ونعود اليكم من جديد بموضوع مثير للاهتمام

[هاري بوتر!]

بداية السلام عليكم ورحمة الله

كيفكم شباب فلسطين والله مشتاق كتير ليكم


حبيت ارجع لكم بموضوع مثير للاهتمام وهو


الدوافع






عمرك سمعت عن حد بيشتغل في مكان كويس ومع كده سابه؟
عمرك بدأت نشاط وبعدين سبته عشان مش عايز تستمر؟
إيه اللي بيخلينا نعمل حاجة ونكون متحمسين ليها جدا، وحاجات تانية بنعملها واحنا مش طايقينها؟
الجواب حاجه واحدة بس.. الدوافع
**********
أحيانا بنفقد الدافع اللي يخلينا عايزين حاجة معينة.. ولما نفقد الدافع بنفقد الرغبة في تحقيق الشيء ده
الباحثين اكتشفوا ازاي نقوّي الدوافع بتاعتنا وازاي نقدر نوجد دافع قوي يخلينا تحقق اللي احنا عايزينه
ايه ده.. هو ينفع؟؟
ايوه ينفع ياجميل.. تعالى نعرف الحكاية من أولها
**********
ما هي الدوافع؟
الدوافع هي الحاجة اللي بتخلق عندك الرغبة القوية إنك تنجح في أي نشاط بتعمله
و الدوافع نوعين

1-
الدوافع الخارجية
هي الدوافع اللي موجودة حواليك واللي مالكش سيطرة عليها
مثلا: تشجيع الآخرين
من أهم الدوافع اللي بتخلينا ننجح هي تشجيع الناس اللي حوالينا.. كل ما بننجح أكتر الناس بتتقبلنا وتشجعنا أكتر وأكتر
و النوع ده من الدوافع بيكون تأثيره قوي لكن مشكلته انه مؤقت وبتكون تحت رحمة الناس اللي حواليك
يعني لو الناس اللي حواليك توقفوا عن تشجيعك ممكن توقف عن الإنجاز.. لأن الدافع اللي خلاك تعمل كده توقف




لاعب تنس شهير كان دايما يلعب الماتش والمدرب بتاعه بيتفرج عليه وبيشجعه.. كان اللاعب ده بيلعب عشان يسعد المدرب ويخليه يشعر بالفخر بيه
تخيل لو المدرب ده ماحضرش الماتش في يوم أو حتى مات.. تخيل أداء اللاعب ده هايكون ازاي؟
أكيد مش زي الأول مش كده؟



واحد كان متعود ينجح عشان يرضي والده ووالدته.. تخيل لا قدر الله لو حصل لهم حاجه.. هل مستواه الدراسي هايفضل زي ما هو؟
أكيد لأ.. مش كده؟

كل الأمثلة اللي فاتت دي الدوافع فيها خارجية.. يعني معتمده على شخص أو ظروف خارجية محيطة بيك.. والحاجات دي انت مش متحكم فيها طبعا

2-
الدوافع الداخلية
هي الدوافع الموجودة جواك انت.. بتكون عايز تنجح عشان ترضي نفسك انت والرغبات الموجودة جواك انت
ميزة الدوافع الداخلية انها مستمرة في الزمن وبتكون متحكم فيها تماما ومش بتكون تحت رحمة حد.. بتكون نابعة من جواك انت عشان كده بيكون لها قوة كبيرة جدا




تكون عايز تنجح مثلا عشان عندك الرغبة في الانجاز.. بتشعر بسعادة أكبر وانت حاسس انك ناجح.. بغض النظر عن أي حد حواليك




بتكون عايز تنجح عشان قيم عليا موجودة جواك انت وعايز تحققها
و لما تحققها بتحس بروعة الإنجاز اللي حققته




والت ديزني.. رسم فار صغير على ورقة وجري بيه على مراته وقال لها: الفار ده هايحققلنا ثروة
طبعا افتكرته عبيط! وأكيد الناس اللي حواليه حاولوا انهم يحبطوه ويقنعوه بسخافة حلمه ده.. لكنه كان مصرّ عشان الدافع بتاعه مكانش تشجيع الناس اللي حواليه وتقبلهم له.. لكن كان الدافع اللي بيحركه دافع داخلي جواه.. كان عايز ينجح عشان هو عايز ينجح.. مش عشان يرضي أي حد حواليه
و طبعا ديزني لاند موجودة حتى الآن وشخصيات ديزني مالية مجلات العالم ونجاحه محدش يقدر ينكره
**********




خلي الدافع للنجاح دافع داخلي
انجح عشان انت عايز تنجح مش عشان أي حد حواليك
حس بروعة الإنجاز والمميزات اللي هايحققهالك
فكر في النجاح كرغبة داخلية ليك انت
انجح عشان انت عايز تنجح
لأن ده هايشعرك انت بالسعادة
لو خليت الدوافع بتاعتك داخلية هاتكون دوافع أقوى وأعمق وعمرها ما هاتختفي..لأنها مش مرتبطة بحد تاني غيرك
لو عايز تنجز أي حاجة اكتبها في ورقة
و بعدين اكتب عشر مميزات هاتعود عليك لما تنجز الحاجة دي
لما تكتب المميزات وتفكر فيها وتتأملها، دا هايخلق عندك الرغبة في تحقيقها ويخلق عندك دافع داخلي يحركك عشان تنجز اللي نفسك فيه
**********
آخر الكلام
خلّي دوافعك داخلية مش خارجية
و لاحظ الطاقة اللي هاتتولد جواك لتحقيق أحلامك
**********

[Abu Shadi]

يعطيك العافيه خيوووو


وتسلملي على موضوعك الرائع


تحيتي الك اخي

وتقبل مروري

[عاشقة اطفال الحجارة]

يسلموا ايديك على الموضوع الحلو
وهو فعلا موضوع مثير للاهتمام
بااااااااااااااااااااي

[lnosh]

الدوافع و الرغبة هي اهم شي علشان تحقق الي بدك اياه

يعطيك العافية اخي موضوع راااااائع

[lnosh]

الدوافع و الرغبة هي اهم شي علشان تحقق الي بدك اياه

يعطيك العافية اخي موضوع راااااائع

[نور اليقين]

[لانيا]

يعطيك العافيه يا أخي

موضوع رائع رائع جدا

وكل فائده

[هاري بوتر!]

شكرا على مروركم الكريم اخوتى فى الله

[sallmars]

موضوع مميز اخى

و لو الانسان معندوش دافع هيبقى انسان صغير طول عمرة

مرسى كتييييييييير على الموضوع هارى بوتر

و الله يوفقك اخى^ ^

[*ريحانة القلب*]

هالموضوع عملو الباحثين عليه مجلدات
نحنا اخدنا عنو في مادة الادارة
هو فعلا مثير للاهتمام
وحلو كتير



بتشكرك كتير ع نقلو النا
لأنو فعلا مهم




تقبل مروري
كل الود