ماذا تفعل إذا كان الصمت طبعك؟؟؟

[princess soso]

يسلموااا اخي المعتصم عالموضوع الرائع والصراحة انا طبعي الصمت .. بس مودايما يعني ماشي الحال والحمد الله كل شي .. ويعطيك العافية اخي ...


اختك سارة ..

[المعتصم بالله]

هم هم
اسلوب الاجابة جميل مشكورة على المرور الحلو

[لولو اليبناوية]

موضوع حلو اخ معتصم...

الصمت بتلاقيه شي رائع بقدر ما بنفس الوقت بقتل...

مثلا انا عني بالحقيقة كتيييير هادية بالمواقف الروتينة العادية الي بتصير دايما معنا...

وحكيي قليل....لدرجة الي حوالي بستغربو انو شو مالك احكي...ليش ساكتة؟؟

بشو سرحانة ؟؟ ....بس عنجد انا بكون مبسوطة عليهم...

ومرتاحة هيك..وخلص مدام الي قدامي بحكي عادي عندي اسمع وبس...

حتى لما اعصب بسكت....بس اكيد في حد للصمت يعني لما يجي الموقف عحساب كرامتي

طبعا هاد مش اسمو صمت....بسير ضعف شخصية

ولما افرح بروح الصمت اكيد مني....بسير قلق نمبر ون

بالنسبة لو صديقة تغيرت علي...مش دايما براجعها.... بفضل الصمت وبستنا الفرج

وبضلو ينحرق قلبي....مش ضعف شخصية لأ.....بس بضلي لاخر ررمق.....يمكن ترجع متل اول

بعدييييييين ممكن اراجعها بهدوء

هاد ازا كانت بتعز علي كتير....

يما حدا تاني براجع نفسي.... لو كنت واثقة اني ما غلطت بحقها.....ما براجعها

يسلمووووو

[بسكوتة]

بالنسبه إلي الصمت من صفاتي
يعني الناس بتحكيلي إنو أنا هاديه كتير
يعني أنا بحب أقعد مع الناس وأسمعلهم منيح عــ قــولة (كلي آذان صاغيه)
بس هـــــاد ما بيعني إني أسكــــــت عند جــــرح إنسان لي أو تجاهلـــه لي
طبعا رح أواجه الموضوع بصمت بالبدايه حتى أتأكد وبعدين إزا ضل الحال كما هو عليه
أراجعها بهدوء حتى أفهم السبب وطبعا عندها بكون إما السماح أو الافتراق
حتى لو أنا كنت غلطانه بعتذر طبعا بس إزا الغلط منها وما اعتذرت أو ضلت تجاهلني
مع السلامه

وأنا بالجامعة نفسها مع لولو وطباعنا قريبه من بعض الهدوء والإنصات للناس
بس بالنسبه إلي وقت الفرح والانبساط يتغير الحال وينقلب 360 درجة
يعني أنا بحب المرح والضحك وما بحب أبدا
الهدوء القاتل أو الصمت الممل
طبعا في بعض الأحيان بكون الصمت أفضل شيء
ودائما نقول خير الكلام ما قل ودل يعني فلسفة الناس بتجلط
والحمدلله على كل حال

يسلموووو عالموضوع الجميل ^^ ويعطيك العافيه

[ameerelarab]

الصمت احيانا ابلغ من الكلام

والصمت احيانا يعبر عن ما يعكس الموقف

موضوع رائع اخي الكريم

[Abu Shadi]

اخي مش كل اشي لازم فيه حكي
انا مو من طبعي الصمت لكن في اي لحظة اتوقع مني الصمت

مثلا ممكن نكون انا واصحابي في جلسة ونتكلم ونفرفش
لو فتحو مووضوع انا ما بعرف فيه اي معلومة مش مستعد اشاركهم الحكي
وبفضل اظلني صامت وبهيك بكون انا استفدة منهم مش هما ههههه

على العموم يعطيك العافيه اخي وتسلملي لمجهودك
تحيتي الك

[المعتصم بالله]

تقبلوا تحياتي و مشكورين على المرور

[9ada al 2lam]

مشكلتي بس ازعل مع حد بسكت وبعرفش اواجه وبكون كل همي البكاء

مع اني وانا رايئة زعلانة الساني ما بدخل تمي

بس لما ازعل بسكت وما برد صح بكون موجوعة من داخل بس بضلني ساكته


يسلموووو

[المعتصم بالله]

يا ستي يسلموا على المرور الحلو

[بنت الرملة]

المــوضوع روعه روعه روعه ...

اناهيــــــك بسكتــــ وبسكــتـــ ..

وإزا رجع الشخص طبيعي معاي بنســى ..

بس إزا كرر نفس التصرف إلي أزعجني ممكن كمـــــان اسكت..

زمان كنت اضلي ساااااااااكته وما احكي ...

وإلي يصير انو نفسي بعدين تجزع من هالشخص واصير ابعد عنو لأني بضلي اسكت

وبعد هيك يصير الحق عليه لأنو انا إلي بعدت وبدون سبب!! هيك بتصير الشغله ..

الحين بسكت وبسكت مره مرتين بعد هيك بنفجر مره وحدي ..

وبحكــــي ..

إزا الواحد عاد التصرف مره تانيه ممكن كمان اسكت بس سبحان الله ..

على قد ما بكون متعلقه فيه إزا تكرر غلطو معاي لأنو من طبعي بضلي ساكته بطلع من نفسي ..

وهاي الشغله كتير بشعه يعني الواحد لازم يضل يلوم اول بول عشان إلي قبالو يعرف غلطـــو مش يحوشلو..

بس كنت احس اني بصمتي بعطي لشخص فرصه ..

بس كيف حعطي فرصه وهوا اصلا مش عارف انو بغلط لذلك ..

الصمت كتييييير بظلم صاحبو وبحولو من مظلوم لظالم ..

ووووو بس...

مشكور اخي عالموضوع