينا اكيد انو تأييد معين ، بس ازا كانت اغلبية اعضاء المنتدى مؤيدين لحركة معينة فهذا مش ذنبي انا ولا ذنب المنتدى ولا ذنب الإدارة ..........
بالعكس هذا واقع الحال انو اغلب الشعب والأمة المسلمة كلها مؤيدة لجهة معروفة مين ، يعني المنتدى بعكس الحال الفلسطيني 100% ...
وما في تحيز ولا شي المنتدى زي ما قلت لك بضم كل الاتجاهات ....

وبعدين الحزب الي بتحكيلو عنو ، هو مش فلسطيني يعني ؟؟؟؟؟ فلسطيني هو 100% وابناؤه ابناء فلسطين ، الا اذا انت شايف غير هيك .......

خض المي وهي مي

حبيبي انا ما بدي ادخل معك مناكفات سياسية لانه مش هذا هدفي .

وبعدين الفلسطيني البحت هو من يعترف بالاخر ويحترم اراءه بل ويقر بها لا الذي لا يعترف الا بتوجهاته

السياسية القائمة على مبدا الغاء الغير وتكفيره ..

وبعدين من انت لتتكلم باسم الشعب الفلسطيني وميوله السياسي (فش مجال الا يدخلني بالحوار السياسي) اذا كنت تعتقد ان حزبك يمثل الشعب الفلسطيني في غزة والضفة بناء على انتخابات تشريعية ماضية (و سبحان من يغير الاحوال من يوم لاخر) فانا ابن منظمة التحرير الفلسطينية الممثل الشرعي والوحيد للشعب الفلسطني في الوطن والشتات(6.5 مليون واكثر) اضيف ايضا ان رئيس حركتي ومنظمتي هو رئيس شرعي للشعب الفلسطيني باكلمه وهذا ما اقره قادتك السياسين ...

*ابو جهاد* · 11-10-2007, 10:09 PM

المشاركة الأصلية كتبت بواسطة محمود
والله المنتدى شباب فلسطين << ويشرفنا أن يكون اسم على مسمى ،،

لكن ليس للمنافقين والكاذبين والحاقدين مكان بيننا ، لأنهم عار على فلسطين !!

الفتحاوي الشريف له مكان هنا ، والحمساوي الشريف له مكان هنا ، وابن الجهاد الشريف له مكان هنا ..

المنتدى لا يقبل للمندسين نشوتهم ولن يسمح بتواجدهم ..

هههههههههههه اشارة الى فتح الياسر ...(االاخضر)

وبالاحمر اشارة الى كل فصائل منظمة التحرير عدا ح م ا س وفتحكم

*ابو جهاد* · 11-10-2007, 10:10 PM

المشاركة الأصلية كتبت بواسطة حنان16 ^_^

ولله في خلقه شؤون

اسمع ابو جهاد

ممكن احكيلك شغلة

*كله عند العرب صابون*

تحيتي

سامحينا اخت حنان فكرناكي عربية طلعتي اجنبية ..

حنان16 · 11-10-2007, 10:16 PM

هههههه

اجنبية؟

الم اقل

*كله عند العرب صابون*

هههههههههه

اجنبية قال

حنان16 · 11-10-2007, 10:18 PM

عفكرة لما تفهم المعنى اللي بدي اوصله

ابقى احكي

مو كلام متطاير في الهواء

*ابو جهاد* · 11-10-2007, 10:19 PM

المشاركة الأصلية كتبت بواسطة حنان16 هههههه

اجنبية؟

الم اقل

*كله عند العرب صابون*

هههههههههه

اجنبية قال

اهاا اذا لما تتحدثين عن العرب وكانك لستي منهم ؟؟

مش قلنا سياسة الغاء الاخر بلاش منها !!!!

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء