:: قصتي وحابب أتناقش معكم فيها ::

[محمود]

السلام عليكم ورحمة الله وبركاته ..

كيفكمـ يا أغلــــى ناس ::

في البداية هيي مشكلة مو قصــــة ^_^

بس اسمعوها للآخر ، وبصراحـــة بكون كاتبها لأني انسان بحب الصراحــة

وما بخاف الا من ربنا ..

قصتي يا ناس مع شخص بعزه كثير ، ما يروح بالكم بعيد هوي كان من اعضاء والمشرفين منتدانا الغالي

بيوم من الأيام ، طلب مني هالمشرف الاستقالــــة ، وما قصرنا رفضانها أول مرة ، وبعد الحاح منــــــــه

على انه مشغول وعليه مشروع تخرج قبلنا الاستقالــــة ، وكان كلنا امل انو ربنا يوفقـــه ويرجع النا ناجح

ومعاه شهادته ، الي صار انو لليوم ما عرفنا وين اراضيـــــــــه ،، ( للعلم ، كلام الناس في وقتها كان يقول

انو حابب يطلع من المنتدى )) واحنا كمان راجعناه في هالقصة وحكــى ما في منه هالحكــــــــــــــــــي ..

المهمـ . يوم بروح ويوم بيجي ، حتى تيجي اليوم آخر قصة , طبعا من النوع الي بجلطـ ..

بحكو فيها عن قصة شخص اسمه محمود الجاحد ..

أول شي هالشخص انو طلب مني انو يرجع على المنتدى لكن باسورده ناسيــــــه وانا رفضت اعطيه اياه !!

او محمود كان عنده علم في الموضوع وجحده في قصة استعادة الباسورد ..

طيب سؤال هنا (( ما في شي اسمه استعادة كلمة المرور ؟ ) أو ما فيه يسجل بعضوية ثانية ويكتب

موضوع في الدعم الفني والشكاوي او في الاقتراحات والشكاوي ؟! ،، مع انو كان مشرف وادرى بريادة

المنتدى !!

الموضوع الثاني : قصة اني نسيته بعد ما كان صاحبي وما سألت عنه !

اول شي الله يعين الناس على مشاغلها ،

ثاني شي هالشخص بعرف اني اتمسكت فيه ، لكن اصراره خلاني اقبل بانقطاعه ..

ثالث شي انا موجود في المنتدى 24*24 ساعه لو ما كنت موجود فعلا ً ، اكيد راح

اشوف كل موضوع في الدعم الفني في اي وقت ..

غير انو ايملي معروف و موجود ! ليش ما وصلني بريد من هالعزيز !!

كل هالحكي مش موجه اله ، لكن كل هالحكي موجه للناس الي فتحت الموضوع وذكرته من ورا ظهري :)

وهالأسلوب مش حلو ^_^ ، وما بليق بمراتب النقاش ..

الي عنده مشكلة يواجهني فيها ويعرضلي اياها بنحلها اله ، أما يفتعل مشكلة من لا شئ ويحط اللوم

فيها علينا ، هذا العيب في حد ذاته ان كان المقصود محمود او غيره ..

ثاني شي ليش بتحلفو الناس انو ما نعرف أسمائكم ! خايفين من المواجهة !

وحكيت هالكلام كله موجه للأشخاص الي ذكرتني في حوارها المسجل (:

والحمد لله ، واثق من حالي جدا ً اني ما قصرت في حقه ولا في غــــــيره ..

والي شايف مني تقصير يخبرني أنا ، ووقتها عيونا اله ، مش يفتح قصــص ,,

لانه انا في النهاية انسان وجل من لا يخطـــــــــــــــــــــــــــــئ ..


وكمان مرة بذكر محمود موجود في المنتدى ، و محمود ما بنسى حدا ، احنا مكانا معروف

الي بده يسأل عنا احنا كلنا هون ^_^ ، لكن انا وين بدي ادور |^^|


وكمان بحب ارحب فيه ، وانا أرسلت للشخص رسالة تذكيرية بكلمة المرور

وبحكيله يا بركة دمت كما أنت في قلوبنا ، والمنتدى فيك بنور ، وبننتظرك بكل شوق ..


وكل التحية مني للجميع ..

[حنان16]

اهلين خيو محمود اسمحلي اقول عبارة واحدة وبس من غير كتر الكلام *اللي بيكذب ويدخل ويخرج في الكلام بيفضل دايما ضعيف امام المواجهة ^_^ * تحياتي

[جيفارا*نابلس]

والله انا حسب مافهمت من قصتك

انه هو الي بيبعد

طيب حاولت تشوف اسباب اخرى غير هاي خلتو يبعد

ممكن في شي تتش حصل بينكم وانتا ناسي او هو فاهم موضوع غلط

بالنهايه هايدي مصلحتك وانتا ادرى فيها

ولكن اسلوب الحوار والمواجه بينك وبينو اذا كان قريب منك انفع شي

[Abu Shadi]

اي والله مقصر في حقنا وين القسم الخاص لاعضاء الفرقة يلا يا محمود شد واعمل قسم خاص فينا عشان نعرف نجتمع وانسق بمشاريعنا هههههههههههههههه ولا شو رايكم مش هذا بردو تقصير في حقنا ربنا يوفقك محمود
تحيتي هيني واجهتك ياااااااااااااااااااا

[فراشة]

والله يا محمود انك مو مئصر بحدا واللي بدو يجي يجي واللي ما بدو ما تزعل حالك واللي عاجبني بالئصة انو انت ما بتتخلى عن مشرفينك بسهولة .... ع العافية


سلام

[do3aa]

والله يا اخ محمود بصراحة ما عمرى اسمعت او شفت انك مقصر فى امر حتى لو كان هين

ومشكور على اهتمامك الكبير بالاعضاء

ان شاء الله بكون فى ميزان حسناتك

الله يجزيك كل خير يارب

[احلى رورو]

عرفت اللي اصدك عليه هههههههههههههههههههه

بس انت يا محمود عملت اللي علييك

وهلااء دورو ^ ^

بدو يرجع برجع وما بدو بلاش

والمنتدى حينور لو ترجع يا.............

[زهرة سلهووب]

انا مش فاهمة شي رح يجي يوم وفاهم المهم انا لو واجهتني مشكلة بالمنتدى باي صفحة اكتب او باي قسم رد علي اذا في مجال ماشي لانه قبل شوي كنت بدي ارد على خاطرة بمواضيع متكررة بس اجتني رسالة بتقول انه اما حسابي محظر او غير مفعل من قبل الادارة ياريت افهم شنو فيه مع الاحترام والله يوفق الجميع

[المعتصم بالله]

يا صاحبي
أنا كمان بقول أنو كل أنسان لازم يتأنى قبل أي شي

[قسامي غزة]

انا يا محمود عارف مين الشخص
وانا بحكي معاه دائما وسمعت كلاموا وهوا بحكي انوا بعت الك مشان تسترجع كلمة المرور بتعته وبعت الك رسالة علي الايميل بس انت ما رديت عليه
وبعدين يا محمود ما حد فينا معصوم من الخطا
والكل بيخطا
انا شايف انوا الوسيلة الوحيدة هوا انك تحكي معاه
وهاد افضل طريقة
الشخص هاد الكل كان بيحيه وهوا انا برايي بتركه ترك فجوة بالمنتدي في فترة من الفترات
وانا بتصوري عمل اشياء كتيرة للمنتدي وطبعا كل الاعضاء قدموا للمنتدي
يعني احنا كلنا عائلة هان وكلنا اخوة
وانت واياه كنتوا اشخاص عزيزين كباقي الاعضاء ومش عند اي مشكلة صغيرة بدنا ننسي بعض
وانا لو زعلت من واحد بقله انت عمت هيك وهيك غلط
وبراجعه شخصيا
فالطريقة المناسبة انكم تحكوا بالمسنجر حتي تنتهي المعضلة هاد
وان شاء الله تنتهي القصة ويرجع علي المنتدي
لانوا هنكون سعداء جدا برجوعه ويرجع علي مكانه
واحنا يا محمود اخوة هان والاخوة الي تجمعنا والمحبة في الله
وان شاء الله ربنا يصلح الامور
وانا متاكد انك ما بتقصر بمساعدة اي شخص
والكل بيعرف هيك
وربنا يوفق الجميع