امك وابوكي شو بقولولك لما (_____) ؟؟؟؟!!!!

[اسلام]

بسم الله الرحمن الرحيم




السلام عليكم ورحمة الله وبركاته



بالبداية بتمنى الاخوات قبل الشباب يتفضلو




اخواتي في قضية حابة نتكلم عنها ممكن ماتكونو منتبهين لالها لكنها مهمه وتؤدي الى ارتكاب السوء

اخواتي في الله بستغر ب لما اسمع في بنات بيسهرو لوش الصبح على النت وعلى الماسنجر
مايكون البنت بتكون تحكي مع صاحباتها بنات على الماسنجر
بس في اشاياء ممكن ما تعرفوها او بتعرفوها بس بتتجاهلوها

1_ بالنسبة للدين ربنا سبحانه وتعالى بينزل على الارض باليل بها الوقت الي انتو بتكونو على النت فيه على النت عشان يشوف مين من عباده بيتوب وبيستغفر وبيدعي ربنا
يعني البنت بتكون بتضحك وبتتسلى بشي فاضي وكلام ما بينتهي طول الليل و ناس بتبكي وبتطلب المغفرة من ربنا
شو رح يكون موقفك اختي يوم الحساب كنتي تبدي النت والماسنجر على المغفرة والصلاة الى الله


قال سعيد بن المسيب رحمه الله : "إن الرجل ليصلي بالليل، فيجعل الله في وجه نورا يحبه عليه كل مسلم، فيراه من لم يره قط فيقول: إني لأحبُ هذا الرجل!!".


2- قيل للحسن البصري رحمه الله : "ما بال المتهجدين بالليل من أحسن الناس وجوها ؟ فقال لأنهم خلو بالرحمن فألبسهم من نوره".


الشغلة التانية

2 _ والدتك ووالدك يااختي كيف بنامو وهمه تاركينك لوحدك على النت والماسنجر ؟؟!!!!! اين المسالة والمراقبة ؟؟؟!!!! حتى لو كانو واثقين منك ما بيعرفو ان الاصدقاء بيجيبو السوء وكمان ابليس بيستغل الانسان الذي يكون لوحده وبمفرده ليوسوسه للشر ؟!!!!!

الوحدة باب من الابواب التي يدخل منها ابليس


3 _ اختي بدي اقلك شغلة منشان صلاة الفجر البعض بيسهر لقبل الفجر على النت ولما يقرب وقت الصلاة للفجر بتقوم بتنعس وبتنام وبروح عليها الفجر مو حرام هاد الكلام


4 اختي اذكرك انو لجسمك حق عليك الراحة ثم الراحة
جسدك بحاجة للراحة التامة والراحة بتكون باول ما يبدا الليل اول ساعات الليل هي افضل اوقات للنوم

5_ اختي في الله مافكرتي الناس شو بدها تقول عنك ؟! يعني صاحبتك بتقعد على النت معك لوقت طويل وام النت هاي واثقة فيها لكن بتسير تقول انها مو واثقة ببنت بتسهر بالليل لوحدها على النت والناس نايمين يعني المفهوم بطريقة اشمل ( الليل بتقعد عشان الناس ما يشوفوها شو بتعمل بفكرو فيك السوء )




6_ بوجه الكلام لوحدة بتكلم شب ......
اختي انتي خفتي الناس وقعدتي على النت بالليل عشان ما حد يشوفك وانتي بتكلمي الشب لكن سها عن بالك انو الناس نايمين وربنا صاحي ما بنام عن عباده للتذكير فقط



اخواتي الموضوع هاد بتمنى يتم النقاش فيه

لانه بجد مهم

وسامحوني لو اخطات بشي

اختكم في الله

[~ | Mazaj]

والله كل نقطـة بـدهـا رد بحـالـو .. بس رح اعقب تعقيب بسيط ع كل نقـطة ::

بالنسبة للدين ربنا سبحانه وتعالى بينزل على الارض باليل بها الوقت الي انتو بتكونو على النت فيه على النت عشان يشوف مين من عباده بيتوب وبيستغفر وبيدعي ربنا
يعني البنت بتكون بتضحك وبتتسلى بشي فاضي وكلام ما بينتهي طول الليل و ناس بتبكي وبتطلب المغفرة من ربنا
شو رح يكون موقفك اختي يوم الحساب كنتي تبدي النت والماسنجر على المغفرة والصلاة الى الله

معـك حق في هادي النقطـة ،،

رح صيـر انتبهلها .. مع انو يعني بالطبيعي يمكن في الشهر مرة لما اسهر ع النت لانو الاهل ما بيرضـو :)

وياريت الكل ينتبه الهـا ،،

وربنـا يغفرلنــــــــا :(

2 _ والدتك ووالدك يااختي كيف بنامو وهمه تاركينك لوحدك على النت والماسنجر ؟؟!!!!! اين المسالة والمراقبة ؟؟؟!!!! حتى لو كانو واثقين منك ما بيعرفو ان الاصدقاء بيجيبو السوء وكمان ابليس بيستغل الانسان الذي يكون لوحده وبمفرده ليوسوسه للشر ؟!!!!!

ممممم .. برضو الاهل بوجود ثقة او بعدمها ما بيرضو .. ويمكن لاول مرة يسمحو لوحدة فينا تسهر ع النت هي انجيلا عشان دراستهـا ،،

اختي بدي اقلك شغلة منشان صلاة الفجر البعض بيسهر لقبل الفجر على النت ولما يقرب وقت الصلاة للفجر بتقوم بتنعس وبتنام وبروح عليها الفجر مو حرام هاد الكلام

اه والله حـرام هالحكـي ،،

ان شاء الله ما بكون حدا بيعمـل هيـك ..!

بوجه الكلام لوحدة بتكلم شب ......
اختي انتي خفتي الناس وقعدتي على النت بالليل عشان ما حد يشوفك وانتي بتكلمي الشب لكن سها عن بالك انو الناس نايمين وربنا صاحي ما بنام عن عباده

شو بـدنـا نحكـي بهالموضوع لنحكي ..

اصلا شـرعا حرام يكون ع ايميلك واحد ما بتعرفي ..

يعني ممكن يكون من قرايبك .. او من مجال عملك وبيتحتم عليكي اضيفيه ..

اما انو يكون للحب والكلام الفاضي هادا اكبر غلط ..

ومعظم صبايا المنتدى وقعات بهالمشكلة ..

الله يهدينا ويهدي الجميـع ..

وبارك الله فيك اسلام ع الموضوع المفيـد ..

وياريت يكون الو صدى بين الصبايا والشباب ..

وان شاء الله في ميزان حسناتك ^_^

[9ada al 2lam]

اه والله

كتير بشوف بنات بنص الليل على النت

حتى انا بستغرب وين اهليهن عنهم بس يخليهم لهادا الوقت في الليل


واحنا عنا في البيت الساعة وحدة ماما بتسحب الكيبل عن اخوي الشب مش بنت كمان

الله يهدي الكل

وكلامك كلو صح

ومحدش هيزعل من موضوعك لانو كلامك صح ميه بالميبه


يسلمو اديكي يا رب

[هيفاء فلسطين]

موضوعك جيد ويستحق النقاش

ولكن لى مداخلة اولها سوأل فى اعتقادى مهم جدا

وهو لماذا الفتاة تدخل الى النت ..

وخلينا نتحدث عن النت عامة وليس شي محدد ؟

سول يحتاج الى اجابة ..

ما هى الدافعية الحقيقية لدخول الفتاة النت ؟؟

[9ada al 2lam]

النت للاستفادة ومنه للدراسة

بس الاغلب

بكونو على الشات والحكي مع الشباب

وهادا غلط

[اسلام]

ان شاء الله يااختي العزيزة فجر يستفيدو
ويتذكرو ربنا قبل اي شي

وبارك لاله فيك لما يحبه ويرضاه


صدى الالم الله يبارك فيك يارب
اختي الله يثبتك يارب ويهدي الجميع

مشكورة كتير كتير لمرورك الروعة



اختي هيفاء فلسطين
الله يبارك فيكِ للمرور
البنت لما تدخل النت مش شرط تدخل عشان تحكي مع شب وتتعرف او تقعد على الشات
النت سلاح ذو حدين سلبي وايجابي ونحنا لازم نستخدم السلاح الايجابي
ممكن ندخل عشان الدعوة الى الله ... ذيادة المعرفة .... ذيادة الدين .... نتعرف على اخوات مسلمات ونقوي ايمان بعض .... ممكن ندخل عشان نبحث عن شي معين .... للدراسة والعلم .... وكتير ما منقدر نحصي
وبالنسبة للمسنجر
نقعد على الماسنجر ( ممكن تكون الك اهل بالخارج وبدك تكلميهم بكون عن طريق المسنجر _ وممكن نتكلم مع صديقاتنا _ وممكن نستخدمه بمجال الدعوة .... كتير كتير )

وبارك الله فيك لمرورك

[ملكة الإحساس]

يعطيكي العافية يا اسلام .. موضوع جدا مهم ..

فعلا لازم ننتبه لهيك اشياء .. بس انا بدي احكيلك ..

انا بالعطله بسهر للفجر .. والحمد الله بصلي .. وبنام .. وعلى 12 الظهر بكون صاحية ..

وكتيير اوقات بكون بالليل على النت .. بس اهلي عندي .. وماما بتسهر معنا .. وبنام بعد الصلاة

والحمد الله .. اللي بخاف من الله وبستحي من ربوا ما بعمل الغلط .. لأنوا ربنا بيكون في منتصف الليل على السماء الدنيا ..

يطلع على عباده .. وهو وقت مغفرة .. ورحمة ..

بس بدي احكيلك .. شو المانع انوا الواحد يجلس على النت .. بعد ما يكون صلى ركعات قيام الليل ..

ودعا ربه .. وقرأ جزء من القرآن ..

ويسلموا اختي اسلام .. واسفة للإطاله ..

[اسلام]

المشاركة الأصلية كتبت بواسطة ملكة الإحساس يعطيكي العافية يا اسلام .. موضوع جدا مهم ..

فعلا لازم ننتبه لهيك اشياء .. بس انا بدي احكيلك ..

انا بالعطله بسهر للفجر .. والحمد الله بصلي .. وبنام .. وعلى 12 الظهر بكون صاحية ..

وكتيير اوقات بكون بالليل على النت .. بس اهلي عندي .. وماما بتسهر معنا .. وبنام بعد الصلاة

والحمد الله .. اللي بخاف من الله وبستحي من ربوا ما بعمل الغلط .. لأنوا ربنا بيكون في منتصف الليل على السماء الدنيا ..

يطلع على عباده .. وهو وقت مغفرة .. ورحمة ..

بس بدي احكيلك .. شو المانع انوا الواحد يجلس على النت .. بعد ما يكون صلى ركعات قيام الليل ..

ودعا ربه .. وقرأ جزء من القرآن ..

ويسلموا اختي اسلام .. واسفة للإطاله ..

اختي الله يبارك فيكِ يارب
مشكورة جدا لمرورك الرائع

بالنسبة للسهر باليل اذا كان الشخص جلسته بالانترنت مفيدة وفي ما يرضي الله فذلك لن افتي فيه
اما اذا الشخص جلسته طول الليل في شيء تافه وييغضب الله ومضيعة للوقت فذلك انت ادرى به فهو حرااااااااااام


وبدي اعلق على شغلة يااختي سهيتي عنها انت قلتي بتسهري طول الليل وبتفيقي على 12 الظهر
طيب ماشي لكن بهالحالة صلاة الضحى ماكان لها نصيب في وقتك ؟!!!!!
وكمان والدتك اكيد رح تفيق من الصبح تشتغل البيت


اختي مشكورة كتير كتير لصراحتك لمرورك والله يوفقك لما يحبه الله ويرضاه

[ملكة الإحساس]

المشاركة الأصلية كتبت بواسطة اسلام

وبدي اعلق على شغلة يااختي سهيتي عنها انت قلتي بتسهري طول الليل وبتفيقي على 12 الظهر
طيب ماشي لكن بهالحالة صلاة الضحى ماكان لها نصيب في وقتك ؟!!!!!
وكمان والدتك اكيد رح تفيق من الصبح تشتغل البيت

اللي يخليكي يا اسلاام ..
بالنسبه لصلاه الضحى .. انا مو كتيير بحافظ عليها .. وانشالله يارب اداوم عليها وما اقطعها ..

وبالنسبه .. الحياة عنا هون غيير .. ناادر ما تسألي حدا ويحكيلك ما بيسهر ..

وإمي مشالله عنها .. كل يوم بتصلي الضحى .. وهيا اللي شجعتني على قيام الليل ..

وبالنسبة لشغل البيت .. الحمد الله كلوا بعملوا وما بخلي شي لإمي غي الطبخ لإني البنت الكبيرة ..
ويسلموا الك كتيير يا اسلاام ..

[اسلام]

ولا يهمك يااختي العزيزة
تسلميلي يارب
والله يرضا عنا ويتقبل يارب
كتير سعيدة بمرورك الرائع
حفظك الله