عمـــلية تطليـــــع مـــرارة ليـــس الا !! >>فارس الوطن<<

[أنين]

مافي طلبات بس اسئله

^^

مين اكتر عضو مر بتاريخ المنتدى واثر فيك ؟؟

متى ممكن تسكر المنتدى يعني على شوو ممكن يتسكر المنتدى ؟؟

شو المنتدى بالنسبه ئلك ؟؟

شو البلد الي نفسك تزورها ؟؟

وشو رأيك فيني ^^ ؟؟

بس
^^

[محمود]

- كيفكـ اليــــوم ؟؟

منيح الحمد لله ،،


2- ان شاء الله محــــــدش قاعـــد بغلبــــك ؟؟ انتا بس احكي


لاء ما حدا بغلبني

نيجـــــــي شوي للجد

1- قـــــــــديش مقاس رجلــــــك


42 P:

بس شو بهمك هالموضوع بدك تعطيني هدية بوت ولا شي ؟

2- لو بصحلـــــك تطلع برات فلسطيــــن ،، ايش البلدة اللي بحب تزورهــــــا ؟؟

هلقيت السعودية حتى اتواجد في مكان عملي وبس


3- ليـــــــش احيانـــــــا بتطنــــــــش ؟؟


ما بطنش ، بس بأجل المواضيع لوقت بكون فيه رايق شوي

ومرات بنسى ^^



4- بتحـــــــب حدا يعاملــــك هيــك ؟؟


لاء طبعا ً ، بس مثل ما حكيتلك مش قصة تطنيش الحكاية

ضغط شغل بتخليني أأجل المواضيع لوقت ثاني ممكن هالشي يخرب

كثير بعلاقتي مع الجميع بس مش بايدي والله ..

5- لو حدا طنشــك ،، شو هتكـــون ردة فعلـــك ؟؟

كمان !! بطنش تطنشيو الي ..

شو قصتك مع التنطيش ؟

6- أكثــــــــر كتاب حبيتــــــــــو وقريتـــــو ؟؟


بحبش الكتب كثير ، بس الكتب المميزة

هيي الكتب العلمية والي بتمني العقل مثل كتب

الاختراعات وهيك أشياء بنسم معها ، يعني الكتب العملية

ومن الكتب يلي بهتم في قراءتها وتصفحها

موسوعة المعرفة فيها 24 كتاب وطبعا ً هاي قريتهم كلهم

والمجلات الطبية

7- أعظــــاء لو غابــو عن المنتدى ،، بتحس بعدم تواجدهـــم ( اسامي يا ريت ) ؟؟؟

كثير والله يا صدى وانتي منهم :)

وهلا حاسس بكم من شخص

وحتى اذكرك في بعضهم ..

ابو فوزي ، ملكة الرومانسية ، جولد والاعضاء يلي كانو يشاركونا كثير في بداية المنتدى

مثل همس الغروب و صقر الغروب وهاري بوتر وسفير الحب وحاليا ً بيســـــــــــان

صدقيني بالي ما بنساهم كلهم وكثير في اسماء بس شو بدك أكتب لما أكتب !

ومن الموجدين أغلب النشيطين والمميزين ..



8- فلـــم اجنبــي شفتو وعجبـــك ؟؟

بحب فيلم القناع ونفسي احضره :)



9- أحلــــــــى رمظـــــان مر عليـــك ؟؟

رمضان ما بعد توجيهي عطول وقت ما اتحررت غزة وكنا في المستوطنات صايمين ..


10- بتشوف مسلســــل PrisOn BrEAk ؟؟؟


ما بحب التلفزيون


11- إيـــــــــش بتعمــــــل ؟؟ نـــــــــاو ؟؟؟


مروح من الشغل وعم بساوي نتائج توجيهي وعندي فكرة لمنتدى شباب بطبقها ..


12- خخخخخخ بقربلـــك الشاعـــر ،، أحمــــــد مطـــــر ،، ؟؟؟


لاء ،، هوي شاعر عراقي ..


13- شو غـــــــداك اليــــــــوم ؟؟؟

امي عاملة سماقية ، بس وانا روحت من الشغل ميلت عمطعم و أكلت مسحب بالكاري

14
- حلوة لهجـــة الــ هاظا والــ هظاكـــة علـــي ولا نغيــــر ؟؟؟

الي منك حلو يا صدى ^^ ، ومش مهم اللهجة اهم شي خفة الدم ..

لانو في ناس ما بليق عليهم هالشي لانو برجع ع شخصية الانسان ..


15- تمللـــــــــــت ولا لســــــــا ؟؟؟

لا وتعالي كل يوم ..

الــــــــي رجعــــــــة


قلنا تعالي

[محمود]

مافي طلبات بس اسئله

^^

بتنوري أنين


مين اكتر عضو مر بتاريخ المنتدى واثر فيك ؟؟


خليه سر


متى ممكن تسكر المنتدى يعني على شوو ممكن يتسكر المنتدى ؟؟


لما تموت فلسطين من قلوبنا .. ( يعني ما رح يتسكر )


شو المنتدى بالنسبه ئلك ؟؟

كل شي ، و أنتو أهلي واخوتي

شو البلد الي نفسك تزورها ؟؟


السعودية للتواجد في مكان العمل فقط ,,

اما للرحلات مش جاي ع بالي ^_^


وشو رأيك فيني ^^ ؟؟


رائعه يا أنين انتي بالاجمال وعلى وجه الخصوص :)




بس

^^

نورتــــــــــــي

[مغرمة فلسطين]

السلام عليكم ورحمه الله و ربكاته

احم احم

منور القعدة ياحج

كيف الحال ؟؟و كيف الاهل؟؟

ان شاء الله محدش مغلبك من الاعضاء؟

انا عندي كم طلب خفاف^^

صور اي شي بتحبو او اي شخص قريب الك اخ صديق اللي بدك اياه؟

و شو رايك بمغرمة فلسطين؟

و كيف نشاطها بالمنتدى؟

و هل من نصيحة بتقدمها الها ,,, اذا في شي مو عاجبك بشخصيتها بطريقة كلامها؟

و في فرق بين مغرمة فلسطين و لمسة وردة<<احنا خوات الكل بيعرف على ما اعتقد؟؟

لي عودة^^

سلام

[صدى الصمت]

عــــــــــدنــا والعــود أحمــــدُ <> فايتة عرظ ،، بهمش

لاء ما حدا بغلبني

طــب الحمد لله ،، فكـــرت حدا زاعجــك ولا شــي

بس شو بهمك هالموضوع بدك تعطيني هدية بوت ولا شي ؟

متخلينـــــــش احطلــــك هالفيـــــــس >_> ،، اه بدي ابعتلك كنـــدرة عراس اليهود

كثير والله يا صدى وانتي منهم :)

ههههههههههههههه ،، ياااااااااااااااااااي استحيــــــت ولكـــو

شو قصتك مع التنطيش ؟

>_> وانتــــــــا مالكـ يـــــوه

لاء ،، هوي شاعر عراقي ..

>_> ظـــــــــروري تفشلنـــي يعني

قلنا تعالي

>_> طيـــــــب متقعــــــــدش تزعــق

+++

هنــــــــــــــوي ،، سمعــت انكـــو جاييــــــــن علينـــــا بعد شــوي

يقطعكـــــــي ولكــي ،، تعالي بسرعة ،،

عشان نقعد نحط اسألــــة وطلبـــات لمحمود نكيــــدو فيهــن،، ياااااااااااااااااي

خلينــــــــا مع الاسئــــــلة ،، والله كتبتلــك سبعــــطعش سؤال ،،

بس رح انــزل اربعة اربعة مشــان افقعــك مش اكثــر

1- كــمـ وزنك؟؟ ،، قـــــديش طولــك ،، بالتقدير اذا بتعرفش بالظـــــبط

2- شو بتشتغــــــل حاليــــاً ؟؟؟

3- كمـ مرة تكاتلـــت في المدرســـة ،، مع انو مبين عليك بني آدمــي

4- عمركـ أخذتـ تعهــــد او إنـــــــــذار بالمراحل المدرسيـــة ؟؟

الــــــــي رجعــــــة ،، تنســــــــاش

[محمود]

السلام عليكم ورحمه الله و ربكاته


عليكم السلام ورحمة الله وبركاته


احم احم

منور القعدة ياحج

يوه يوه ،، بوجودك يا مغرمة ^^



كيف الحال ؟؟و كيف الاهل؟؟


الحمد لله كله تمام التمام واليوم فايق ورايق شوي P:

أما عن الأهل بحضروا لخطبة ...


ان شاء الله محدش مغلبك من الاعضاء؟


لاء الحمد والله ما في اطيب من هيك ناس


انا عندي كم طلب خفاف^^


وحتى لو ثقال يعني كله خفيف منك ..


صور اي شي بتحبو او اي شخص قريب الك اخ صديق اللي بدك اياه؟




أما عن الشخص ،، هذا ابن عمي شهيد دايما ً صورته في دستاني ..



و شو رايك بمغرمة فلسطين؟


ما شاء الله عنك ، رهيبة بشكل كبير

وبصراحة لما اشوف شغلك في قسمك بتمنى

انو بنشاطك الكل يساوي مثله .. واسم الله عليك

عقلك اكبر من عمرك ،،



و كيف نشاطها بالمنتدى؟


حكيت رهيبة P:


و هل من نصيحة بتقدمها الها ,,, اذا في شي مو عاجبك بشخصيتها بطريقة كلامها؟


اه ،، خليك مشرفة ع حواء ^_^


و في فرق بين مغرمة فلسطين و لمسة وردة<<احنا خوات الكل بيعرف على ما اعتقد؟؟


يس انا بعرف ، بس اكيد فيه فرق ،،

بس الي بميزكم اخلاقكم العالية ..


لي عودة^^

سلام

يا هلا وغلا بتنوري ..

[Abu Shadi]

يا محمود معزبينك كثير وما الي الخاطر اعزبك بس بدي طلب صغير كثير هههههههههههههه


امسك فار بيدك وصورلنا اياه هههههههههههههه

[محمود]

هنــــــــــــــوي ،، سمعــت انكـــو جاييــــــــن علينـــــا بعد شــوي

يقطعكـــــــي ولكــي ،، تعالي بسرعة ،،


هههههههههههههه اياك


عشان نقعد نحط اسألــــة وطلبـــات لمحمود نكيــــدو فيهــن،، ياااااااااااااااااي


يماما P: ، بنشوف طيب ..


خلينــــــــا مع الاسئــــــلة ،، والله كتبتلــك سبعــــطعش سؤال ،،

بس رح انــزل اربعة اربعة مشــان افقعــك مش اكثــر

عادي براحتك كثير


1- كــمـ وزنك؟؟ ،، قـــــديش طولــك ،، بالتقدير اذا بتعرفش بالظـــــبط


وزني

57

طولي

اكثر من 175 بشوي صغيييييييرة


2- شو بتشتغــــــل حاليــــاً ؟؟؟

شغلتين الحمد لله

(موظف في اذاعة محلية )

(مدير شركة خليجية )


3- كمـ مرة تكاتلـــت في المدرســـة ،، مع انو مبين عليك بني آدمــي

كلو واحد بتمر عليه مشاكل ، خصوصا ً اني كنت كثير مشاكس

أقصر واحد في الصف واشطر واحد في الصف ، هالشي

ربى شوية غيرة عن البعض فكانو يفكروا اني قصير ومش تاع مشاكل

ههههههههههههه بضحك ع هديك الأيام والله ،، بس هالكلام قبل ثالث اعدادي

حدش كان يحب يلعب معي كورة كمان لاني دفش شوي فيها P:

بس والله هالشي نادرا ً وكثير بحبهم وبحبوني لليوم بنعرف بعض ..





4- عمركـ أخذتـ تعهــــد او إنـــــــــذار بالمراحل المدرسيـــة ؟؟

لاء ، بس مرة اتقاتلت مع مدير المدرسة في الثانوية مش لشي

بس يوم اجا ع الصف لانو في كم من شب رمو قنابل في ساحة المدرسة

وحلف يمين انو يضرب كل الصف ، المهم كانو استاذ ومدير يلفو ع الطلاب ويضربوهم

انا المشكلة كنت في النص ،، وكان الأول ضربني وخلص وبجية المدير

انو جاي يضربني كمان مرة بفكرني ما انضربت وانا ما ارضيت اله لاني ما اعملت شي غلط

واتحملت لاني مثلي مثل الجميع لكن انو اكون زيادة ليش !!

وعصبت عليه وقتها ووقتها خبطني كف ، بصراحة ما اتحملتها وعصبت ع الآخر

وثاني يوم جبت للمدير انذار ^_* مش هوي الي جابلي واجا يتأسف للوالد وللأهل

واعتذرلي قدام الطلاب هالكلام بأول ثانوي طبعا ً


الــــــــي رجعــــــة ،، تنســــــــاش

ههههههههههههه ، يا هلا فيك ^_*

[bnt_palestine]

عمو محمود انا ما بدي اعزبك لانهم ما خلولك اشي يعتب عليهم ما سئلوك اياه
تحياتي ^_*

[محمود]

هههههههههه

عادي والله يا اختي

ازا ببالك شي معين تفلضي