مصطلحات

[المقدسيه]

فكح

ومعناه مزط او هرب

داق على سن ّ ه (مفرد اسنان)

تقال للشخص اللي مخلص كورسات في الصياعة الفهلوة والدواوين

تلولحي يا دالية

تقال للشخص النحيف جدا وبترخرخ لدرجة الهبل.

حادي عن الراس واذرب

بلهجة اهل اربد والمعنى وفي مقوله اخرى حيد عن الراس واذرب وتقال في الطوش

او الخناقات انه يعني ما تعمل عمل كبير تندم عليه ..ولكن حاول توجع بشكل غير مباشر ..يعني لا تضرب واحد على راسه تنبلي فيه

إحفظ هالّلطش

يقولها من أدى خدمة لحدا ومحملوا جميلة عليها

طقع - بكسر القاف

يقال انها كلمة دخيلة وأصبحت متداولة ومنشؤها الزرقاء(مجمع الباصات ) وبالأخص من شوفيرية السرافيس الكوستر وتعني اشي روعة ومنيح جثير وتقال كنوع من انواع الغزل

فايـع/ فايـعة

وتقال للبنت والولد اللي ماشيين عل الموظة أو على حل شعرهم أو شايفين حالهم - للتوضيح يعني من مناطق عمان الغربية وبالأخص عبدون وأخواتها

هاك

يعني خذ او القف.. بس من غير نفس

بتتخوث يا ملوّث

تقال لمن يحاول أن يخفف دمه وبتهبّل وهو فيش أزنخ من دمّو

مشرّت - بكسر الرا وفتح الشين

تقال عادة للظاربة فيوزاته او ولا حبة

الطنجير

يقال انها من اصل طنجرة وتقال للشخص اللي مثل اللوح ومش عارف وين الله حاطّه

الشنتير

تقال للشخص اللي حجمه كبير وعالفاظي

فستق فاظي

تقال للشخص اللي بحكي كتير وما بعمل اشي

سحنة

معناها ملامح وجه الواحد ... ويا محلا هالسحن

سنحك

معذرة ... ما زال البحث جاري عن معناها

كزدر او نقزدر

وتستعمل في المناطق الأقل حظا

منغنغ- الله يطعمنا

معناها معاه فلوس كثيرة وجيبته مليانة مصاري

خذني جيتك

معنى اخر لكلمة ابشر .

اطلع من راسي وسكر الباب

بمعنى فك عني احسن ما ادعس على شواربك

مقلع

تستعمل للدلالة على ان القائل يملك خبرة طويلة في الموضوع المقال... بالعربي لعبته

شقفة ... سمطة ....خنق

مصطلحات تقال عن الفتيات الجميلات وهي بين الشباب فقط

كركبة في المركبة

تقال عن عدم السيطرة على الامور ...

ايش هالطعجة يانعجة

نوع من انواع التغزل بين الشاب الاردني والفتاة ..... وعلية ترد الفتاة التالي

&

الضروف ياخروف

ويعني ان الفتاة استقبلت تلميحات الشاب بالقبول .

اطعجني وانا بجلي ( من كلمة جلّي)

تقال رد على اعجابك بالكلام المقال او المتكلم ... وبالعوده لقاموس الديونجية يمكن اعتبارها نوع من انواع الغزل ....

مشعوط

هو الشخص المستعجل في كل الامور وبالاخص السواقة ... مثال فلان مشعوط سواقة

فاخر على الاخر

تقال عن الاعجاب بالاشياء والتحف و السيارات واحيانا عن الفتاة الشقفة (لمعرفة معنى شقفة ارجع للقاموس)

قبّــعت

يعني صار روحي بمناخيري (الانف) ومليون عفريت بتنطط ّ قدامي

بمعنى اخر وسع عن طريقي لاني مش شايف الضؤ

روّح يامجروح

غير متفق على المعنى للان ... وتقال في كل المناسبات كنهاية للحديث ونهاية قصة غير منطقية !!!

شلّف ... مشلّف

تقال للانسان والجماد

فلان مشلف : يعني هامل وصايع

السيارة مشلفة : يغني بدها تصليح.

خّز (بالشدة على الخاء)

تقال للرجل اللي داير وراى اؤامر مرتة ... وكلمة مرادفة للكلمة خيخة.

خيخة

وتقال للرجل الخّز ... وتستعمل للدلالة انوا الشخص ضعيف الشخصية.

على قد ايدك

بمعنى ايدك وما تطول ...

شايف الديك ارنب

تقال عند تداخل الامور لدرجة انها قبعت معك وناوي على شر ... و تقال قبل البداية الرسمية للطوشات.

هلا عمي... هلا خالي

نوع بديل للكلمة العربية مرحبا او السلام عليكم ... وعادتاً يرافقها من 5 الى 10 قبلات على الخد...

طرمزة

تعني ولدنة ....

ولا هبشة

تقال للشخص اللي مصفي ولا حبة براسو ( ككلمة تلولحي يادالية)

اتكرفتت ( وتقراء It Car Fat Tet)

يعني وقع على الارض او ادعثر وانطبش...

مشطوب

بمعنى ولا فيوز بعقله شغال ... ولازملو سكراب

سلامتك والهسهس

تقال عن الشخص اللي مفقود الامل فيه ...

اطلع من هالبواب (جمع باب)

تقال للشخص الذي يسرد قصة غير قابلة للتصديق ... بمعنى كذاب

خراط

كلمة تعني هذا الشخص كذاب كصفة ملتصقه به.

هشّات

هو الشخص الذي يقوم بايضافت الكذب لاي قصة واقعية

[القلب الطيب]

ههههههههههههه
مصطلحات رهيبة
مشكورة اختي
ربنا يوفقك