][®][^][®][يــوم فـي حياة عضو][®][^][®][

[القلب النابض]

السلام عليكم ورحمة الله وبركاته


][®][^][®][يـــــوم فــــــي حياة عضـــــو][®][^][®][

موضوع جميل وخفيف وياليت الجميع يشارك فيه
الفكره عجبتني وحبيت اطبقها في منتدانا المتألق...

سنقوم باستضافة عضو..يحكي لنا عن مسار يومه
منذ ان يصحو صباحاً حتى يحل الليل وينام...

متحدثاً بحريه تامة وبأسلوب..عفوي جداً.وكلام جميل لو كان به
بعض المــرح والإنطلاق والتحرر من قيود المواضيع الرتيبه

ثم بعد أن ينتهي يقوم هو شخصياً بأختيار عضو آخر
ليحكي لنا عن تفاصيل يومه وكيف يقضيه...

طبعاً حبذا لوكان التحدث عن يوم عادي وليس يوم إجازه
وذكر التفاصيل ليكون الموضوع ممتع...

طبعا كل عضو نختاره ويتكلم عن نفسه بعد ان ينتهي
يختار هو العضو الذي يليه وهكذا....


مع تحيات
اختكم
القلب النابض

[بسكوتة]

يلا رح أبدأ أنا

بسم الله

طبعا مع الإجازه كل شي بتخـربط وبصيـر مش منطقي

يعني اليـوم بشكل عـام متى ببـدأ يا جمـاعة ؟؟

ببــدأ السـاعة 12 بالليـل

أي نعم والحمدلله بـدأ هاليـوم اللي هوي الخميـس الموافق 16/8/2007

والسهـر متـواصل مع البنـات والمنتـدى والأكـل

وضليت سهرانه للسـاعة 11 الصبـح بس مش عالمنتـدى عالأكـل

ونامت الحجه بسكوته ومتى صحيت يا حلوين ؟؟

عالـ 6 ونص المغرب

صحيت على تلفـون لـولـو عشـان كان في مشروع طلعة

وأنا حضرتي نايمه

المهم طلعنـا عالـ 8 ونص والحمدلله أنـا وميمي ولـولـو ومحبوبة يبنـا

ورحنـا عالكارفـور واشترينـا شـوية شيـل يعني حجابات

وبعدين إجا دور الأكـل




شـاورمـا إلي ولـ محبوبة وكوكتيـل لميمي وسندويشة كباب لـ لـولـو

طيب وبعدين أخدنا هالأكلات ورحنـا عالسيـارة

وأكلنـا والحمدلله والله لايورجيكو شكلي وأنـا باكل هالسندويشه وبسـوق

الحمدلله حصل خيـر ع فكرة ميمي بتحكي عني متهـورة بس أنـا دايما عالـ 80 مش أكتـر





ما علينـا وأنـا عم بسـوق ومنلـف ومش عارفين وين نـروح

ولا قربت على مركز اسمو السفير مـول

وتزكرت إنو أنا شفت عندو نضـارة شمسيه وشكلها حلو كتيـر
حكيت يلااااا خلينـا ماشيين نوخدهم عهالمركز طبعا الشله الكريمه الله يحفظهم

كانوا مشغولين بالأكـل وأنا قاعده بقـرر لحالي وين أوديهم

ووصلنـا عالمركز ورحت اشتريت النضـارة

واشتـرت جماعة الخيـر شوية شوكولاتات على شوية بسكوتات



وبعدين ركبنـا بالسيـارة وروحنـا عالبيـت والحمدلله

وإجيت لقيت العائله الكريمه بالبيت وبـابـا بدو قهـوه ^^

رحت عملت القهـوه وقعدت مع العيله شوي وحضـرت أخبـار

وبعدين ضليت أستنى دوري عالكمبيوتر وزهقت رحت عملت نسكافيه

لحد ما إجا دوري بالأخيـر

وهيني كاعده معكم ومع طناجري اللي عالمسن

والسهـرة صبـاحي

والسلام عليكم

والعضـو اللي بعدي

بس المشكله إنو يومي نفس يومها

يعني برأيي حبيبتي يدخل الكل بشكل عام من غير تحديد ويحكي عن يومـه ^^

ويتفضـل حد من الأعضـاء يحكيلنـا يومـه ويعطيكم العافيه ويوفقكم ^^

وشكرا عالموضوع أختي القلب النابض يعطيكي ألـف عافيـه

[قسامي غزة]

فكرة حلو
بس مشكلة انو العضو يحكي كل شي كل شي

[ღ حورية فلسطين ღ]

اممممممممممممم

انا اليوم مقررة اطلع طلعات كتير لما اطلعهم كلهم باجي بأخر اليوم بحكيلكم شو عملت

ويسلمو ايديكي القلب النابض

[القلب النابض]

هلا هلا هلا هلا هلا هلا هلا هلا هلا هلا هلا هلا هلا هلا هلاهلا هلا هلا هلا هلا هلا هلا

واشتـرت جماعة الخيـر شوية شوكولاتات على شوية بسكوتات

شو هاد يا بسكوتة هاي خيانة عظمى وليش ما تزكرتيني ما انا بموت بالشوكولاتات الله يسامحك مخصماكي يا بنت ههههههههههههههههه

يعني برأيي حبيبتي يدخل الكل بشكل عام من غير تحديد ويحكي عن يومـه ^^

طيب حبيبتي ما في مشكلة يلي بريحكم

منورررررررررررررررررررررررررررررررر ررررررررررررة يا احلى بسكوته

فكرة حلو
بس مشكلة انو العضو يحكي كل شي كل شي

هلا بقسامي غزة منور بس لازم الواحد يحكي كل شي
ولا يلا مش كل شي كل شي كل التفاصيل بس يا سيدي
ههههههههههههههههههههههههههههههههههه ههههههههه

اممممممممممممم

انا اليوم مقررة اطلع طلعات كتير لما اطلعهم كلهم باجي بأخر اليوم بحكيلكم شو عملت

ويسلمو ايديكي القلب النابض

هلا بحورية فلسطين روحي وين ما بدك وان شاء الله بتنبسطي وبس تيجي بتقوليلنا كل شي
بتنوري باي وقت

[نور اليقين]

[بسكوتة]

مالهم الأعضـاء خلصت أيامهم .......

يلا فوتووووا هون واحكو شو صار معكم هاليوم ^^

[Abu Shadi]

انا اليوم صحيت الصبح بالليل

وكنت جوعان وقمت طفحت كل اشي بالثلاجة

اجيت اقعد على الكمبيوتر

الا انا نمت قبل ما يفتح

صحيت على صوتو وهو بفتح

قلت اطفيه واروح انام

طفيتو ورحت نمت

صحيت الساعة 9:45 وكنت مصحصح

قمت اقعد على الجهاز

قامت امي الله يرضى عنها

روح اصل السوق هات جاج

قلنا يوووووووووه ماشي

هاتي فلوس

اصلي تزكرت انو ما معي سجاير

فرحت شريت سجاير وانسيت اشتري جاج مسطل عقلي في السجاير

ارجعت قالتلي وين الجاج قلتلها اوووووووووووه نسيت

فكرت حالي ماخد عشان اشتري سجاير
قلت ارجع وحلفت لارجع

رجعت واشتريت جاج

واجيتلها

استنيت على الكمبيوتر

لمن اذن الظهر

صليت وارجعت قلتلها خلص الغدا

قالت بدو نص ساعة

قلت اقعد في غرفتي العب على الجوال

كنت مسطل

صرت في سابع نومة

اجو يصحوني اتغدا

قلتلهم حلو عني
وكملت نومة لساعة 8 ونص

قمت قضيت الصلوات كلهم

وانزلت في الشارع

بعدين رحت على المقعد تاعنا فوق السطح

وزبطت الشيشة وقعدت

وكنت لحالي ومبسوط ومروق

ما شفت الا اهل عمارة شلومو طلعولي

كل واحد زبط شيشتو وقعد

واضحكنا وانبسطنا

بعدين

انزلت لقيت في فلم شغال

ظلتني احضر

واديني اجيت الكم

رغم انو اليوم كان معادي طشة على البحر ههههههههههههههههههههههههه

[بنت الرملة]

الزلام عليكم يا اخوان

كيفنكم ..

بدي اقلكم عن مشوار يوم التلات لما رحنا عأبوظبي ..

قبل ما احكي تفضلــوا بصيرش ..


المهم زهبنا يوم الثلاثاء إلى أبوظبي وقد ودانا اخوي عبود انا وخواتي

اللواتي من ضمنهن لولو اليبناويه ..

وإليكم التفاصيل ..

طبعا المشــووار كان من صبحيه الصبح انا نمت عال 5 وصحيت ع 7 ونص الفجر

ههههههههههه سمالله ساعتين

وقمنا فطرنا وطلعناااااا وصلناااا الساعه 10 ونص واول ما وصلنا رحنا عمحل أحذية ((مش بدكم بالتفاصيل))

وكنا مواعدين بنات عمي انو لما نوصل عأبوظبي نطلع سوا نتفسح وبالصدفه لقيناهم بمحل الأحذيه

وطبعا اليبناويه عملو حفله كل المحل صار يطلع ههههههههههههههههههه ..

وبعدين طلعناااا عأبوظبي مــــول وجلســنااااا فيه لكي نتغدى ونلفلف قليلن في الأسواق ..

وانا اكلت نعم لقد اكلت قعدت الفلف عالمطاعم بكل سعااااااااده وبالأخير جبت اكل صيني

((كل عين وميصلحلها )) انا عيني صينيه بجيب صيني ..

بعد ما أكلنا نقسمنا نصين نص راح على المرينا مول ونص راح عبيت عمي وانا كنت

من النص إلي راح عبيت عمي ومن ثم نزلنا تحت على الباركنج طلعنا مضيعين السياره ههههههههههههه


ودور دور دور السياره ختفت ههههههههههههههه ..

واخيراااااااا لقينا السياره

طبعا كنا 7 بنات والسياره كتير زغيره

وطبعا الاحجام كبيره شويه هههههههههه يبناويه الله يسعدنا بنحب الأكل

((بمزح مش كبيره احجامنا يابي ما ضعفناااااااا ))

وقعدنا كلنا فوق بعض وطبعا انا عملت حالي لكبيره لازم اقعد قدام ونفدت منهااااا

بس إلي وراه ياحرام نفغصوااا ..

بعد هيك رحنا عبيت عمي الزي في الطابق ال12

وجلسنا جلسنا جلسناااا ..

نتكلم ونتكلم ونتكلم

بعدين اجا عــبود وجاب الفوج إلي كان معاه رايح عالمارينا مول ..

واخدنا عمحل البوظاااااا واكلت بوظا عربيييييييييييه ..

وبعد زلك قام عبود بأخزنا إلى المنزل وهكزا انتهت رحلتنا في ابوظبي وكل عام وانتو بخير ورمضان

كريم علينا وعليكم وحج مبرور وسعي مشكور ..

[بسكوتة]

هههههههههههههههههههههههه

ههههههههههههههههههههههههههههه

لقد كان مشوار لزيز والله يا اختشي الحمدلله على سلامتشك يا ميمي

والمرات القادمه منطلع سوا وحج مبرور وسعي مشكور ههههههههه

يسعدلي اللي بخبص عهالفجر (عيون1)