مارأيكم،،"الفتاة وكرة القدم!!"

[صاحبة القلم الحزين]

حبيبتي حنان

موضوع مميز فعلا

و الله انا رأيي تماما متل رأيي اختي حورية

يعني بأيد تحت ظروف معينه

و بعارض في ظروف اخرى

عنجد ما شاء الله ردها كفى و وفى

يسلمووو

[قسامي غزة]

اختي الكريمة
اعذريني الفترة الي فاتت ما رديت علي يمكن اخر موضوع
بس راح ارد علي قضية هالاسبوع وهي الزواج المبكر
طبعا الزواج المبكر له فوائد واضرار وانا بنظري الاضرار اكثر من الفوائد
يعني انا مش عارف بالتحديد اي سن تقصدي بالمبكر ولكن انا راح احكي علي اساس انوا المبكر قبل سن 17 سنة
اولا الشب لما يتزوج قبل سن 20 مثلا ما بيكون تفكيره ناضج بما فيه الكفاية للزواج لانوا الزواج مسئولية وشي مش بسيط لازم يكون تفكيره ناضج حتي يعرف كيف يواجه صعوبات الحياة ومشاكلها
والحين نيجي نحكي عن البنت
طبعا البنت محتاجة يكون تفكيرها ناضج اكتر من الشب لانها تقع عليها مسئولية اكبر
لانوا هي المسئولة بالقدر الاكبر عن ترباية الاطفال وشغل البيت والتوفيق بين شغل البيت وترباية الابناء
وانا بذكر مرة انوا في بنت تزوجت علي عمر 15 سنة او 16 سنة يعني سن صغير لتحمل المسئولية
وبعد هيك انجبت وطبعا ما عندها القدرة الكافية علي التعامل مع الطفل فقررت انها ما بدها الابن بدها ترميه لانوا صار عندها ضغط والضغط يولد الانفجار غير لحقوها اهل الزوج وصاروا يوخذوا الطفل كل يوم من الصبح لاخر النهار
حتي يربوا الطفل
هاد والله انهم ظلموا البنت
وراح احكي عن موقف صار معي مرة في شب تناقشنا بهالموضوع طبعا هوا هاد الراجل متزوج وعنده من الابناء والبنات وعنده بنت عمرها 15 سنة وهوا الراجل هاد مش متعلم يعني عايش عيشة الجاهلية
وبحكي عن الزواج انا رحت سالته اذا تقدم لبنتك عريس في هاد السن هل بتزوجها انا ما كنت متصور انوا في ناس تفكر هيك الا هوا حكالي اذا شب محترم اكيد راح ازوجها
انا انجنيت لما سنعت هالكلام قلتبه حرام عليك هيك بتظلم بنتك لساتها صغيرة
يعني شي عجيب انوا يكون في ناس يفكروا بالطريقة هاد
ويلا سامحوني اذا طولت عليكم في كلامي
بس انا طولت في الرد حتي اعوض عن المرة الي فاتت لامي ما رديت علي الموضوع الي قبل او القضية السابقة ومشان ما تزعل الاخت حنان

[ملكة الإحساس]

السلام عليكم ورحمة الله وبركاته

يعطيكي العافية حنان 16

بالنسبة للزواج المبكر .. فأنا مع وضد ..

مع ... بس البنت ما تكون اقل من 18 /19سنة ..

لما بتكون البنت ناضجة وعاقلة .. وبتعرف تتحكم بزمام الأمور .. وعندها المقدرة لتحمل المسؤولية
وكمان بتستطيع فتح بيت .. وطبعا لازم يكون قرار الموافقة منها .. من دون ضغوط الاهل .. والاهل ادا شافو الشب منيح لبنتهم .. عليهم يوعها ويرشدوها .. من دون يتولو اصدار القرار بأنفسهم .. فهون البنت تتزوج ..

اما لما تكون .. لساتها ما بتعرف شي .. وما بتقدر تتحمل مسؤلية بيت وزوج .. واولاد ..

فهون عنجد حرام اهلها يزوجوها .. لانها راح تواجه صعوبات كتييرة باول حياتها .


واما بالنسبة للشب .. فهدا انا ضد نهااائي ..

لأنوا الشب لسة ما بكون شايف الدنيا .. وعارف شو معنى الحياة .. طبعا مو الكل .. لكن الأكترية منهم لحد هلأ ما بيعرفوا شو هدفهم بالحياة .. وشو هما اصلا بدهم ..
وانا ما بنصح بزواجهم المبكر لأنو اسم الله عليهم عندهم تغير في الشخصية .. واختلاف الرأي كتيير من فترة لفترة .. وكمان نضرتهم للحياة بتختلف ..
وبعدين ما بكون عاقل .. وصابر .. وما بحكم عقلو ..
يعني لأتفه الاسباب ممكن يزعل .. والحلوة التانية زوجتوا " طبعا هما صغار" ولسة تفكيرهم شوي ...
بتحمل حالها وغراضها وعبيت اهلها ..
بيسألوها مالها .. بتحكي بدها تتطلق .. طيب بسألوها شو المشكلة .. بتحكي ولا شي ..
رفع صوتوا وعيط بوجهها ..

والمصيبة انهم لو ما تفاهموا .. وطبعا بهدا السن كل انسان بحب يفرض رأي .. يعنوا را يتخانقوا

والمصيبة الاكبر لو تواجد طفل .. وصارت الحياة بينهم مستحيلة .. هي راح تتطلق ولساتها صغيرة ..
وهوا راح ينهم .. باول حياتوا

فحرام هدا اللي بيصير .. وللأسف هلأ نسبة المطلقات مرتفعة جدا ..

فمن الافضل .. انو الشب لما يكبر .. ويفهم .. ويعرف كيف راح يدير حياتو .. وامورو .. يتزوج .. بس مو يكبر كتيير .. يعني 25 وفوق ..


والسلام عليكم ورحمة الله وبركاته

[حنان16]

مشكورين اخواني كلكم وانا كمان بدي ابدي رايي في الموضوع ده قريب انشاء الله عشان بس مشغولة شوية في الوقت الحالي

[حنان16]

السلام عليكم متاسفة على تاخري اما بالنسبة للموضوع فانا ضد الزواج المبكر بالمرة ، لانو كلو سلبيات فلو اتكلمنا عن اسبابه مثلا ، ليه الاهل بيجوزوا بناتهم بدري؟ حانلاقي انهم يا اما جاهلين ، او انهم مش واثقين في تربية بنتهم ... وللاسف فسواء كان هذا او ذاك فكل ده بيكون نتيجته مضرة بالبنت ، لانهم بيجوزوها وعقلها لسة مش قد مسؤولية الزواج الكبيرة ومشاكله ومتاعبه ... ولو ما اتفقتش مع الراجل هيده الكرثة فالنتيجة انهم يا اما بيطلقوا او انهم بيفضلوا مع بعض وحياتهم ما بقالهاش اي معنى والمشكلة الاكبر انهم لو جابوا اطفال فهما كمان بيتعذبوا وبيتحرموا من الجو العائلي الهادئ ... وكل ده سببو هما الوالدين اما بالنسبة للشاب فانا مبظنش ان في حد حتى اهلوا حيفرضوا عليه يجوز بدري اظن ان البنت هي بس اللي بتوقع في المشكلة ده وده نظرا للجهل ، فعشان كده مادام ليه الاختيار فانا بانصح كل الشباب انهم مايجوزوش الا بعد مايكونوا قد مسؤولية الجواز عشان ما يتعبوش ولا يتعبوا معاهم بنات الناس . وآسفة على الاطالة

[قطرة مطر]

الزواج المبكر بالنسبة لي كارثة لأنه المتضرر الوحيد في النهاية البنت
شو معني بنت تتزوج ما تكون تعرف أي شئ في الحياة ذات خبرة قليلة في كل شئ
بالنسبة لرجل بيتكيف و بس صير مهه فلوس بيتزوج و الأولاد بيكبرواوبتكيفوا و بعيشو حياتهم و الخسران مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حنان16]

شكرا اختي قطرة ماء على مشاركتك القيمة

[حنان16]

اخواني نمر لموضوع آخر ، هو موضوع لا يقل اهمية على المواضيع السالفة ، انه عن *فيروس الموضة* فما رايكم في هذا الموضوع ؟؟؟؟

[صاحبة القلم الحزين]

الموضة

قمة في التخلف

و أكبر دليل على التبعية و الهوان

مرة ناقشنا هالموضوع هون في القسم

في موضوع سابق برضو بيحكي عن الموضة

و التقليد الأعمى للغرب

و حبيت أكرر الرد كمان مرة

" إخوتي الم نسمع بقول الرسول صلى الله عليه وسلم:
( لتتبعن سنن من كان قبلكم ، شبرا بشبر، وذراعا بذراع، حتى لو دخلوا جحر ضب تبعتموهم) قالوا: يا رسول الله: اليهود والنصارى؟؟!! قال: ( فمن؟)...أخرجه البخاري

تأملوا هذا الحديث وانظروا ماذا قال الرسول عليه أفضل الصلاة و أزكى التسليم قال حتى لو دخلوا جحر ضب لدخلتموه..
يا ناس يا عالم ..جحر ضب خص هنا بالذكر لشدة ضيقه..؟؟!!

احذروا إخوتي انه أمر عظيم لقد تفشى مظاهره في المجتمعات الإسلامية....
وكثير من أبناء وبنات العصر انبهروا بالغرب وحضاراتهم الزائفة لأنها قائمة على باطل..
الم نسأل أنفسنا يوما لماذا الغرب لا يلبسون لباسنا ولا يقلدونا؟؟
والمشكلة الكبرى نقلدهم... "

*****

و يسلمو أختي حنان

الله يرضى عنك و يوفقك يا رب

[ملكة الإحساس]

السلام عليكم ورحمة الله وبركاته ..

يعطيكي العافية اختي حنان 16 ..

انا من رأي انو الموضة شي حلو .. يعني تغيير لطرق اللبس .. اختيار الوان اخرى .. موديلات جديدة ..

بس بحدود وضوابط .. يعني ناخد منها الشي ياللي بناسبنا .. وبيتوافق مع اخلاقنا وتعاليم دينا .. ونترك عدا ذلك ..

ومو شرط انو ناخد مفهوم الموضة انو تشبه بالغرب او تقليدهم .. لأ .. لأنو في الاول والاخير راح نراعي تعاليم دينا

الاسلامي .. وماراح نخرج عن مبداءنا .

اما بالنسبة للحاصل في هالايام .. فرحمة الله على شباب وبنات المسلمين .. لأني اللي بشوفو واللي شايفتوا .

انهم عم يقلدوا الغرب .. بلا وعي .. والاكتر من هيك عم يقلدوهم بالشي يالي ما بينفعهم ..

صاروا الشباب يطولو شعورهم .. ويلبسو اكسسوار .. ويلبسو متل لبس البنات .. ويتنعموا ..

والصبايا مشالله عليهن ما قصروا .. عم يقصوا شعرهم متل الشباب .. ويلبسوا متلهم .. حتى المشية صارت

متلهم .. وكل هدا باسم الموضة ..


الله يهدينا انشالله .. وينور علينا دنيا واخرة.

فانا هون اكيد ضد الموضى بهالطريقة

..