ادخلوا وردوا عللي لو بكلمه...بليز..تعبانه

[حورية الحريّة]

و أهل الخليل روعة
و كل الناس خير و بركة

مع اني مش من الخليل.......بس بيضلو اخوانا و حبابنا و ما في منهم

[صرخة أنثى]

شو في حبيبتي الدنيا قسمة ونصيب والله يعوضك بأحسن منو ياااااااااااااااااارب ونصيحتي عادي تروحي ع العرس وترقصي كأنو اخوكي لانه مافي شي بيستاهل تبكي ياعسل والله بعينك تحملي ساعتين العرس وبعديها خلص بس اوعك تهربي من مشكلتك بانك تحبي غيرو بسرعة بالعكس تروقي واكيد الله رح يعوضك بأحسن منو ان شاء الله


موفقة حبوبتي

[أحلى مايا]

طبعا شي صعب عليكي بس انتي كوني اوية اد ما يكون هادا حيكون شي من الاشياء الصعبة الي مرت بحياتك والي لسا رح تمر واتزكري انو انتي لساتك17 سنة يعني لسا الوئت كتييير طويل ادامك ورح تشوفي كتير وان شاء الله ببعتلك الي احسن منك والي هو يحبك والي ما بيئدر يفارئك ابدا وروحي على العرس والبسي وكوني احلى شي بالعرس وكانو العرس لاخوكي او لاي حدا ولا تورجي او تبيني لحدا انو انتي فيكي شي

والله يوفئك يارب والله يسعدك

[خيـرَ أُمـة]

اختي الكريمة ..

هاي الأمور قسمة ونصيب .. انا ما قراة القصة كاملة لكن الفكرة واضحة .. انت مكتوبلك شب ثاني اختي الكريمة وان شاء الله بكون أحسن من ابن عمك ..


انا بتصور انها المشاعر كانت مشاعر اعجاب فيه كأخ .. وهذا كثير بحصل بين الأقارب والفتاة بتفكر حالها واقعة في الحب وما بتميز بين مشاعر الحب والاعجاب وبتختلط عليها الأوراق ..

روحي هني وصدقيني لما تشوفيهم جالسين جمب بعض حتحسي انه اخوكي العريس وحتبين مشاعر الحقيقية والي بالاصل هي اعجاب اخوي بدأ من الطفولة ..

اسف على الاطالة..

أخوكم

[سيد الظلام]

شوفي اختي وتعلمي من الحكيم سيد الظلام

اعملي بالضبط المكتوب بتوقيعك

وبعدين لو فعلا كان بحبك كان حاول جاهدا ليوخدك مش مرتين تلات بل 50 مرة كمان

لانه اللي بحب شغلة بصدق لازم يجيبها

وصدقيني عيشي حياتك ومثل ما بقول سيد الظلام دايما

لعله خير والزواج قسمة ونصيب وان شاء الله ربنا يبعث ليكي اللي يسعدك

وعلى قولة الحكيم قلق الظلام

لا ياس مع الحياة ولا حياة مع الياس

وخليكي قلق

[ragheed]

شوفي هوا اوكي موقف محرج بس انا من ناحيتي ما بحضر العرس لانو طرف الاخر لو عمل في هيك اشي بي رضاه ما بستاهل اني اجي على عرسو ولا حتى اطلع بي وجهو ...وما يهمك كلام الناس...والي بيبيعك بالدنيه كلها بيعه بقشرة بصله...ولا يهمك ولا يهزك لسه الحياه قدامك
اخوكي رغيد

[نهر الدموع]

بجد انو عقل الخلايله غير شكل
مع اني خليلية بس يمكن لكبار من الخلايله
يعني الي الهم زمان عايشين هم هيك عقلاتهم
لانو بعرف قصة بنت بدهم يجوزوها اهلها غصبن عنها لابن عمها
وهي ما بدها اياه
ادعو الله يهدي كل واحد خليلي متعصب هيك
يااااااااااااااااااااااااااااا رب

[صاحبة القلم الحزين]

الخلااااااااااااااااااااايله!!

مش عارفه ليش كلكم بتحكو عنهم كأنهم شي غريب يعني

بس يصحلكم أصلا

والله انهم اجدع ناس و اكرم ناس

و اكتر مجتمع محافظ بكل فلسطين



المهم

يا أختي

كوني مؤمنه انه في شغله اسمها قسمة و نصيب

و لو كان نصيبك كنتي راح تاخديه غصب عن كل الدنيا

و لو مش نصيبك ... حتى لو اهلك وافقو عليه و هو مش من نصيبك

مش راح يكون الك

يعني بالآخر

لا تلومي حالك و لا أهلك و لا تلوميه

اكيد مش راح اقلك ما تزعلي

لانه مشاعرك مش بايدك بعرف

و مش سهل تنسي حب اربع سنين

بس اللي بقدر اقلك اياه حاليا

خلي ايمانك بربنا كبير

و ادعيه انه يعوضك شب احسن منه و يحبك اكتر منه

و كمان ادعي لابن عمتك انه الله يوفقه و يهنيه بحياته

****

ملاحظه:

الموضوع مكرر بس تركته لأنك كاتبتيه على اساس انه مشكله شخصيه

[lnosh]

خليكي قوية و روحي علي فرحه و ما تخلي حد يشمت فيكي

حتي لو ما كان ابن عمتك كمان روحي

علشان توريه و توري غيره انو ما بيفرق معك بالرغم من حزنك

كوني قوية و ما تستسلمي لمشاعرك

و جهزي حالك للفرح و خليكي أجمل وحده و خلي الكل يشوفك

و اغني وارقصي و لا علي بالك

و اثبتي للناس واله انك أكبر من هيك

و بعدين انتي لسه صغيرة والحياة قدامك ولسه يا ما تشوفي في الدنيا

و هو لو بحبك بجد كان ما رد علي خالته و عماته مع احترامي الك

انا ما بلاقي اي عذر لانسان بتحبه و بيحبك و بيتركك

اما بيكون ما بحبك او ما بحبك و ممكن تقولي سيطرة اهله عليه كبيرة

مع احترامي الك و ما تزعلي من كلامي

هاد مجرد رأي

[&نسيم الروح&]

روحي على الحفله وولا يهمك ازا بتحبي
اما عنه هو فما تتوقعي انه كان يحبك الحب الحقيقي لانه ما كان عنده القوه
يوقف بوج حد من اهله وباركيله وانتي بتدحكي ليعرف انه انتي مبسوطه علشانه
واتاكدي انه الله اختارلك الافضل
ولو في خير الك كان الله ما فرقكم قصدي انه يمكن ما يكون في خير منك اله او منه الك