مارأيكم،،"الفتاة وكرة القدم!!"

[***< the best >***]

الارهاب مش اني ادافع عن بلدي وعرضي لأ هاد اسمو جهاد وبعيد كل البعد عن الارهاب .. اما الارهاب اني اعمل شي غلط واخوف ناس واقتل واسرق واعمل الي الله حرمو في الناس باسم اني بجاهد ....! انا هيك بفهم الارهاب


ويسلمو عالموضوع .. حلو كتير .. بس للاسف مافي تفاعل

[حنان16]

السلام عليكم اخوني اخواتي انا مراح اطول عليكم والقضية اللي بدنا نناقشها هي عن المشاكل الزوجية كل ما يتعلق بهذه القضية نود مناقشته هنا فارجوا ان اجد آراءا متعددة

[ملكة الإحساس]

يسلموا حنان16 عالمجهود الحلو ..

وممكن يكون النقاش عن سوء العشرة .. او عن كيفية التعامل ما بين الزوجين ..

ويعطيكي العافية

[حنان16]

شكرا على مرورك اختي وهي المناقشة ممكن تكون عن كيفية المعاملة بحديها السلبي والاجابي وما ينجم عن كل منهما

[اهات الاقصى]

الارهاب هو إخافة الغير بهدف إرجاع شئ مسلوب وطرد المحتل عن طريق ان نرهبه فيهرب والجهاد هو السعى فى سبيل أعلاء كلمه الله لا إله إلا الله محمد رسول الله والجهاد والارهاب فى فلسطين مجتمع ومطلوب

تحياتى لك أختى حنان 16 ,the best ,ريحانه الجبل الاشم

[حورية الحريّة]

طيب
ما دام بدينا نحكي عن المشاكل الزوجية
حابة احكيلكم شغلة صارت و احكولي رأيكم
طيب هلا متل ما المعظم بيعرف انو انا خلصت توجيهي جديد..و بالتوجيهي الواحد بيكون مش طايق حالو..و بينزعج حتى من تكّةا لساعة
المهم.......جيرانا الأعزاء كل يوم و التاني طوشةةةةة...و أي ساعة كمان الساعة 1 او 2 بعد نص الليل...و لازم نسكر الشباك و الأبجور و لسا بنسمع كل صيحة و طوشة بيعملوها
الزوجة فلسطينية ..ما معها جنسية اردنية ولازم تبقى تجدد ايقامتها كل 6 اشهر او سنة على حسب...فبيوم سمعت سب غير شكل..يعني شتم و سب بعيد عنكم كلو ورا بعض زي الرصاص..سكرنا الشباك..سكرنا ا الأبجور...علينا صوتنا في الدراسة و على الفاضي..و المشكلة كانت انو الزوج مروح على البيت من الشغل الساعة 12 باليل و شكلها زوجتو حكتلو لازم بكرة نروح نجدد الاقامة..و صار يصيح فيها..و انا مش فاضي..و انا مش طايق حالي..و الدوائر الرسمية بتفتح على 8 الصبح و انا دوامي قبل على الساعة 7 الصبح..و متي بدنا نلحق...و خدولكم صياح و طاخ طيخ..و صار يسب و يشتم للأسف شتايم بالدين ما بتنحكي..لا حول ولا قوة الا بالله..... و صار يحكيلها انا بطلع من الصبح زي "---" و برجع بنص الليل عشان انتي تبدي تتأمري
و هي صارت تحكي طيب و الاقامة و الاقامة؟؟حكالها عادي ما بنجدد و بتريح منك لما يطرّوكي من الأردن على فلسطين ترجعي...شوفو يعني هالكلام بالله عليكم
انا الصراحة شفت انو التننين غلطانين
و بعدين شو..قال الزوج بيحكي انا بجيت مصاري لطعمي الأرانب الي عندك...و هي بتحكي هم ولادك كمان
و أبصر شو
المهم هيك اسبوع كامل بالشهر
دوام يعني على الأكيد
لا حول ولا قوة الا بالله
و ما دام الموضوع المقترح الخلافات و المشاكل الزوجية..فشوفولي رأيكم بهاي لو سمحتو....

[حنان16]

اختي حورية

والله انتي طرحتي فكرة كثير مهمة

فانا راح احكي عن رايي في اللي قلتيه

ولكل واحد رايه الخاص

والله هدول اصلا زواجهم من بعض كان غلط

لانه لو كان اصلا مبني على التفاهم ما كانت مشكلتهم توصل للدرجة ده

يعني ده هو فعلا سبب المشكلة الرئيسي

بس هلا خلاص جات الفاس في الراس مثل ما بيحكوا

وده لانهم جابوا اطفال

فلو ما كان في اطفال كانت السكة الوحيدة هي انهم يطلقوا

لانه لما توصل المشكلة للدرجة ده فخلاص ما عاد حلها يسير

لكن للاسف وقعوا هما ووقعوا معاهم الاطفال اللي ما الهم ذنب

فلو كنتوا انتوا يا اختي حورية اللي في بيتكم من الصراخ مو قادرين تدرسوا

فما بالك بالاطفال المساكين هدول

ومن كل ده ففي نظري انه الحل الوحيد للمشكلة ده هو ان كل واحد يحاول يصلح الغلط اللي راكبه من فوقه لتحته

لان الطلاق مش حل مشان لو حصل الاطفال حيبقوا متشردين

فانا من خلال اللي حكيتيه اظن ان الغلط الاول هو من الست

لانها ما بتعرف كيف تتعامل من زوجها

فلو هو اجا الساعة 12 بليل عيان كيف بدها تحكيه عن الاقامة واشيا مثل هيك؟

فهي كان بامكانها تخليها لوقت مناسب او حتى لو ما كان ممكن فلازم تكون ذكية وتعرف كيف تحكي

وحتى لو زوجها عصب فلازم تعذره وما تتعصب هي كمان

وكمان كان بامكانهم ما يحكوا هيك كانوا يدخلوا ويقفلوا عليهم غرفتهم ويتكلموا ويتناقشوا بكل هدوء

مش بالطريقة الفظيعة ده

ده عن غلط المراة

اما الرجل فهو من جهة الله يكون في عونه ومن جهة تانية هو غلطان

فالاولى لانه باين عليه المعيشة مغلباه

والثانية انه بيتعصب بسرعة وما بيعرف كيف يحل مشاكله

فما بيلاقي طريقة يخرج بيها من مشكلته الا العصبية والصراخ وهيك اشيا

وللاسف ده من صفات الشخصيات الضعيفة

لانه كان بامكانه يقعد ويحكي مع زوجته بكل هدواة ويقلها على مشكلته

ويحاولوا يلاقوا حل مع بعض

لكن للاسف

اللي حصل هو العكس

والقضية ده بتبرز لنا اهمية التفاهم ما بين الزوجين

وشكرا اختي حورية على الصرح المهم ده

[**a7la ana**]

السلام عليكم ..

شـــ ك ــرا اخت حنان على الفكرة الحلوة اولا وتانيا على المواضيع الاحلى ..

الموضوع المطروح حاليا هو مشكلة العصر ... ما بنشوف تنين تجوزو هالايام الا وبتقاتلو ع الطالعة والنازلة وآخر الزيجة طلااق او حياة تعيسة ونادرا منشوف تنين في هالوقت قادرين يكونو أسرة مستقرة سعيدة بعيدة عن المشاكل...
الاسباب كتييرة ... وما بنقدر نحصرها بنقاط بس انا حسب وجهة نظري برجع انو الشب هالايام اختلف عن ايام زمان وصار يحب حد يخدمو ويصرف عليه (مش الكل بس الاغلب) يمكن التربية !! أو طبيعة الجيل .. والبنت كتير عاطفية هالايام وبنفس الوقت متمردة وافكارها عن الزواج غلط يمكن بتعتبرو هروب من مشكلة او واقع وبتستخف في كتيير .. وكل من البنت والشب عندهم صار التنازل صعب وبطل عندهم انو الاسرة اهم من الرغبات الشخصية ... واذا الأساس غلط أكيد رح يكون الباقي كلو غلط (أكيد مش الكل هيك بس الاغلب ) ...
وأكيد للبعد عن الدين سبب واضح في هاي المشاكل خصوصا انو الشيطان بستغل بعد الزوجين عن الدين وبخليها تولع بينهم وهدا احب اشي ع قلبو ...

الحل ما رح يكون الا بالقرب من الله وفهم الدين منيح والتعلم من سيرة الرسول الله عليه وسلم ...
واذا استمرت هاي المشكلات رح تخرب الاسر ورح يدمر المجتمع لانو الاسرة هي اللبنة الاساسية فيه .. يمكن الحكي ما رح يبين اديش هاي المشاكل خطيرة ... بس الواقع الي احنا فيه موضح كلشي والله يهدي كل البنات والصبايا وينتبهو شوي انو الزواج مش لعبة هو اكبر مسؤولية في الحياة مش بس حياتهم وحياة الي بعدهم ..

تحياتي

[حنان16]

شكرا على مرورك الرائع

وابداء رايك في القضية المهمة ده

تحياتي

[لولو اليبناوية]

السلام عليكم

بعتذر حبيبتي حنان16

لاني ما انتبهت ابدا للدعوة والموضع الا هلأ

راح اخد جانب من ما قبل الحياة الزوجية

الي هوة الاساس فيها...وبسببه بتسير مشاكل كتير كبيرة

( الحب الغير مشروع قبل الزواج )

بجد كتير بدايق من ظاهرة الحب الي بكون بين الشب والبنت وبنتهي بالزواج

مش انو حب من بعيد لبعيد انو مثلا مجرد اعجاب بمكان عمل او ما شابه هيك

لأ ....بكون اكبر طبعا...انو حكى معها بشكل مش مشروع...وما خلو الاتنين...

بيجي بالاخير بتجوزها...

طبعا اول شي...الي متل هيك..بكون تفكيره مش ناضج...

يعني انا مش عارفة....كيف رضي عحالو ياخد وحدة بهالاخلاق..؟؟!!

بعد هيك...ببطل مأمن الها.....بسير شكاك بكل حركة عملتها...

ومش واثق فيها....بطعن بشرفها عالرايحة وعالجاية....

احكولي هاد شو سببو..؟؟!!!

سببه انو عارف ماضيها قبلت عحالها تعمل معو علاقة قبل الزواج...

( والله متل ما كلمتيني....مش بعيدة تكلم غيري )

فأكيد ما راح يضل مش مأمنلها..واكتير حالات طلاق بتسير من الشي



ناحية تانية....غلا المهور و والمبالغة بالصرف بالعرس

غلى المهر.....طبعا واضحة...بتكون البنت كتير سطحية هية واهلها...

والتتقيل عالعريس..وديون عراسو...وبالاخير بضلو حاقد عليها وعأهلها...

من كتر الديون المكومة عليه...وكلو على شو....بدون فايدة !!



ناحية تالتة......

غضب الرجااال

يماما شو بكره الزلام العصبيين انا...

يعني لازم يكون في فن بالتعامل....

طبعا هلأ اول ما يبدى الزلمة يجعر .... على طول البنت بتسير اتجعر معو..

واحلى طووووووووووووووشة

و نادر لما تلاقي بناويت بمتصو الغضب....

يعني انها تسكت مثلا...وما ترد عليه بالجعير هية كمان...

ولما يهدى ابو العبد ....بتتناقش مهو بكل هدوء....

طبعا اهم شي...المواجهة اول بأول..

ما ينشاف غلط من الطرف التاني...ويتخزن...

ويتراكم موقف عموقف...لانو بالاخير راح يولد الانفجار

وبسس

تسلميلي حنان حبيبتي