--- ذكرياتي باقلام احبتي2 * نور اليقين* ---

[حنان16]

السلام عليكم ورحمة الله وبركاته اخواني اخواتي اعضاء منتديات شباب فلسطين اليوم معي فكرة لعلها سبق وطرحت ولكن لا اعلم لما اختفت اليوم احييها من جديد ومفادها انه في كل مرة سنضع عضوا معينا لنفتح المجال لكل الاعضاء ان يضيفوا كل ما يعرفونه عن هذا العضو عن شخصيته وكيف ينظرون اليها ايجابياته وسلبياته . . . الخ اظن انكم فهمتم الفكرة جيدا وتريدون معرفة الشخص الذي سنكتب عنه في المرة الماضية تحدثنا عن حنان16 وهذه المرة مع من يا ترى ؟ اليكم الشخصية التي تنتظر ارائكم عنها هي نور اليقين بانتظار آرائكم جميعا وكيف تنظرون الى نور اليقين وتحياتي للجميع

[سيد الظلام]

اريد ان اصارحك اختي حنان لكن دون ضيق او حزن

لكني في المدة الاخيرة كلما رأيت موضوعا تكتبيه واقرا اسمك اشعر ان هناك سكاكين تطعن في صدري

هل لاني احمل في قلبي من البغيضة .. لا والله

ام ان السبب ان اختي حنان سمحت لشخص بأن يزرع الفرقة بيني وبينها لاسباب كان بمقدورها هي

ان تتجنبها

على العموم بارك الله فيكي على الموضوع

ولي عودة بشأن اختي نور مع ان اختنا نور لو كتبنا جريدة كاملة لم و لن نوفيها حقها

[اسيرة النجوم]

مشكورة اختي حنان 16 على الموضوع الحلو
وراح اكون اول مشاركة
واكتر مشاركه قد تعطي الصفات الدقيقه عن نور اليقين
انا ماراح اكون منافقه ولا شي
انا راح احكي الصراحه
يعني راح اعطي ايجابياتها وسلبياتها بصراحه تامه
لانو الصراحه احلى شي والمهم انها ما تكون وقاحه
والحمد لله تربطني بنور اليقين معزة خاصة
كيف لا وهي صديقه من زمان

واللي حب يتعرف عنها يجي لهون لهده المشاركه وراح يعرف نور اليقين


راح ابتدي

ايجابيات نور اليقين:

- هي بنت كتير طيبه
- قلبها كبير
- واقعيه كتير
- بتحب تنصح الناس
- بتوقف معهم دايما
- فاهمة الدنيا منيح
- هي عقلانيه اكتر مما هي عاطفيه وهاي اشي انا بحسدها عليه
- بنت متواضعه لاقصى درجة عكس ما بيقولو عنها
- خجوله شوي بس مو كتير يعني اول ميحكي حدا عنها بتلاقيها احمرت على طول ههههههه
- شخصيتها قوية
- لها حضور مميز في اي شي
- دكيه في الدراسه وهي دايما من الاوائل ودايما بتجيب معدلات عالية
- بتحب تفرفش واي شي انا وهي بنعمل منها نكتة
- انيقة
- ساعات بتركنا من غير اكل وبتعطي كل الفلوس للمساكين وانا بقولها اعطيهم وفي الاخر بتصير مصارين قلبنا قصدي بطننا بتزوزو
- تكره جميع انواع النفاق

سلبيات نور اليقين

- كتومة كتير
- ما بتسامح بسرعه
- ادا غلطتت ما بتحب تعتدر دايما بتحب تختلق مبررات ويمكن تلبسك انت تهمه مومشان تطلع نفسها منها بس هي هيك
- بتتفلسف كتير في الكلام
- عنيدة وانا اكتر منها فمعظم الاوقات ما بنتفق
- بتتكلم من غير متسكت ساعات بتوجعني في راسي
- الها حركات غريبه وكلامها بيخلي العالم يقولو عنها انها متكبرة
- ساعات بتكون قاسية
- كتير بتزعلني


هدا هو الموجز لهده اللحظة
ادا وافاني اي جديد او افتكرت اي شي لن اتردد في العودة والسرد عليكم
يسلمو حبيبتي حنان 16

[حنان16]

المشاركة الأصلية كتبت بواسطة سيد الظلام اريد ان اصارحك اختي حنان لكن دون ضيق او حزن

لكني في المدة الاخيرة كلما رأيت موضوعا تكتبيه واقرا اسمك اشعر ان هناك سكاكين تطعن في صدري

هل لاني احمل في قلبي من البغيضة .. لا والله

ام ان السبب ان اختي حنان سمحت لشخص بأن يزرع الفرقة بيني وبينها لاسباب كان بمقدورها هي

ان تتجنبها

على العموم بارك الله فيكي على الموضوع

ولي عودة بشأن اختي نور مع ان اختنا نور لو كتبنا جريدة كاملة لم و لن نوفيها حقها

بجد بجد اخي

انت بعدك ما عرفت مين هي حنان

وهيدا اللي خلاك هيك

فنصيحة ليك اخي

ما تتسرع في اتخاذ المواقف

ودايما احكم على كل شي بحكمة واتزان وعقل

مو بهالسطحية

وعلى كل حال انت يمكن يزعل كلامي هيدا

لكن هاي الحقيقة وانا مو من عادتي انافق او اغيرها

والبقية خلي الصمت يوصلها

لانه ابلغ من الكلام احيانا

وعلى فكرة هون مو لهالحكي

هون لنحكي عن نور اليقين بس

يلا بانتظارك

^_^

[حنان16]

مرسي كثير اسيرة النجوم

على المرور الروعة

فعلا ما قصرتي

تحيتي

[Abu Shadi]

بنت هبلة

رياتها نازلة


ما بعرف كيف جاية هي


شكلو حدا خابطها سكينة

المهم اجت

بس الصراحة نور اليقين الي اعرفنها زمان

احسن من نور اليقين هالايام


لانها تغيرت كثير على الاعضاء بعد الاشراف

يترى فينا نعرف ليه بردو ؟؟؟

[حنان16]

شكرا على مرورك ابن فلسطين

[الاماني الفلسطنية]

نور اليقين :: انسانة حبابة , دماتها عسل ,, مزوئة في كلامها وفي تعاملها مع الاخرين ,,

لبقة في الحديث ,, البها كبير ...

سلبياتهــا :: يمكن انا بشوفها حكياتها كتار ما بعرف يمكن عشان انا من طبعي الهدوء ...

ربي يخليها لاهلها وما يحرمنا من حكياتها الكتار ^^

يعطيكي العافية احلالالالالا حنان :)

[محب الاقصى]

شكرا حنان على الفكرة


يلا اللي بيعرف نور اتفضل ويععرفنا عليها اكتر

[SWEET*GIRL]

مابعرفش عنها اشي

غير انها عسل

موضوع حلو كتير

تحياتي