مءهورة يا رب ومش عارفه شو اساوي بليز ساعدوني؟

[أم ريان]

يمكن كلامي ما يكون الو معنى يا جماعة الخير قسما بالله عم بكتب وانا مءهورة ودموعي ع خدي شلال اعذروني يا اخوان بس شو اساوي مءهورة انا في توجيهي ومن الوضع هاد مش ادرة اركز بالمرة ع الدراسه مخي بيفكر انجح ولا اروح وطني ابد ا من هدفي ولا اروح اتبرع بدم ولا شو اساوي عن جد والله والله والله انا فقدت الامل خلص هون بيؤلك اشتباكات وهون اجتياح والله يا جماعه انا خايفه ع الوطن يا ربي شو اساوي بدي اروح اتبرع بوحدتين دم بابا بيحكي انو غاد في طوارء المستشفى يعني ما بنفع اروح ماما بتحكي انو روحي مش مهم يا ماما موكلاكي ل الله طيب حلمي استشهد وبيحكولي معيكي هبل بس لانو انتي لسه زغيرة بكرة نصيبك الا ما تتزوجي فقدت الامل في الشهاده بس املي في الله كبير يا ربي نفسي اعمل شي لوطني ف بليز حد يساعدني شو اعمل الدراسه ولا الوطن اهم اعذروني يا اخواني لصراحتي بس خلص الهم في الالب كتر وما عاد الو وسع

[قسامي غزة]

اولا السلام عليكم اختي الكريمة
انا عندما قرات كلامك حسيت بحجم الخوف والحيرة الخوف من توجيهي والحيرة من الي عم بيصير وقلة تركيزك وكل واحد فينا مر في هاي المرحلة و الي هيمر بيها لسا
ااختي الكريمة
كل واحد فينا في اله هدف في هاد الدنيا ونسعي اله
بس بدي اعلق علي كلامك وان شاء الله يكون في بكلامي فائدة وتستفيدي
وبدي اتطرق لكلامك نقطة نقطة
اول شي انتي تحكي عن توجيهي والوضع مش مساعد علي الدراسة
انتي لازم تعيشي الواقع هاد الي يصير في غزة مامرة والكل بيعرف هاد الكلام
وانتي لو بدك تتابعي الاخبار وتنسي توجيهي انتي الخسرانة بكل تاكيد
لانوا انتي قدامك هدف وبدك تسعي حتي تحققيه ولازم تتحدي الواقع الي تعيشيه قصدي تتحدي الي عم يصير بانك تدرسي وتجتهدي مشان تنجحي
طيب انا بدي احكيلك شو صار معي
انا قبل الامتحانات النهائية بتعت توجيهي باقل من اسبوع يعني يمكن 5 ايام قد توفيت امي
وكيف بدك اياني ادرس في هاد الوضع الدنيا ضاقت فيه مش عارف شو اعمل ما في نفس للدراسة حتي اني فكرت ما اقدم امتحانات واعيد السنة كلها تفكيري كله انشل مش عارف شو اعمل خلصت العزاء وصار يومين للامتحانات شو اعمل ياربي مش عارف شو اعمل
ولو اني بدي استسلم لحزني قدامي مستقبلي متراكم علي توجيهي بدي اضيع مستقبلي مشان حزني وبفضل الله تجاوزت المحنة طبعا هاد بفضل الله اولا ثم بفضل الاصحاب والمقربين مني ونصيحتهم الي
طبعا انا ما جبت نتيجة كما كنت متوقع بس بفضل الله استمريت في حياتي
وهيني دخلت الجامعة وهيني علي اشراف اني اخلص من الجامعة
يعني هاد الي صار الي ما صار بالشي القليل وصعب جدا بس لازم افكر بعقلي مش بعواطفي حتي اتجاوز هاد المحنة وانتي كمان لازم تعملي هيك
وبالنسبة لانك بدك تتبرعي بدمك الكل منا بيحاول وبدو يعمل شي للوطن
بس انتي بتقدري تعملي كتير وهوا الدعاء للمجاهدين والدعاء علي المنافقين وربنا يوفق ويحمي المجاهدين
واكيد في شباب كتير بيروحوا يتبرعوا بالدم وبيسدوا عنك وبعدين مش حلوة انك بنت تروحي تتبرعي بالد لانوا في الي يسد عنك بالشي هاد وانتي تفرغي للدعاء الهم
واخر نقطة قصة انك بدك تستشهدي واهلك بيحكوا بدك تتزوجي
اختي الكريمة مين منا ما بيحب يشتشهد الكل يتمني الشهادة في سبيل الله ويسعي الها
بس مش معني هيك اني اضل اقعد في دارنا واقول بدي استشهد
لازم اني ادرس ولازم انجد واتزوج وامارس حياتي بطبيعتها واذا استشهدت كان بها واذا ما صار الي نصيب ربنا بيكون مش كاتب الي الشهادة وهيجازيني بالنية الي عندي ان شاء الله
وانا يااختي بدي انصحك انوا تطلعي قدامك اتطلعي لمستقبلك ولحياتك وواذا الك نصيب في الشهادة اكيد هتوخدي نصيبك بس ما معني هيك انك ما تدرسي او تتزوجي
لانوا يا اختي مش كل حاجة بالدنيا نتمناها تتحقق نحن نسعي الي تحقيقها واذا ما تحقق احنا بنكون عملنا الي علينا والباقي علي الله
انا عارف اني طولت عليكي بكلامي
بس ارجو تكوني اخذتي خلاصة كلامي والفائدة
واي خدمة واي نصيحة انا مستعد باذن الله
اعذريني علي برمي الكتير

[عاشق الحور]

ما تقلقي اختي

ما دام في بفلسطين شي اسمو

حمـــــــــــــــــــاس

اكيد ستبقى الحصن المنيع وصمام الامان

لحفظ الشعب الفلسطيني وتوجيه البوصلة نحو الاحتلال


اطمئنوا فحمـاس كما لم تخذلكم سابقا لم ولن تخذلكم أبدا

[القلب الطيب]

يا اختي للوطن رب يحميه أولا

وشرفاء ثانيا

يعني انت شو بدك تعملي عشان تنجدي الوطن

هاد الوضع تعود عليه الشعب اكثر من سبع سنوات والشباب و الصبايا بيقدموا امتحانات ثانوية عامة تحت القصف
والدمار وشهيد هنا و اصابة هناك

لا عليكي اهتمي بدراستك لن يبقى شي لإمتحانات الثانوية العامة سوى 20 يوما

لا تضيعي الفرصة

الدكتور المقادمة كان في سجون الاحتلال والسلطة يقرا كل يوم ورد من القراءة50 صفحة

يمكن تقولي شو بدي في القراية هو فاضي يعني يقرأ كتب

يعني هو يحمل هم التحقيق ولا التعذيب ولا خوفه على حماس ولا ولا ...... الخ

وكان في الوقت الذي السجانين يطفئون النور يذهب ويجلس يقرأ على الضور الذي يدخل من تحت باب السجن
نصيحتي ان لا تضيعي الفرصة ...... هذه الثانوية العامة يا اختي
تحياتي

[أم ريان]

شكرا اخ الءلب الطيب اسامي غزة عاشء الحور

كلامكم كتير حلو وخاصه اسامي كلامك حلو كتير ونصايك حلوة كتير ودخلت ه المخيخ تبعي بس والله الواحد لما يكتءب ما بيعرف شو بيحكي وخاصه لمن تكون الكءابه هي علشان الوطن وتعا هون ليش يختي مش بنءادمه انا لمن اروح اتبرع انت عارف مرة سمعت لشيخ ال عن التبرع في الدم واجرو كبير كتير بس انا والله نفسي احس بشي انا قدمتو لوطني وتعبت فيه غير الدعاء انا عموما هالا راح انتبه لتوجيهي وبعد توجيهي بشوف شو راح بيصير مرسي كتير يا اخواني ع الدعم والله يحفطكم


















اختم في الله عاشقة الشهاده